Kasli

	Kasli
Флаг	Герб
	55°53′00″ с. ш. 60°45′00″ в. д.GЯO
Valdkund	Venäma;
Istorii da geografii
Tegemižen päiv	1747
Pind	39,76;
Aigvö	UTC+5:00[d]
Ekonomik
Eläjad
Eläjad	▼15 383 чел. (1 vilukud 2021);
Lugud
Telefonan kod	35149
Počtan indeksad	456830–456835
-
	lugeda • diskussii • redaktiruida

Kasli (Čeläbinskan agjan pohjoižes. Se om Kaslin rajonan administrativine keskuz.

Istorii

Eländpunktan aluz om pandud vl 1747 kuti Kaslinskii-žilo sauvomha da holitamha kaugedraudan tegint, nimitihe järviden mödhe. Kätihe radnikžiloks vl 1929. Kasli sai lidnan statusad vn 1942 29. päiväl heinkud. Sirtihe eläjid aigaks radiacižen avarijan tagut «Majak»-tegimel vn 1957 sügüz'kul.

Kasli šingotase kaugedraudan čomamahtoližen valamižen tegimel, radiotegimel (kaičendsignalizacii, sodaelektrotehnik), mugažo kalategim i omblendfabrik ratas lidnas.

Geografijan andmused

Lidn sijadase rajonan suvipäivlaskmaiženno röunanno. Se om ümbärtud nenil järvil: Irtäš-järv-vezivaradim (Iset'-jogen oigedpol'žhe basseinha, kanal ühtenzoitab Sured Kasli-järved Irtäšunke lidnan päivlaskmas.

Matkad lidnaspäi Čeläbinskhasai om 90 km suvipäivnouzmha-suvhe orhal vai 125 km avtotel. Lähembaižed lidnad oma Ozörsk 15 km suvhe orhal vai 20 km avtotedme i Snežinsk 22 km pohjoižhe orhal vai 27 km avtotedme.

Prigorodnii-žilo (32 rist. vl 2017) mülüb lidnankundha Kaslin ližaks. Lidnankundan pind — 243,54 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 16 969 ristitud, lidnankundan — 17 032 ristitud, rajonan pol'. Kaikiš suremb lidnan ristitišt oli 20..21 tuhad eläjid vll 1939−1992 (21 837 rist. vl 1959, kaks' vot jäl'ghe avarijad). Kaik 16 295 ristitud elihe lidnankundas vl 2017.

Rahvahad (2010): baškiralaižed — 2,7%, totarlaižed — 1,9%, toižed rahvahad — 3,1%.

Venäman amuižortodoksižen hristanuskondan Pedroi- i Pauloi-apostoloiden pühäpert' om saudud vll 2010−2013.

Professionaližen opendusen aluzkund om Kaslin tegimištoliž-gumanitarine tehnikum.^[2]

Galerei

Läžundkodin (Omblendfabrikan) ansambl' (2014)
Церковь Вознесения 10.JPG

Sündun Voznesenjan jumalanpert' (ortodoksine hristanuskond), vn 2014 nägu
Kodilezi kaslin valamižespäi Ipatjevan pertiš (Jekaterinburg, 2021)
Фонтан из каслинского литья3.jpg

Fontan kaslin valamižespäi läz profškolad (2018)
Здание Госпиталя Касли.jpg

Istorižen läžundkodin sauvuz (2018)

Homaičendad

↑ Kaslin pühäpertid sobory.ru-saital. (ven.)
↑ Kaslin tegimištoliž-gumanitarižen tehnikuman sait (каслитехникум.рф). (ven.) (+ äikel'ne avtomatine känduz)

Irdkosketused

Lidnankundan oficialine sait (gorod-kasli.ru). (ven.)

Kasli Vikiaitas

	Čeläbinskan agjan lidnad
	Aš \| Bakal \| Čebarkul' \| Čeläbinsk \| Jemanželinsk \| Jurüzan' \| Karabaš \| Kartali \| Kasli \| Katav-Ivanovsk \| Kištim \| Kopeisk \| Korkino \| Kus \| Magnitogorsk \| Miass \| Min'jar \| Näzepetrovsk \| Ozörsk \| Plast \| Satk \| Sim \| Snežinsk \| Suviural'sk \| Zlatoust \| Troick \| Tröhgornii \| Ust'-Katav \| Üläufalei \| Üläural'sk

[1] Kaslin pühäpertid sobory.ru-saital. (ven.)

[2] Kaslin tegimištoliž-gumanitarižen tehnikuman sait (каслитехникум.рф). (ven.) (+ äikel'ne avtomatine känduz)

[2]