Staric

Staric
Fail:Городище (Старица) . Фото 2.jpg
Герб
56°30′27″ с. ш. 34°56′08″ в. д.
Valdkund	Venäma
Istorii da geografii
Tegemižen päiv	1297
Высота	175
Aigvö	UTC+3[d]
Eläjad
Eläjad	▼6938 чел. (2021)
Lugud
Telefonan kod	48263
Počtan indeksad	171360
Официальный сайт
Mediafailad RUWIKI-tedoiš

Staric (ven.: Ста́рица) om Venäman lidn Tverin agjan suvipalas. Se om Starican ümbrikon (edel vn 2022 sulakud — rajonan) administrativine keskuz.

Istorii

Eländpunktan aluz om pandud Tverin Mihail Jaroslavič-ruhtinasen käskön mödhe vl 1297 kuti Gorodesk-lidnuz (mž. Gorodok) Staric-jogen randal. Vozil 1505−1566 oli Starican ruhtinazkundan keskuseks, sil aigalpäi nimitaškanzihe lidnad nügüdläižikš.

Staric šingotase mehanižel tegimel («Rodina»-tedotehmižühtelmaz, palad lendimiden täht) i mašiništonsauvomižen edheotandal (avtokonorüden palad).

Geografijan andmused

Lidn sijadase rajonan keskuzpalan suvipäivnouzmas, Volg-jogen muugotil randoil, 175 m ü.m.t. keskmäižel korktusel. Avtotesild ühtenzoitab randoid vspäi 1963. Matkad Tverihesai om 65 km pohjoižpäivnouzmha avtol. Lähembaižed lidnad oma Ržev i Zubcov 50 km suvipäivlaskmha avtoteidme. Staric-raudtestancii sijadase 12 km päivlaskmha lidnaspäi avtotedme.

Staric oli lidnankundan üks'jäižeks eländpunktaks.

Eläjad

Vn 2010 Venäman rahvahanlugemižen mödhe lidnan eläjiden lugu oli 8 607 ristitud, rajonan koumandez. Kaikiš suremb lidnan ristitišt oli enamba ühesad tuhad vozil 1989−2009 (9 800 rist. vl 1998). Kaik 7 872 eläjad oli lidnas vl 2017.

Ortodoksižen hristanuskondan 16 pühäpertid oma kaičenus paloin vai täuzin: Starican Emäganpäivän mez'jumalankodin kompleks (12. voz'sadaspäi: kaksin päjumalanpertid, jumalanpertid, časounäd), phh. Borisan i Gleban päjumalanpert', kuz' jumalanpertid, koume časounäd. Niiden ližaks koume jumalanpertid ei ole kaičenus.

Starican kolledž om lidnan professionaližen opendusen aluzkundaks.

Edeline lidnan pämez' oli Svetlana Kalitkina vn 2017 redukuspäi.

Galerei

• Старица, улица Ленина, 12.jpg

  Lidnan administracijan pert' (2020)

• 

  Starican Emäganpäivän mez'jumalankodi i avtotesild Volgas päliči, vn 2018 nägu

• Старица, Коммунистическая улица, 27.jpg

  Torguindkeskuz vl 2020

• Старицкий колледж , бывшее Старицкое духовное училище (Старица).jpg

  Starican pedagogine kolledž vl 2019 (ende hengeline škol)

• 

  Starican kodirandantedištandmuzei (2021)

Homaičendad

Irdkosketused

• Lidnan da Starican ümbrikon tobmuden sait (старицкий-район.рф). (ven.)
• Lidnan turizman sait (staritsa.net). (ven.)