Närpes

Närpes
Fail:Tomatkarnevalen i Närpes 1993d.jpg
Герб[d]
62°28′25″ с. ш. 21°20′15″ в. д.
Valdkund	Suomen ma
Istorii da geografii
Tegemižen päiv	1867
Aigvö	UTC+2:00[d], летом UTC+3:00[d]
Ekonomik
Eläjad
Eläjad	▲9507 чел. (31 tal'vkud 2017)
Lugud
-
Официальный сайт
lugeda • diskussii • redaktiruida

Närpes (mugažo Suomenman lidn da lidnankund valdkundan suvipäivlaskmas, Botnižen lahten randpolel. Se om Pohjanma-agjan koumanz' lidnankund kudespäi eläjiden lugun mödhe.

Istorii

Municipalitetan aluz om pandud vl 1867. Mülütihe kaht küläkundad Närpesha vl 1973: Ülimarkku i Pirttikülä (paloin). Kund sai lidnan statusad vl 1993.

Närpes šingotase avtoližavedamiden tehmižel jüguavtoiden täht (rujonvedimed, «Ab Närpes Trä & Metall — Oy Närpiön Puu ja Metalli») i kazmuzhonusiden järedal ižandusel: 77 ga i 1200 radnikad anttas Suomenman Fortum-koncernan tulleielektrostancii om sauvomas vll 2019−2021.

Geografijan andmused

Lidnankundan keskuz sijadase ühtennimižen jogen randoil (roč.: Närpes å, suom.: Närvijoki / Närpiönjoki) kümnes kilometras sen lanktendaspäi merhe, agjan suvipäivlaskmas. Matkad agjan Vas-keskushesai om 70 km pohjoižhe orhal vai 82 km avtol, Hel'sinki-pälidnhasai om 320 km suvipäivnouzmha orhal, 362 km avtotedme vai raudtel. Lähembaižed lidnad avtotedme oma Kaskinen (mererandal) 15 km suvhe-suvipäivlaskmha i Kristiinankaupunki (mererandal) 25 km suvhe. «Kaskinen — Kurikk»-raudtekeskust läbitab kundad.

Vl 2020 lidnankundan pind — 2334,14 km², sidä kesken kuivma 977,71 km², vezi i sokaz tahond ottas 7,75 km², meri om 1348,68 km².

Eläjad

Vl 1980 Närpesan kundan eläjiden lugu oli 10 816 ristitud (kaikiš suremb ristitišt), vl 2010 lidnankundan — 9 435 ristitud. Ristituiden pol' eläb lidnankundan keskuses.

Vn 2016 andmusiden mödhe, suomen kel' om mamankeleks 5,4 % täht lidnalaižišpäi, ročin kel' — 81,4 %, toižed keled — 13,2 %. Edel 2016. vot kundan oficialine kel' oli üks'jäine — ročin kel', jäl'gmäine mugoine kund kontinentaližes Suomenmas.

Galerei

• Närpes town hall.jpg

  Lidnan tobmuden pert'

• Närpiö Church 20190705.jpg

  Närpesan lüteranine jumalanpert'
  (16.-18. voz'sadad, vn 2019 nägu)

• SOFF school in Narpio.JPG

  Enččen ročinkel'žen Pohjanman rahvahaližakademijan sauvused (2007)

• Folksam Närpes.jpg

  Ročinman «Folksam»-varmituzkompanijan ofis Närpesas (2016)

Irdkosketused

• Lidnan oficialine sait (narpes.fi).(roč.)(suom.)