Kiuruvezi

Kiuruvezi
Герб[d]
63°39′10″ с. ш. 26°37′10″ в. д.
Valdkund	Suomi
Istorii da geografii
Tegemižen päiv	1873
Aigvö	UTC+2:00[d], летом UTC+3[d]
Eläjad
Eläjad	▼8283 чел. (31 tal'vkud 2017)
Официальный сайт
Mediafailad RUWIKI-tedoiš

Kiuruvezi (suom. i roč.: Kiuruvesi) om Suomenman lidn valdkundan keskuzpalan suves. Se om Pohjoižsavo-agjan nellänz' lidnankund videspäi eläjiden lugun mödhe.

Istorii

Municipalitetan aluz om pandud vl 1873. Se sai lidnan statusad vl 1993.

Kiuruvezi šingotase «Ponsse»-mašinoiden pästandal parččomiden täht i bioelektrostancijoiden tehmižel («Wärtsilä-Biopower»). Lehmänlihan (1. sija valdkundas) i maidon järed tegii organižen manradandan alusel. Mugažo «Runni»-maižanduztehnikan pästand i tekstiline edheotand oliba kundas 1980-nzil vozil, no tuliba lophu.

Geografijan andmused

Lidn sijadase agjan lodehes, ühtennimižen järven lodehližel randal (suom.: Kiuruvesi-järvi, 14 km², 88 m ü.m.t.). Matkad agjan Kuopio-keskushesai om 100 km suvipäivnouzmha orhal vai 120 km avtol, Hel'sinki-pälidnhasai om 400 km suvhe orhal vai 480 km avtotedme. Toižed lähembaižed lidnad oma Iisalmi 35 km päivnouzmha avtol vai raudtel i Pühäjärvi (Pohjoižpohjanma) 32 km päivlaskmha orhal, 34 km avtotedme vai raudtedme. Kiuruvezin raudtestancii radab «Iisalmi — Üliviesk»-keskustal.

Vl 2020 lidnankundan pind — 1422,90 km², sidä kesken kuivma 1328,14 nellikkilometrad, vezi i sokaz tahond ottas 94,76 km². Lidnankund jagase 33 valičemižtahoks. Kaik 36 küläd alištudas lidnan tobmudele.

Eläjad

Vl 1980 eläjiden lugu oli 12 030 ristitud (kaikiš suremb ristitišt vspäi 1980), vl 2010 — 9 157 ristitud. Ristituiden pol' eläb lidnankundan keskuzpalas.

Vn 2016 andmusiden mödhe, suomen kel' oli mamankeleks 98,9% täht lidnalaižišpäi, toižed keled — 1,1%.

Erkki Strömmer radoi edeližen lidnanpämehen vn 2013 sügüz'kuhusai.

Galerei

• Church of Kiuruvesi.jpg

  Kiuruvezin jumalanpert' (om saudud vll 1938−1940,
  vn 2005 nägu)

• Kiuruveden reikäkirves - Stone axe of Kiuruvesi.jpg

  Löutud Kiuruveziš kivižen kirvhen pä

• Kiuruveden rautatieasema.JPG

  Kiuruvezin raudtestancijan sauvuz
  (om avaitud vl 1923,
  vn 2008 kuva)

Homaičendad

Irdkosketused

• Lidnan oficialine sait (kiuruvesi.fi). (suom.) (+ informacii lidnas anglijan, saksan, venän, ročin i estin kelil)