Višnii Voločok

Višnii Voločok
Višnii Voločok
Флаг[d]	Герб
	57°35′29″ с. ш. 34°33′52″ в. д.GЯO
Valdkund	Venäma;
Istorii da geografii
Tegemižen päiv	1437
Pind	54;
Высота	160
Aigvö	UTC+3[d]
Eläjad
Eläjad	▲45 830 чел. (2021);
Lugud
Telefonan kod	48233
Počtan indeksad	171151–171168
	Официальный сайт
	Mediafailad RUWIKI-tedoiš

Višnii Voločok (ven.: Вы́шний Волочёк) om Venäman lidn da lidnümbrik Tverin agjan keskuzpalan lodehes. Se om Višnii Voločokan rajonan administrativižeks keskuseks mugažo, ei mülü rajonha.

Istorii

Eländpunkt mainitase ezmäižen kerdan Voskresenskan aigkirjas vl 1471, se om «ülätarabošsija». «Alatarabošsija» — nüg. Volok-külä (510 rist. vl 2010) Uz'lidnan agjas, sijadase lodeheze Boroviči-lidnaspäi.

Ezmäine Venämas Tvercan kanal om saudud lidnanno Petr I käskön mödhe vozil 1703−1722, ühtenzoitab Tverc-joged (Volgan bassein) Cnanjogenke (Baltijan meren massein). Vspäi 1770 Višnii Voločok om lidnan statusanke. Kanalad ühtenzoitiba ut Piter-pälidnad Venäman toižidenke lidnoidenke torguindteikš edel raudten sauvondad.

Višnii Voločokan ižandusen päsarakod oma tekstil'tegimišt (bumagonkombinat, trikotaž, omblendfabrik, edheotand pästamha villakoid) i sömtegimišt (liha- i leibkombinatad), mugažo stöklantegim (butulkad).

Geografijan andmused

Lidn sijadase Cnanjogen i Višnii Voločokan vezivaradimen randoil (Il'mjärven bassein), Valdai-ülüden pohjoižpäivnouzmaižel röunal, 160 m ü.m.t. keskmäižel korktusel. Matkad Tverišpäi om 119 km lodeheze Moskv — Piter avtotedme vai raudtedme. Lähembaine lidn om Bologoje 50 km lodeheze sil-žo tel. Maksline kiruhavtote ümbärdab lidnad i vezivaradint päivlaskmaspäi.

Višnii Voločok om lidnümbrikon üks'jäine eländpunkt.

Eläjad

Vn 2010 Venäman rahvahanlugemižen mödhe lidnan eläjiden lugu oli 52 370 ristitud. Kaikiš suremb lidnan ristitišt oli 76 tuhad eläjid vl 1973. Kaik 47 732 eläjad oli lidnas vl 2017.

Ortodoksižen hristanuskondan 15 pühäpertid^[2] oma kaičenus i udessündutadud lidnas: Jumalanmaman Kazanin jumalaižen jumalankodi (päjumalanpert', koume jumalanpertid, kaks' kodijumalanpertid, kaks' časounäd), Jumalannägundan päjumalanpert', nell' jumalanpertid, kaks' časounäd.

Višnii Voločokan kolledž^[3] (edel 2012. vot mehaniž-tehnologine tehnikum i kaks' profškolad), medicinine kolledž^[4], Tverin torguimiž-ekonomižen kolledžan alajaguz oma lidnan professionaližen opendusen aluzkundoikš.

Transport

Avtobusad oma kundaližtransportaks lidnas da sen ümbrištos.

Višnii Voločok-raudtestancii radab. Ezilidnelektrojonused ühtenzoittas lidnad Bologojenke, Tverinke da Moskvanke.

Galerei

Vyshny Volochek Museum.jpg

Kodirandantedištandmuzei (2010)
Казанский монастырь Вышний Волочёк.jpg

Jumalanmaman Kazanin jumalaižen naižjumalankodi, vn 2020 nägu
Vyshny Volochek Trade rows.jpg

Istorižed torguindrived, vn 2010 olend
Vyshny Volochek Drama Theatre.jpg

Dramteatr (2010)
Vyshny Volochyok, Tver Oblast, Russia - panoramio (231).jpg

Lidnan päraudtestancii vl 2012

Homaičendad

Irdkosketused

Lidnan tobmuden aluzkundoiden oficialine sait (v-volok.ru). (ven.)

	Tverin agjan lidnad
	Andreapol' \| Belii \| Bežeck \| Bologoje \| Kaläzin \| Kašin \| Kimri \| Konakovo \| Krasnii Holm \| Kuvšinovo \| Lihoslavl' \| Nelidovo \| Ostaškov \| Päivlaskmpol'ne Dvin \| Ržev \| Staric \| Zubcov \| Toropec \| Toržok \| Tver' \| Udoml' \| Ves'jegonsk \| Višnii Voločok

[_15bd2465f028e4c3-1] ttps://rosstat.gov.ru/storage/mediabank/tab-5_VPN-2020.xlsx

[2] Višnii Voločokan pühäpertid sobory.ru-saital. (ven.)

[3] Višnii Voločokan kolledžan sait (вв-колледж.рф). (ven.)

[4] Višnii Voločokan medkolledžan sait (vvol-medkollege.nubex.ru) (ven.)

[1]

[2]

[3]

[4]