Imatr

Imatr
Герб[d]
61°11′35″ с. ш. 28°46′35″ в. д.
Valdkund	Suomi
Istorii da geografii
Tegemižen päiv	1948
Pind	191,28
Aigvö	UTC+2:00[d], летом UTC+3[d]
Eläjad
Eläjad	▼25 655 чел. (31 tal'vkud 2021)
Официальный сайт
Mediafailad RUWIKI-tedoiš

Imatr (suom.: Imatra, mugažo ročin kelel) om lidn da lidnankund Suomenman suvipäivnouzmas, Suvikarjal-agjas. Se om valdkundan 40nz' lidn eläjiden lugun mödhe.

Istorii

Eländpunktan aluz om pandud vl 1948. Anttihe kundale lidnan statusad vl 1971.

Imatr šingotase cellülozbumagaižel tegimištol («Stora Enso»), metallurgijan tegimel («Ovako Bar Oy»-kompanii), kahtel GES:al, lebuturizmal i torguindal röunpäličmänendtahonno. Jogapäiväline avtobusühtenzoituz om olmas Piterinke vspäi 2012.

Geografijan andmused

Lidn sijadase agjan keskuzpalan suves, Karjalan kaglhan pohjoižes, Vuoks-jogen randoil (suom.: Vuoksi, roč.: Vuoksen 143 km pitte, Ladogan järven ližajogi) i Saima-järven (suom.: Saimaa, roč.: Saimen 4400 km², 76 m ü.m.t.) päivnouzmaižen randan čogas. Matkad Venäman röunhasai om 6 km suvipäivnouzmha, agjan Lapenrand-keskushesai om 33 km päivlaskmha-suvipäivlaskmha orhal vai 35 km teidme, Hel'sinkihesai om 236 km päivlaskmha-suvipäivlaskmha orhal, 256 km avtotedme vai raudtedme. Lähembaine lidn om Svetogorsk (Venäman Leningradan agj) 7 km suvipäivnouzmha Imatran keskusespäi. «Lapenrand — Jogensu»-raudtekeskust i «Lapenrand — Jogensu»-avtote läbitadas lidnad.

Lidnankundan ühthine pind om 191,28 km², sidä kesken ma — 155,01 km², sokaz tahond — 36,27 km² (vn 2019 andmused).

Eläjad

Vl 2010 lidnankundan eläjiden lugu oli 28 540 ristitud, vl 2015 — 27 835 ristitud. Vspäi 1980 kaikiš suremb kundan ristitišt oli 36 378 eläjad vl 1980.

Eläjad mamankelen mödhe (2016): suomen kel' — 94,1%, ročin kel' — 0,2%, toižed keled — 5,7%.

Galerei

• Imatran kaupungintalo - Arto Sipinen.jpg

  Lidnan ohjastusen pert'
  vl 2012

• 

  Koumen Ristan lüteranine jumalanpert'

• View from Kaukopää pulp mill.jpg

  Cellülozan tegim
  vl 2014

• Imatran rautatieasema.JPG

  Päraudtestancii

Homaičendad

Irdkosketused

• Lidnan ohjastusen sait (imatra.fi). (suom.)  (angl.) (ven.)