Kaläzin

Kaläzin
Kaläzin
	Герб
	57°14′00″ с. ш. 37°51′00″ в. д.GЯO
Valdkund	Venäma;
Istorii da geografii
Высота	120
Aigvö	UTC+3[d]
Eläjad
Eläjad	▲12 621 чел. (2021);
Lugud
Telefonan kod	48249
Počtan indeksad	171570, 171571 da 171573
	Официальный сайт
	Mediafailad RUWIKI-tedoiš

Kaläzin (ven.: Каля́зин) om Venäman lidn da lidnankund Tverin agjan päivnouzmas. Se om Kaläzinan rajonan administrativine keskuz.

Istorii

Nügüd'aigaižen eländpunktan aluz om pandud vl 1434 kuti Kaläzinskai-külä jumalankodinno. Ühtištuihe sidä Nikol'skai-slabadanke i Pirogovo-žilonke 17. voz'sadan lopus. Kaläzinskai-slabad sai makundan lidnan statusad vl 1775 nügüdläiženke nimenke. Vozišpäi 1939−1940 lidnan istorižen keskusen tobj pala om upotadud sauvomha Ugličun GES:ad, endevanh kellčuhunduz seižub vedes kesked lidnad.

Kaläzin šingotase aviasauvomižen mašiništontegimel (mülüb OAK-kompanijha vspäi 2022), mehanižel tegimel^[3] (libutimed, kaivuzmašiništ), mugažo leibänkombinat, omblendfabrik i radioastronomine observatorii ratas.

Geografijan andmused

Lidn sijadase rajonan lodeližel röunal, Volgan oiktal randal (Ugličun vezivaradim), 120 m ü.m.t. keskmäižel korktusel. Matkad Tverihesai om läz 190 km suvipäivlaskmha, i om 190 km suvhe Moskvhasai. Lähembaine lidn om Kašin 30 km lodeheze avtol vai raudtedme.

Kaläzin om lidnankundan üks'jäine eländpunkt.

Eläjad

Vn 2010 Venäman rahvahanlugemižen mödhe lidnan eläjiden lugu oli 13 867 ristitud, rajonan kaks' koumandest. Kaik 13 025 eläjad oli lidnas vl 2017. Kaikiš suremb lidnan ristitišt oli enamba 15 tuhad eläjid vll 1989−2001 (15 800 rist. vozil 1992, 1998 i 2000).

Ortodoksižen hristanuskondan kuz' pühäpertid^[4] oma saudud lidnas: koume jumalanpertid i koume časounäd. Stroican jumalankodi i kaks' jumalanpertid ei ole kaičenus.

Kaläzinan kolledž N.M. Poležajevan nimed^[5] om lidnan professionaližen opendusen aluzkundaks.

Galerei

Kalyazin, Tver Oblast, Russia - panoramio (35).jpg

Rajonan administracijan sauvuz (2014, muzarusttanke)
Muštnik Makarii Kaläzinalaižele, amuine pertišt i ph. Mikulain päjumalanpertin kellčuhunduz (1800), vn 2011 nägu
Škol nomer 2 (2016, om saudud vll 1882−1883 kut lidnan ohjastusen pert' i profškol)
Училище им. Полежаева, 1903, Калязин.jpg

Kaläzinan kolledž Poležajevan nimed vl 2016 (ende mehaniž-tehnine profškol)
Kaläzin-raudtestancijan sauvuz vl 2008

Homaičendad

Irdkosketused

	Tverin agjan lidnad
	Andreapol' \| Belii \| Bežeck \| Bologoje \| Kaläzin \| Kašin \| Kimri \| Konakovo \| Krasnii Holm \| Kuvšinovo \| Lihoslavl' \| Nelidovo \| Ostaškov \| Päivlaskmpol'ne Dvin \| Ržev \| Staric \| Zubcov \| Toropec \| Toržok \| Tver' \| Udoml' \| Ves'jegonsk \| Višnii Voločok

[_72993c059dbea415-1] OKTMO. 179/2016.

[_15bd2465f028e4c3-2] ttps://rosstat.gov.ru/storage/mediabank/tab-5_VPN-2020.xlsx

[3] Kaläzinan mehanižen tegimen sait (oaomzk.ru). (ven.)

[4] Kaläzinan pühäpertid sobory.ru-saital. (ven.)

[5] Kaläzinan kolledžan sait (kalazincolledg.tver.eduru.ru). (ven.)

[1]

[2]

[3]

[4]

[5]