Oulu
| Oulu | |||||
|---|---|---|---|---|---|
| suom.: Oulu[1] | |||||
 | |||||
|
|||||
| 65°00′51″ с. ш. 25°28′19″ в. д.GЯO | |||||
| Valdkund |
|
||||
| Глава | Seppo Määttä[d] | ||||
| Istorii da geografii | |||||
| Tegemižen päiv | 1605 | ||||
| Pind | |||||
| Высота | 8 | ||||
| Aigvö | UTC+2:00[d], летом UTC+3[d] | ||||
| Eläjad | |||||
| Eläjad |
|
||||
| Lugud | |||||
| Telefonan kod | 8 | ||||
| Počtan indeksad | 90100, 90120, 90130, 90140, 90150, 90220, 90230, 90240, 90250, 90310, 90400, 90410, 90420, 90500, 90510, 90520, 90530, 90540, 90550, 90560, 90570, 90580, 90590, 90600, 90620, 90630, 90650, 90660, 90670 da 90800 | ||||
| Avtomašinoiden nomeroiden kod | O | ||||
|
|
|||||
| Официальный сайт | |||||
 |
|||||
 Mediafailad RUWIKI-tedoiš | |||||
![Герб[d]](/wiki/Fail:Oulu.vaakuna.svg)
Oulu (mugažo suomen kelel, roč.: Uleåborg) om Suomenman videnz' surtte lidn, Pohjoižpohjanma-provincijan pälidn.
Se om Pohjoižen Skandinavijan kaikiš suremb lidn, kaikiš amuižemb lidn Suomenman pohjoižes, järed tedokeskuz.
Istorii
Vl 1377 ezmäine eländpunkt mainitase nügüd'aigaižen lidnan territorijas, om kirjutadud Uz'lidnan aigkirjas kuti karjalaižiden lidnuz Ovl-jogen randal (ven.: новый городок на Овле-реце).
Nügüdläižen eländpunktan aluz om pandud vn 1605 8. päiväl sulakud kuti ročin lidnuz. Se sai lidnan statusad vl 1610.
Vl 1822 sur' lämoipalo oli tehnus lidnas.
Oulun ižandusen päsarakod oma sauvond, bumagan tegmine (Stora Enso), elektrotehnine sarak (Nokia), turizm (sidä kesken rahvahidenkeskeine turizm opendamha). «Toppila»-lämuzelektrostancii sijadase lidnan ühtennimižes rajonas, radab turbhal.
Geografijan andmused
Lidn sijadase valdkundan lodehes, Baltijan meren Botnižen lahten randal, ühtennimižen jogen lanktendan sijas. Matkad Hel'sinkihesai om 607 km suvhe avtotedme, 539 km orhal.
Klimat om subarktine Baltijan meren. Vilukun keskmäine lämuz om −9,6 C°, heinkun — +16,5 C°, vodenkeskeine +2,7 C°. Paneb sadegid 477 mm vodes, enamba kaiked — heinkus-elokus. Läz ei olele päipaštod tal'vel (8..28 časud kus).
Oulu jagase 23 kundha, ned alajagasoiš 106 lidnrajonha (ümbrikho).
Eläjad
Vl 1980 lidnan da sen ümbrišton eläjiden lugu oli 121 809 ristitud. Kaikiš suremb ristitišt om nügüd'. Lüteranižen hristanuskondan kaks' päjumalanpertid, seičeme jumalanpertid i kapell oma olmas lidnas.
Rahvahad (ezmäižen kodikelen mödhe, 2014): suomalaižed — 96,4%, ročilaižed — 0,2%, saamalaižed — 0,1%, toižed rahvahad — 3,3%.
Oulu-lidnan edeline pämez' oli Matti Pennanen (2006−2017).
Kaks' üläopendusen aluzkundad om lidnas: Oulun universitet i Oulun sättutoitud tedoiden universitet.
Transport
Avtobusad oma kundaližeks transportaks, avtod i velosipedad — personaližeks transportaks lidnan südäimes.
Nell' valdmad om saudud meriportas, ned oma erazvuiččen tipan jüguiden täht. Meriport om üks' kaikiš kävutadud Botnižen lahten randištol.
Raudte Hel'sinkišpäi tuli lidnha vl 1886. Nügüd' «Pendolino»-kiruhjonused ühtenzoittas lidnad Hel'sinkinke Jogensun kal't.
Rahvahidenkeskeine Oulu-lendimport (OUL) om kahtenz' surtte Suomenmas, se sijadase 15 km suvipäivlaskmha lidnan keskusespäi. Lendimportaspäi tehtas reisid Pohjoiževropan maihe, Suomenmadme i čarterreisid Evropan suvipäivlaskmaižihe lebutahoihe.
Homaičendad
- ↑ https://www.kuntaliitto.fi/kunnat/oulu
- ↑ archINFORM (нем.) — 1994.
- ↑ 1 2 3 Suomen pinta-ala kunnitain 1.1.2023 (фин.) — MML.
- ↑ Kaupunkien ja kuntien lukumäärät ja väestötiedot — Association of Finnish Municipalities.
Irdkosketused
- Oulun lidnankundan oficialine sait (ouka.fi). (suom.) (angl.) (roč.)
| Suomenman agjad da niiden administrativižed keskused | ||
| Ahvenanma1 (Mariehamn) | Kainu (Kajani) | Kanta Häme (Hämenlidn) | Keskpohjanma (Kokkol) | Kesksuomenma (Jüväskülä) | Kümenlakso (Kouvol) | Laplandii (Rovanem') | Pirkanma (Tampereh) | Pohjanma (Vas) | Pohjoižkarjal (Jogensu) | Pohjoižpohjanma (Oulu) | Pohjoižsavo (Kuopio) | Päijät Häme (Laht) | Sadakund (Pori) | Suvikarjal (Lapenrand) | Suvipohjanma (Seinjogi) | Suvipäivlaskmaine Suomenma (Turku) | Suvisavo (Mikoi) | Udenma (Hel'sinki) | ||
| 1 Avtonomine agj. | ||