Pudasjärvi

Pudasjärvi
Герб[d]
65°21′30″ с. ш. 27°00′00″ в. д.
Valdkund	Suomi
Istorii da geografii
Tegemižen päiv	1865
Aigvö	UTC+2:00[d], летом UTC+3[d]
Eläjad
Eläjad	▼8103 чел. (31 tal'vkud 2017)
Официальный сайт
Fail:Pudasjärvi.sijainti.suomi.2010.svg
Mediafailad RUWIKI-tedoiš

Municipalitetan küläd järvidenke da jogidenke

Pudasjärvi (mugažo suomen i ročin kelil) om lidn da municipalitet Suomenman keskuzpalan pohjoižes. Mülüb Pohjoižpohjanma-agjha, sen seičemenz' lidnankund üks'toštkümnespäi eläjiden lugun mödhe.

Istorii

Jumalanpertin tulend om sätud vl 1639. Municipalitetan aluz om pandud vl 1865. Anttihe lidnan statusad (kaupunki) vl 2004. Kundan ohjastuz päti kucta immigrantoid elämhä lidnas vspäi 2012, ližata heiden palad kümnendeshesai.

Pudasjärvi šingotase kahtel mecanümbriradmižel tegimel («Kontiotuote Oy» — pardekahad pertid, «Profin Oy» — iknad da uksed) i maižanduzprodukcijan ümbriradmižel («Apetit» i Niemitalon sagud). Mägisuks'kurort radab Iso-Süöte-mägel vspäi 1980 (17 pautet).

Geografijan andmused

Lidn sijadase agjan pohjoižes, Iijogen molembil randoil (suom.: Iijoki 340 km pitte, lankteb Botnižhe lahthe). Kaikiš korktemb čokkoim om Iso-Süöte-mägi (suom. Iso-Syöte) 432 m ü.m.t.. EÜ:n kaikiš amuižembad kall'formacijad oma Siuruankülän pindal, mineraloidenke 3,5 mlrd vozid igäl.

Matkad agjan Oulu-keskushesai om 81 km päivlaskmha-suvipäivlaskmha orhal vai 88 km avtol, se-žo lähembaine lidn. Matkad Hel'sinki-pälidnhasai — 587 km suvhe-suvipäivlaskmha orhal vai 691 km avtotedme.

Vl 2020 lidnankundan pind — 5867,27 nellikkilometrad, sidä kesken kuiv ma 5638,28 km², vezi i sokaz tahond ottas 228,99 km².

Kaik 15 küläd alištudas Pudasjärvin tobmudele. Lidnas om 27 valičendtarhad.

Eläjad

Vl 1980 eläjiden lugu oli 11 493 ristitud (kaikiš suremb ristitišt vspäi 1980), vl 2010 — 8 827 ristitud. Eläjiden pol' eläb lidnankundan keskuses, sen nimituz om Kurenalus vai Kurenal (suom.: Kurenalus / Kurenala).

Kodikelen mödhe (2016): suomen kel' — 97,9%, ročin kel' — 0,1%, toižed keled — 2,0%.

Kaarina Daavittila radoi edeližen lidnanpämehen (2008−2014).

Galerei

• Pudasjarvi museo.jpg

  Lidnan muzei tulleimellicoidenke

• Pudasjärven kirkko.jpg

  Pudasjärvin jumalanpert'
  (om saudud vl 1781,
  vn 2015 nägu)

• Pudasjarvi-puikkari.jpg

  Puikkari-lebubassein

• Pudasjärven liikuntahalli ja nuorisotilat.jpg

  Sportzal i norišton objektad

Homaičendad

Irdkosketused

• Lidnankundan oficialine sait (pudasjarvi.fi). (suom.) (+ ühthižed tedod lidnas anglijan i venän kelil)