Kauhav

Kauhav
Герб[d]
63°06′05″ с. ш. 23°03′50″ в. д.
Valdkund	Suomen ma
Istorii da geografii
Aigvö	UTC+2:00[d], летом UTC+3:00[d]
Ekonomik
Eläjad
Eläjad	▼16 278 чел. (31 tal'vkud 2017)
Lugud
-
Официальный сайт
lugeda • diskussii • redaktiruida

Kauhav (Suomenman lidn da lidnankund valdkundan päivlaskmas. Se om Suvipohjanma-agjan koumanz' lidnankund kahesaspäi eläjiden lugun mödhe.

Istorii

Ezmäižed küläd nügüdläižen lidnankundan territorijal mainitasoiš 16. voz'sadaspäi. Municipalitetan aluz om pandud vl 1867, nimitihe jogen mödhe ezimeletaden. Kund sai lidnan statusad vl 1986. Vspäi 2009 enččed Alahärmä, Ülihärmä i Kortesjärvi-municipalitetad mülüdas lidnankundha.

Kauhav šingotase mašinansauvomižel («MSK Group», «Lillbacka Powerco Oy» da toižed), sauvondmaterialiden pästandal (iknad, uksed — «Skaala IFN Oy»), meblin edheotandal («Unico Finland Oy») i puukko-kartingan trassanke ratas lidnas. Veičiden jogavozne rahvahidenkeskeine festival' mäneb kezakus. Lihaživatvodind i hernhen kazvatand oma lidnankundas.

Geografijan andmused

Lidn sijadase agjan pohjoižes, Kauhavanjogen randoil (Lapuanjogen oiged ližajogi). Matkad lidnaspäi agjan Seinjogi-keskushesai om 37 km suvhe avtotedme vai raudtedme, Hel'sinkihesai om 340 km suvhe-suvipäivnouzmha orhal, 396 km avtol vai raudtel. Lähembaine lidn om Lapua 17 km suvhe avtol vai jonusel.

Vl 2020 lidnan ühthine pind — 1 328,38 km², sidä kesken kuivma 1 313,79 km², vezi i sokaz tahond otiba 14,59 nellikkilometrad.

Eläjad

Vl 1980 lidnankundan eläjiden lugu oli 19 924 ristitud, vl 2010 — 17 308 ristitud. Kaikiš suremb ristitišt oli 20 359 eläjad vl 1985. Ristituiden kaks' videndest eläb lidnankundan keskuses.

Mamankelen mödhe (2016): suomen kel' — 96,7%, ročin kel' — 0,6%, toižed keled — 2,7%.

Harri Mattila radoi edeližeks lidnanpämeheks (2009−2014).

Galerei

• Kauhavan kaupungintalo 2017.jpg

  Lidnankundan ohjastusen pert'
  vl 2017

• Kauhava Church 2017.jpg

  Kauhavan jumalanpert'
  (vn 2017 nägu)

• POP Areena Kauhava 20180319.jpg

  Äifunkcionaline «POP Areena»

• Kauhava rautatieasema 2017.jpg

  Kauhavan raudtestancijan sauvuz
  (2017)

Irdkosketused

• Lidnankundan oficialine sait (kauhava.fi). (suom.) (roč.) (angl.)