Raseborg

Raseborg
Флаг Герб[d]
59°58′30″ с. ш. 23°26′10″ в. д.
Valdkund	Suomi
Istorii da geografii
Tegemižen päiv	2009
Aigvö	UTC+2:00[d], летом UTC+3[d]
Eläjad
Eläjad	▼28 405 чел. (31 tal'vkud 2015)
Официальный сайт
Fail:Raasepori.sijainti.suomi.2009.svg
Mediafailad RUWIKI-tedoiš

Raseborg (mugažo ročin kelel; suom.: Raasepori) om Suomenman lidn valdkundan suvipäivlaskmaižel randal. Mülüb Udenma-agjaha, valdkundan 39. municipalitet eläjiden lugun mödhe.

Istorii

Suomen metallurgijan ezmäižed edheotandad radoiba Pohj-lahten randoil 17. voz'sadaspäi.

Eländpunktan aluz om pandud vl 2009 neniden kundoiden ühtištusel: Ekenäs-lidn (mugažo ročikš, suom.: Tammisaari, Raseborgan keskuz), Karis-lidn (mugažo ročikš, suom. Karjaa) i Pohj-kund (suom.: Pohja, roč.: Pojo). Nimitihe ut lidnad 14. voz'sadan Raseborg-lidnusen mödhe Ekenesas.

Raseborg šingotase laivansauvomižel (laivoiden südäikrepind i mebel', metallanümbriradmine), Sisu Auto-jüguavtoiden tegimel, elektroavtoiden «Toroidion Oy»-tegimel, mugažo «Fiskars»-kompanijan päfater (veičed, raudad, kirvhed, labidod, keitimpolen astjad) i Suomenman cirk (Sirkus Finlandia) sijadasoiš lidnas da sen municipalitetas.

Geografijan andmused

Lidn sijadase agjan suvipäivlaskmas, Baltijan meren randpolel, Suomen lahten Pohj-lahten randal. Lidnan ühthine pind om 2354,22 km², sidä kesken meri 1138,77 km², kuiv ma 1148,30 km², vezi i sokaz ma 67,15 km². Matkad agjan Hel'sinki-keskushesai om 86 km päivnouzmha-pohjoižpäivnouzmha orhal vai 93 km avtotedme. Lähembaižed lidnad (avtotedme) oma Hanko 35 km suvipäivlaskmha, Salo 55 km pohjoižhe i Lohj 50 km pohjoižpäivnouzmha.

Eläjad

Vl 1980 nügüdläižen lidnan territorijan eläjiden lugu oli 27 972 ristitud, vl 2010 — 29 065 ristitud, se oli kaikiš suremb ristitišt.

Kodikelen mödhe (2016): suomen kel' — 30,7%, ročin kel' — 64,9%, toižed keled — 4,4%. Se om kaikiš suremb ročinkel'ne municipalitet valdkundas.

Galerei

• Raseborg city hall.JPG

  Lidnan ohjastusen pert'

• 

  Raseborg-lidnuz

• Axxell, Karjaa, Karis.JPG

  «Axxell»-ühtelmasen profškol

• Hangon rata Tammisaaressa 2.JPG

  Ekenäs (Tammisaari)-raudtestancii
  (2013)

Homaičendad

Irdkosketused

• Lidnan ohjastusen sait (raseborg.fi). (roč.) (suom.)