Zubcov

Zubcov
Zubcov
Флаг[d]	Герб
	56°10′00″ с. ш. 34°35′00″ в. д.GЯO
Valdkund	Venäma;
Istorii da geografii
Tegemižen päiv	1216
Высота	170
Aigvö	UTC+3[d]
Eläjad
Eläjad	▲6217 чел. (2021);
Lugud
Telefonan kod	48262
Počtan indeksad	172333
	Mediafailad RUWIKI-tedoiš

Zubcov (ven.: Зубцо́в) om Venäman lidn Tverin agjan suves. Se om Zubcovan ümbrikon (vspäi 1935 i edel vn 2022 sulakud — rajonan) administrativine keskuz.

Istorii

Eländpunkt mainitase ezmäižen kerdan Uz'lidnan aigkirjas vl 1216 lidnan statusanke. Vozil 1319−1364 da 1426−1460 Zubcov oli ühtennimižen ruhtinazkundan pälidnaks järedanke lidnusenke. Vspäi 1776 oli Zubcovan makundan lidnaks.

Toižen mail'man sodan aigan lidn oli okkupiruidud nacistoil vozil 1941 (11. reduku) — 1942 (23. eloku), sen aigan äi istorižid sauvusid panihe mantazole. 1970-nzil vozil Vazuzan vezivaradimen gidrotehnine sol'm padoseinänke om saudud läz lidnad varmitamha Moskvad reskvedel, jäihe specialistoid elämha lidnas.

Zubcovan ižandusen päsarakod oma mašinoidensauvomine (kohenduzmehanine tegim^[3] — pened metalližed konstrukcijad, mašinansauvomižen tegim) i turizm, mugažo kvarcletken küllästoitmižen fabrik radab.

Geografijan andmused

Lidn sijadase rajonan päivlaskmas, Vazuz-jogensun randoil (ven.: Вазу́за, Volgan oiged ližajogi), 170 m ü.m.t. keskmäižel korktusel. Matkad Tverihesai om 116 km pohjoižpäivnouzmha orhal, 164 km avtotedme vai 202 km raudtedme. Ühtennimine raudtestancii radab «Moskv — Rig»-keskustal vspäi 1901. Matkad Moskvan Rigan päraudtestancijhasai om 196 km raudtedme. Lähembaine lidn om Ržev 18 km lodeheze.

Zubcov oli lidnankundan üks'jäižeks eländpunktaks.

Eläjad

Vn 2010 Venäman rahvahanlugemižen mödhe lidnan eläjiden lugu oli 6 927 ristitud, rajonan kaks' videndest. Kaikiš suremb lidnan ristitišt oli 8 100 eläjad vl 1998. Kaik 6 373 eläjad oli lidnas vl 2017.

Ortodoksižen hristanuskondan viž pühäpertid^[4] oma kaičenus lidnas: Jumalanmaman Emäganpäivän päjumalanpert', kaks' jumalanpertid i kaks' časounäd. Niiden ližaks koume jumalanpertid ei ole kaičenus.

Rževan tehnologižen kolledžan Zubcovan filial om lidnan professionaližen opendusen aluzkundaks.

Edeline lidnan pämez' oli Fedor Ovčarenko vspäi 2016.

Galerei

Suren sodan memorialine kompleks, 2008
Zubtsov, Tver Oblast, Russia, 172318 - panoramio (54).jpg

Jumalanmaman Emäganpäivän päjumalanpert', vn 2013 nägu
Zubtsov, Tver Oblast, Russia, 172318 - panoramio (62).jpg

Torguindkeskuz vl 2013
Zubtsov, Tver Oblast, Russia, 172318 - panoramio (38).jpg

Municipaline aluzkund
Zubtsov, Tver Oblast, Russia, 172318 - panoramio (130).jpg

Zubcov-päraudtestancijan sauvuz vl 2013

Homaičendad

Irdkosketused

Lidnan da Zubcovan ümbrikon tobmuden sait (adminzubcov.ru). (ven.)

	Tverin agjan lidnad
	Andreapol' \| Belii \| Bežeck \| Bologoje \| Kaläzin \| Kašin \| Kimri \| Konakovo \| Krasnii Holm \| Kuvšinovo \| Lihoslavl' \| Nelidovo \| Ostaškov \| Päivlaskmpol'ne Dvin \| Ržev \| Staric \| Zubcov \| Toropec \| Toržok \| Tver' \| Udoml' \| Ves'jegonsk \| Višnii Voločok

[_72993c059dbea415-1] OKTMO. 179/2016.

[_15bd2465f028e4c3-2] ttps://rosstat.gov.ru/storage/mediabank/tab-5_VPN-2020.xlsx

[3] Zubcovan kohenduzmehanižen tegimen sait (zubcov-rmz.ru). (ven.)

[4] Zubcovan pühäpertid sobory.ru-saital. (ven.)

[1]

[2]

[3]

[4]