Ves'jegonsk

Ves'jegonsk
Ves'jegonsk
	Герб
	58°39′00″ с. ш. 37°16′00″ в. д.GЯO
Valdkund	Venäma;
Istorii da geografii
Tegemižen päiv	1564
Высота	108
Aigvö	UTC+3[d]
Eläjad
Eläjad	▲6330 чел. (2021);
Lugud
Telefonan kod	48264
Počtan indeksad	171720–171721
	Mediafailad RUWIKI-tedoiš

Ves'jegonsk (ven.: Весьего́нск vai Весьёгонск) om Venäman lidn Tverin agjan pohjoižpäivnouzmas. Se om Ves'jegonskan ümbrikon (edel 2019. vot — rajonan) administrativine keskuz.

Istorii

Eländpunkt mainitase ezmäižen kerdan vl 1564 kuti Ves' Jogonskai-külä (ven.: село Весь Ёгонская). 16.-19. voz'sadoil rahvahidenkeskeižen torguindan znamasine keskuz, sai lidnan statusad vl 1776 nügüdläiženke nimenke (Ves'jögonsk variantaks). 19. voz'sadan keskes Tihvinan vezisisteman olend tuli lophu, i vl 1885 vaiše 2629 ristitud elihe lidnas. Ves'jegonskan koume nelländest oli upotadud Ribinskan vezivaradimen täutmižen aigan (1941−1947), lidn om sirtud ülembile korktusile.

Ves'jegonsk šingotase valdkundaližil holitišil. Tegimišton sarakod oma mecan ümbriradmine (pumaterialiden varhapanend i pilindmaterialad) da sömtegimišt (vintegim^[3]). Ende leibtegim i lihan ümbriradmižen edheotand radoiba mugažo.

Geografijan andmused

Lidn sijadase ümbrikon päivnouzmas, sokhas tahondas, Ribinskan vezivaradimen Mologan lahten suvipäivlaskmaižel randal, seižub 108 m ü.m.t. keskmäižel korktusel. Matkad Tverihesai om 216 km suvipäivlaskmha orhal vai 247 km avtotedme. Lähembaine lidn om Ustüžn (Vologdan agj) 52 km lodeheze orhal, järed lidn — Čerepovec 64 km pohjoižpäivnouzmha orhal vai 185 km avtotedme. Darvinan kel'dtaho sijadase kümnes kilometras päivnouzmha lidnaspäi.

Klimat om ven kontinentaline. Voden keskmäine lämuz om +4,9 C°, kezakun-elokun +16..+19 C°, tal'vkun-uhokun −5..−8 C°. Paneb sadegid 720 mm vodes, enamba kezakus-elokus (78..89 mm kus), vähemba uhokus-sulakus (40 mm kus).

Ves'jegonsk oli lidnankundan üks'jäižeks eländpunktaks.

Eläjad

Vn 2010 Venäman rahvahanlugemižen mödhe lidnan eläjiden lugu oli 7 329 ristitud, rajonan ristitišton viž ühesandest. Kaikiš suremb lidnan ristitišt oli 9 700 eläjad vl 1992. Kaik 6 280 eläjad oli lidnas vl 2017.

Ortodoksižen hristanuskondan viž pühäpertid^[4] oma kaičenus i saudud lidnas: koume pühäpertid i kaks' časounäd.

Bežeckan tegimištoliž-ekonomižen kolledžan filial om lidnan professionaližen keskopendusen aluzkundaks.

Edeline lidnan pämez' oli Vladimir Komarov vspäi 2013.

Transport

Avtobusad oma kundaližeks transportaks lidnas, ned-žo ühtenzoittas Ustüžnanke, Tverinke i Moskvanke. Ves'jegonsk-raudtestancii om «Kiriši — Kaläzin»-keskustan sarakon lopstancijaks vspäi 1919.

Sezonine jogiport oleskeleb lidnas. Nevondkundaližen aigan olnu lendimpöud om tactud.

Galerei

Vesyegonsk 2020-12 1 2.jpg

Municipaližen ümbrikon administracijan sauvuz (2020)
Eläban Eziauguižen Stroican jumalanpert', vn 2016 nägu
Vesyegonsk distillery buildings (30222567574).jpg

Ves'jegonskan vintegim vl 2016
Ves'jegonsk-raudtestancii vl 2006
Jogivaldmad vl 2016

Homaičendad

Irdkosketused

Ves'jegonskan istorii municipaližen ümbrikon oficialižel saital (весьегонский-округ.рф). (ven.)

	Tverin agjan lidnad
	Andreapol' \| Belii \| Bežeck \| Bologoje \| Kaläzin \| Kašin \| Kimri \| Konakovo \| Krasnii Holm \| Kuvšinovo \| Lihoslavl' \| Nelidovo \| Ostaškov \| Päivlaskmpol'ne Dvin \| Ržev \| Staric \| Zubcov \| Toropec \| Toržok \| Tver' \| Udoml' \| Ves'jegonsk \| Višnii Voločok

[_72993c059dbea415-1] OKTMO. 179/2016.

[_15bd2465f028e4c3-2] ttps://rosstat.gov.ru/storage/mediabank/tab-5_VPN-2020.xlsx

[3] Ves'jegonskan vintegimen sait (creative-wine.ru). (ven.)

[4] Ves'jegonskan pühäpertid sobory.ru-saital. (ven.)

[1]

[2]

[3]

[4]