Kištim

	Kištim
Флаг[d]	Герб
	55°42′50″ с. ш. 60°33′10″ в. д.GЯO
Valdkund	Venäma;
Istorii da geografii
Tegemižen päiv	1757
Pind	45,67;
Высота	260
Aigvö	UTC+5:00[d]
Ekonomik
Eläjad
Eläjad	▼36 045 чел. (2021);
Lugud
Telefonan kod	35151
Počtan indeksad	456870
-
	Официальный сайт
	lugeda • diskussii • redaktiruida

Kištim (ven.: Кышты́м, bašk.: Ҡыштым «tün' tal'vdundsija») om Venäman lidn da transporttesol'm Čeläbinskan agjan pohjoižes. Se om Kištiman lidnümbrikon administrativine keskuz.

Istorii

Eländpunktan aluz om pandud osttud baškiran territorijal vl 1757 kuti žilod kahtenno tegimenno severziš-se kilometriš toine toižespäi: Üläkištiman kaugedraudan i Alakištiman raudan, nimitihe jogen mödhe. Ezmäine puruvedim tuli tegimidennoks vn 1896 redukul. Vn 1921 lämoipalo pani mantazole pertišton koumandest i tegimid, udessaudihe tegimid vodele 1925. Ühtenzoittihe žiloid da anttihe lidnan statusad nügüdläiženke nimitusenke vl 1934. Toižen mail'man sodan aigan Leningradan pedagogine institut Gercenan nimed oli evakuiruidud neche lidnha.

Kištim šingotase tegimištol sijaližel torhudel: metalloiden (vas'k, selen, tellur, kuld, hobed), grafitan, materialoiden kaolinaspäi, abrazivoiden, lämoinvastaižiden materialoiden i kvarcan koncentratan^[3] pästand. Mugažo kaivuzmašiništon tegim, sömtegimišt (konditerine fabrik, kalankazvatusen edheotand) i omblendedheotandad ratas lidnas.

Geografijan andmused

Lidn sijadase ümbrikon päivnouzmaiženno röunanno, ühtennimižen jogen purtkel i randoil (Tobolan hurapol'ne bassein), 260 m ü.m.t. keskmäižel korktusel. Om ümbärtud mecoil i penil järvil. Lidnan uit läbitab Kištiman suvipäivlaskmad, Sugomak-järv (3,72 km²) om ani päivlaskmha lidnaspäi. Matkad Čeläbinskan keskushesai om 81 km suvipäivnouzmha orhal, 98 km avtotel vai raudtel. Lähembaižed lidnad oma Ozörsk päivnouzmha, Karabaš suvipäivlaskmha i Kasli pohjoižpäivnouzmha.

Kaks'toštkümne žilod mülüdas lidnümbrikho Kištiman ližaks. Lidnümbrikon pind — 763 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 38 942 ristitud, lidnümbrikon — 41 791 ristitud. Kaikiš suremb lidnan ristitišt oli 41..42 tuhad eläjid vll 1989−2005 (42 852 rist. vl 1989). Kaik 37 480 eläjad oli lidnas i 40 150 eläjad kaikes lidnümbrikos vl 2017.

Ortodoksižen hristanuskondan Raštvoiden päjumalanpert' i nell' jumalanpertid^[4], islaman pämečet' oma avaitud lidnas.

Professionaližen opendusen aluzkundad oma Suviuralan valdkundaližen kolledžan (Čeläbinsk) Kištiman filial i Miassan medicinižen kolledžan Kištiman filial.

Galerei

Церковь Рождества Христова в Кыштыме (действующая).jpg

Raštvoiden päjumalanpert', vn 2010 nägu
Islaman pühäpert' i avtobusstancii päraudtestancijanno, vn 2018 nägu
Поликлиника №1 в Кыштыме 01 18.06.2022.jpg

Poliklinik nomer 1 (2022)
Kištim-päraudtestancijan sauvuz vl 2018

Homaičendad

↑ ^1,0 ^1,1 Geographic Names Server — 2018.
↑ ^2,0 ^2,1 https://rosstat.gov.ru/storage/mediabank/tab-5_VPN-2020.xlsx
↑ Kvarcan edheotandan sait (russianquartz.com). (ven.) (angl.)
↑ Kištiman lidnümbrikon pühäpertid sobory.ru-saital. (ven.)

Irdkosketused

Kištim Vikiaitas

	Čeläbinskan agjan lidnad
	Aš \| Bakal \| Čebarkul' \| Čeläbinsk \| Jemanželinsk \| Jurüzan' \| Karabaš \| Kartali \| Kasli \| Katav-Ivanovsk \| Kištim \| Kopeisk \| Korkino \| Kus \| Magnitogorsk \| Miass \| Min'jar \| Näzepetrovsk \| Ozörsk \| Plast \| Satk \| Sim \| Snežinsk \| Suviural'sk \| Zlatoust \| Troick \| Tröhgornii \| Ust'-Katav \| Üläufalei \| Üläural'sk

[_57309969e79fc7e8-1] 1,0 ^1,1 Geographic Names Server — 2018.

[_15bd2465f028e4c3-2] 2,0 ^2,1 https://rosstat.gov.ru/storage/mediabank/tab-5_VPN-2020.xlsx

[3] Kvarcan edheotandan sait (russianquartz.com). (ven.) (angl.)

[4] Kištiman lidnümbrikon pühäpertid sobory.ru-saital. (ven.)

[1]

[2]

[3]

[4]