Fal'kov Valerii Nikolajevič

Рувики-späi
В Рувики есть статьи о других людях с фамилией Fal'kov.
Fal'kov Valerii Nikolajevič
Valery Falkov govru.png
Флаг
Venäman tedon da korktan opendusen ministr
Флаг
 21. vilukud vodel 2020
(aigsijaline pämez' 7.—13. semendkud vodel 2024)
Valdmehišton pämez' Mihail Mišustin
Andrei Belousov (aigsijaline pämez')
Mihail Mišustin
Ken oli ende Mihail Kot'ukov
Флаг
T'umenin valdkundaližen universitetan rektor
(aigsijaline pämez' reduku vodel 2012 — 21. keväz'kud vodel 2013)
Флаг
21. keväz'kud vodel 2013 — 21. vilukud vodel 2020
Ken oli ende Gennadii Čebotar'ov
Ken tuli jäl'ghe Ivan Romančuk
Флаг
T'umenin agjan parlamentan deputat
Флаг
18. sügüz'kud vodel 2016 — 21. vilukud vodel 2020
Флаг
T'umenin lidnan parlamentan deputat
Флаг
2013 — 2016
Sündundpäiv 18. redukud 1978(1978-10-18) (47 лет)
Partii Jedinaja Rossia
Openduz T'umenin valdkundaline universitet
Tedostepen' juristan tedokandidat, docent
Professii jurist
Rad politik
Tedoline rad
Tedoerišt jurisprudencii
Radsija Venäman tedon da korktan opendusen ministerstv
Логотип РУВИКИ.Медиа Mediafailad RUWIKI-tedoiš

Valerii Nikolajevič Fal'kov (ven.: Вале́рий Никола́евич Фалько́в, om sündunu 18. redukud 1978, Tümen') — venälaine valdmez', Venäman tedon da korktan opendusen ministr 21. vilukuspäi vodelpäi 2020 (aigsijaline pämez' 7.—13. semendkud vodel 2024). Tedomez'-jurist.

T'umenin valdkundaližen universitetan enzne rektor (2013—2020).

Elostarin

Openduz

Lopi Novoselezn'ovan keskškolan Kazanskoje-küläs Kazanskijas rajonas T'umenin agjas.

Vodel 1995 päzui opendamhas T'umenin valdkundaližehe universitetha juridižele tedokundale, vodel 2000 lopi Valdkundan da oiktusen institutan "jurisprudencii"-special'nostin mödhe, jäl'ghe necidä putui aspiranturaha da semendkus vodel 2003 lopi sen edel aigad, polesti kandiddissertacijad "Edel valičusiden agitacijan oiktusiden parembzoitamine Venämal" - teman mödhe (tedo-ohjandai Gennadii Čebotar'ov)[1].

Tedo-administrativine rad

Vodelpäi 2003 vodhesai 2007 Fal'kov — T'umenin valdkundaližen universitetan konstitucionnijan da municipaližen oiktusen kafedran varapämez', vodel 2007 Fal'kov tegihe kafedran docentaks.

Keväz'kuspäi kül'mkuhusai vodel 2007 — T'umenin valdkundaližen universitetan Valdkundan da oiktusen institutan varapämez' openduzradon mödhe.

Vodelpäi 2007 vodhesai 2011 Fal'kov — T'umenin valdkundaližen universitetan prorektor ližaopendusen da filialoiden mödhe. Vodelpäi 2011 Keväz'kuhusai vodhesai 2012 — T'umenin valdkundaližen universitetan oiktusen, ekonomikan da ohjandusen institutan pämez'.

Vodelpäi 2009 vodhesai 2011 Fal'kov oli T'umenin agjan Noriden tedomehiden da azjantundijoiden nevondišton pämehen (vodel 2011 Nevondišt oli nimitadud ühteks parahimišpäi organizacijoišpäi, miččed lujas hüvin radaba Venämal).

Redukuspäi vodelpäi 2012 sulakuhusai vodhesai 2013 Fal'kov — T'umenin valdkundaližen universitetan aigsijaline pämez'. 21. keväz'kud vodel 2013 oli valitud T'umenin valdkundaližen universitetan rektoraks ühtesradnikoiden konferencijal. 17. sulakuspäi vodelpäi 2018 Fal'kov oli pandud T'umenin valdkundaližen universitetan rektoran sijale Venäman tedon da korktan opendusen ministerstvan attestacionnijan laudkundan pätandan mödhe[2] da radoi sigä vodhesai 2020.

30. sulakud vodel 2015 Fal'kov oli valitud T'umenin agjan korktoiden školoiden rektoroiden nevondišton pämeheks. Venäman korktoiden školoiden juridižen opendusen openduz-metodižen ühtištusen prezidiuman ühtnik.

Fal'kov ohjanzi "T'umenin regionan perspektivad: uded industrijad da radnikoiden varu"-openduzprogrammad, mittušt Moskvan "Skolkovo"-ohjanduzškol pästi T'umenin agjan gubernatoran pakičusen mödhe ühtes T'umenin valdkundaližen universitetanke.

21. vilukud vodel 2020 Fal'kov tegihe Venäman tedon da korktan opendusen ministraks Mihail Mišustinan valdmehištos.

14. semendkud vodel 2024 Valerii Fal'kov möst om vahvištadud Valdkundaližel Dumal Venäman tedon da korktan opendusen ministran sijale[3], necil-žo päiväl Venäman prezident allekirjuti käskön panendas[4].

Aktivistan rad

Miše löuta da kehitoitta lahjakahid lapsid T'umenin regionas Fal'kov tariči tehta regionankeskeižen äipoližen "Mendelejev"-olimpiadan školan openikoiden täht, voz' 2011.

Keväz'kuspäi vodelpäi 2012 om "Venäman juristoiden associacijan" regionaližen erišton varapämez', Associacijan T'umenin lidnalaižen erišton pämez'.

Vodelpäi 2006 vodhesai 2013 — T'umenin agjan valičendkomissijan pätuzänen oiktusenke.

Vodelpäi 2013 vodhesai 2016 — T'umenin lidnalaižen Duman VI kucundan deputat, "Jedinaja Rossia"-partijan regionaližen politižen nevondišton ühtnik, T'umenin lidnalaižen Duman kaikenaigaižen komissijan pämez' lidnan sauvomižen da man radoiden mödhe. 18. sügüz'kuspäi vodelpäi 2016 21. vilukuhusai vodhesai 2020 — T'umenin lidnalaižen Duman deputat ühtmandatižen valičendümbrusen mödhe № 17.

Vodel 2020 mülüi radgruppaha taričendoiden mödhe vajehtusiden panendas Venäman Konstitucijas[5].

"Tobol'sk da kaik Sibir'"-al'manahan toimitajiden nevondišton pämez'.

"Oiktusen avaitud škol"-projektan iniciator oiktusiden sirdämižes T'umenin agjan eläjile.

Vodelpäi 2014 mülüb Venäman prezidentan ohjandajiden-radnikoiden varuhu.

Kezakuspäi vodelpäi 2015 mülüb tedišteluznevondištoho T'umenin agjan tarbhaižiden radnikoiden monitoringan da endustusen mödhe.

25. tal'vkuspäi vodelpäi 2018 mülüi Venäman Prezidentan nevondištoho tedon da opendusen mödhe[6].

27. tal'vkud vodel 2024 Venäman prezidentan käskön mödhe 27.12.2024 № 1120 "Erištoidenkeskeižen istoriližen opendamižen laudkundan küzundad" oli pandud Erištoidenkeskeižen istoriližen opendamižen laudkundan prezidiumaha[7].

15. semendkud vodel 2025 Venäman prezidentan käskön mödhe om pandud Venäman tedoakademijan (ven.) (vep. popečitel'skajaha nevondištoho[8].

Pauklahjad da arvnimed

Melentartused da lebu

Joudjal aigal Fal'kov navedib sportatas da ajada londusele – se andab hänele väged. Konz-se Fal'kov navedi mecata, no konz kazvoi karjeras, melentartuz' neche azjaha kadoi. Fal'kov erašti ajeleb penele kodimale. Oldes Novozelezn'ovps, hän tuleskeleb školha. Fal'kov tugedab školan ecindotr'adoid. Hän mugažo ühtneb aktivižesti "T'umen'-T'umGU" da "Otčizna"-ecindgruppoihe[9].

Kanz

Valerii Fal'kov om mainu, hänel om kaks' poigad[10].

Homaičendad

  1. ↑ Просмотр документа — dlib.rsl.ru. Дата обращения: 17 tal'vkud 2025. Архивировано 25 uhokud 2020 года.
  2. ↑ Приказ от 10 апреля 2018 г. № 12-07-03/50. Дата обращения: 17 tal'vkud 2025. Архивировано 13 vilukud 2021 года.
  3. ↑ Госдума утвердила Фалькова министром науки и высшего образования. РИА "Новости" (14 semendkud 2024). Дата обращения: 17 tal'vkud 2025.
  4. ↑ Президент подписал указы о назначении членов Правительства Российской Федерации и директоров служб. kremlin.ru (14 semendkud 2024). Дата обращения: 17 tal'vkud 2025.
  5. ↑ Источник. Дата обращения: 17 tal'vkud 2025. Архивировано 28 elokud 2020 года.
  6. ↑ См. Указ Президента Российской Федерации от 25.12.2018 № 748 «О внесении изменений в состав Совета при Президенте Российской Федерации по науке и образованию и в состав президиума этого Совета, утверждённые Указом Президента Российской Федерации от 16 ноября 2017 г. № 550» Архивная копия от 12 vilukud 2021 на Wayback Machine
  7. ↑ Указ Президента Российской Федерации от 27.12.2024 № 1120 ∙ Официальное опубликование правовых актов. publication.pravo.gov.ru (27 tal'vkud 2024). Дата обращения: 17 tal'vkud 2025.
  8. ↑ Указ Президента Российской Федерации от 15.05.2025 № 318 "О попечительском совете Российской академии наук". publication.pravo.gov.ru. Дата обращения: 17 tal'vkud 2025.
  9. ↑ Фальков Валерий Николаевич. Федерал Пресс. Дата обращения: 17 tal'vkud 2025.
  10. ↑ Валерий Фальков, министр науки и высшего образования России. Биография (5 sügüz'kud 2025). Дата обращения: 17 tal'vkud 2025.

Lähtked

Om sadud "https://vep.ruwiki.ru/w/index.php?title=Fal%27kov_Valerii_Nikolajevič&oldid=528283"