Čebarkul' (lidn)

Čebarkul'
Čebarkul'
Флаг[d]	Герб
	54°58′40″ с. ш. 60°22′12″ в. д.GЯO
Valdkund	Venäma;
Istorii da geografii
Tegemižen päiv	1736
Pind	71,13;
Высота	330
Aigvö	UTC+5:00[d]
Eläjad
Eläjad	▲44 693 чел. (2021);
Lugud
Telefonan kod	35168
Počtan indeksad	456730
	Официальный сайт
	Mediafailad RUWIKI-tedoiš

Čebarkul' (ven.: Чебарку́ль, tot.: Чибәркүл, bašk.: Сыбаркүл «čoma /kirjav/ järv») om Venäman lidn da lidnümbrik Čeläbinskan agjan keskuzpalan pohjoižes. Se om Čebarkulin rajonan administrativižeks keskuseks mugažo, ei mülü sihe.

Istorii

Eländpunktan aluz om pandud baškiran territorijal vl 1736 kuti venämalaine lidnuz imperijan röunal. Nimitihe järven mödhe. Kändihe kozakoiden stanicaks, varatoiti heiden edembaižid žiloid. Toižen mail'man sodan aigan Elektrostalin tegim (Moskvan agj) oli evakuiruidud žilho. Radnikžilo sai lidnan statusad vn 1951 25. päiväl redukud.

Čebarkul' šingotase järedal «Uraline paja»-tegimel (valamižezitegesed, tagodud tegesed, ühthekeittud konstrukcijad mašinansauvomižen i aviacijan täht), libutimiden tegimel, sauvondmaterialiden tehmižel (šlakblok, faner), sömtegimištol (leibänproduktad, maidtegim, kalategim, konditerine fabrik, lindun edheotand), mugažo omblendfabrik radab lidnas.

Geografijan andmused

Lidn sijadase Suviuralan Il'menan mägisel'gan päivnouzmaižel pautkel, 345 m ü.m.t. keskmäižel korktusel. Lidn om ümbärtud järvil, sured oma: Čebarkul' päivlaskmaižeks röunaks (19,8 nellikkilometrad), Jelovoje ani lodeheze (3,1 km²), i Misäš pohjoižpäivnouzmas (4,4 km²). Kaik järved mülüdas Tobolan hurapol'žhe basseinha. Matkad Čeläbinskhasai om 69 km päivnouzmha orhal, 82 km avtotel vai 79 km raudtel. Lähembaine lidn om Miass 10 km päivlaskmha orhal, 15 km avtotel vai raudtel.

«Čeläbinsk — Uf»-raudte läbitab lidnan pohjoižpalad. Nened stancijad ratas lidnas: Čebarkul' (vspäi 1954), Misäš (edel 1954 vot Čebarkul'), Kisegač, Kaširinskii-platform. Ural-avtote (M5-trass) mäneb 4 km suvhe lidnaspäi.

Čebarkul' om lidnümbrikon üks'jäine eländpunkt.

Eläjad

Vn 2010 Venäman rahvahanlugemižen mödhe lidnan eläjiden lugu oli 42 844 ristitud. Kaikiš suremb lidnan ristitišt oli 50..51 tuhad eläjid vll 1989−2001 (51 800 rist. vl 1996).

Ortodoksižen hristanuskondan Spasan Toižetamižen jumalanpert' (1745, om udessündutadud vl 2007) pühäpäivän školanke i islaman «Ihlas»-pühäpert' (vspäi 2009) oma avaitud lidnas.

Rahvahad (2010): venälaižed — 90,2%, totarlaižed — 2,7%, baškiralaižed — 2,2%, ukrainalaižed — 1,7%, toižed rahvahad — 3,2%.

Professionaližen opendusen aluzkund om Čebarkulin professionaline tehnikum.^[2]

Edeline lidnümbrikon pämez' om Sergei Kovrigin (tal'vku 2015 — keväz'ku 2019).

Galerei

Chebarkul, Chelyabinsk Oblast, Russia - panoramio (1).jpg

Lämoipalopalakund (2009)
Spasan Toižetamižen jumalanpert', vn 2012 nägu
Tankdivizijan sodagarnizon vl 2016
«Uraline tähtaz»-jäpert'kulu (2014)
Čebarkul'-päraudtestancii vl 2010

Homaičendad

↑ https://rosstat.gov.ru/storage/mediabank/tab-5_VPN-2020.xlsx
↑ Čebarkulin professionaližen tehnikuman sait (chpt.edusite.ru). (ven.) (+ äikel'ne avtomatine känduz)

Irdkosketused

Lidnümbrikon oficialine sait (chebarcul.ru). (ven.)

	Čeläbinskan agjan lidnad
	Aš \| Bakal \| Čebarkul' \| Čeläbinsk \| Jemanželinsk \| Jurüzan' \| Karabaš \| Kartali \| Kasli \| Katav-Ivanovsk \| Kištim \| Kopeisk \| Korkino \| Kus \| Magnitogorsk \| Miass \| Min'jar \| Näzepetrovsk \| Ozörsk \| Plast \| Satk \| Sim \| Snežinsk \| Suviural'sk \| Zlatoust \| Troick \| Tröhgornii \| Ust'-Katav \| Üläufalei \| Üläural'sk

[_15bd2465f028e4c3-1] ttps://rosstat.gov.ru/storage/mediabank/tab-5_VPN-2020.xlsx

[2] Čebarkulin professionaližen tehnikuman sait (chpt.edusite.ru). (ven.) (+ äikel'ne avtomatine känduz)

[1]

[2]