Mänttä-Vilppul

Mänttä-Vilppul
Fail:Mänttä-Vilppula city hall 2018.jpg
Герб[d]
62°02′00″ с. ш. 24°37′00″ в. д.
Valdkund	Suomi
Istorii da geografii
Tegemižen päiv	1. vilukud 2009
Aigvö	UTC+2:00[d], летом UTC+3[d]
Eläjad
Eläjad	▼10 604 чел. (31 tal'vkud 2015)
Официальный сайт(suom.)
Mediafailad RUWIKI-tedoiš

Mänttä-Vilppul (suom.: Mänttä-Vilppula, roč.: Mänttä-Filpula / Mänttä-Vilppula) om Suomenman lidn da lidnankund valdkundan suvipalan keskusen päivlaskmas. Se om Pirkanma-agjan kahesanz' lidnankund kaks'toštkümnespäi eläjiden lugun mödhe.

Istorii

Municipalitetan aluz om pandud vspäi 2009 lidnan statusanke, ühtištuihe Mänttä-lidnad Vilppul-küläkundanke. Kundan keskusen ristitišt ližadui ühtištusen jäl'ghe, toižel territorijal se poleni lujas. Kävutadas enččen Vilppul-municipalitetan znamad.

Mänttä-Vilppul šingotase «Metsä Tissue»-kompanijan cellülozbumagaižel tegimel (läz 400 radnikad vl 2019).

Geografijan andmused

Lidn sijadase agjan pohjoižpäivnouzmaiženno röunanno. Kaik om 136 järved kundas, znamasižembad järved oma Ruovesi, Kuorevesi i Keurusselkä. Matkad agjan Tampereh-keskushesai om 75 km suvipäivlaskmha orhal vai 90 km avtol, Hel'sinkihesai — 210 km suvhe orhal vai 263 km avtotedme. Lähembaižed lidnad (avtol) oma Keuruu (Kesksuomenma) 33 km pohjoižhe, Jämsä (Kesksuomenma) 40 km suvipäivnouzmha i Orivezi 48 km suvhe-suvipäivlaskmha. Kahesakilometrine raudtesarak tuleb Mänttähä Vilppulaspäi.

Vl 2020 lidnan ühthine pind — 657,08 km², sidä kesken kuivma 534,85 km², vezi i sokaz tahond ottas 122,23 nellikkilometrad.

Eläjad

Vl 1980 nügüdläižen territorijan eläjiden lugu oli 15 147 ristitud (kaikiš suremb ristitišt siš vodespäi), vl 2010 — 11 413 ristitud. Seičeme ristitud ühesaspäi elädas kundan keskuses.

Mamankelen mödhe (2016): suomen kel' — 97,4%, ročin kel' — 0,2%, toižed keled — 2,4%.

Esa Sirviö radoi edeližen lidnanpämehen (2012−2017).

Galerei

• Mänttä-Vilppula city hall.jpg

  Lidnan ohjastusen pert'

• Mänttä Church on 13th December 2015 1.jpg

  Mänttän jumalanpert'
  (1928, vn 2015 nägu)

• Mänttä factory.jpg

  «Metsä Tissue»-kompanijan cellülozbumagaine tegim (2018)

• Vilppula railway station 20190806.jpg

  Vilppulan raudtestancijan sauvuz
  vl 2019

Homaičendad

Irdkosketused

• Lidnan oficialine sait (manttavilppula.fi). (suom.)  (angl.)