Udoml'

Udoml'
Udoml'
Флаг	Герб
	57°53′00″ с. ш. 35°01′00″ в. д.GЯO
Valdkund	Venäma;
Istorii da geografii
Tegemižen päiv	1478
Высота	165 ± 1
Aigvö	UTC+3[d]
Eläjad
Eläjad	▼25 950 чел. (2021);
Lugud
Telefonan kod	48255
Počtan indeksad	171840–171843
	Официальный сайт
	Mediafailad RUWIKI-tedoiš

Udoml' (ven.: Удо́мля) om Venäman lidn Tverin agjan pohjoižes. Se om Udomlin lidnümbrikon (edel 2016. vot — rajonan) administrativine keskuz.

Istorii

Udoml'-tahond mainitase ezmäižen kerdan Uz'lidnan aigkirjas vl 1478. Eländpunktan aluz om pandud vl 1869 kuti Stroic-raudtestancii (ven.: Троица) da žilo senno «Bologoje — Ribinsk»-keskustal. Vl 1904 udesnimitihe stancijad da žilod nügüdläižikš järven mödhe.

Vl 1929 Udoml' kändihe rajonan keskuseks, šingotaškanzi teravas Suren sodan jäl'ghe. Vl 1961 kätihe lidnanvuiččeks žiloks, vll 1974−1984 Kalininan AES:an ezmäine jono om saudud Udoml'-järven randal. Ühtenzoittihe järvid AES:an sauvomižes, i vanh žilo oli upotadud, vaiše jumalanpert' jäi. Udoml' sai lidnan statusad vl 1981.

Udoml' šingotase atomelektrostancijal, mugažo sömtegimišton i mecan ümbriradmižen edheotandad ratas lidnas.

Geografijan andmused

Lidn sijadase ümbrikon keskuzpalan suves, Kaspijan i Baltijan meribasseinoiden röunal, Udoml'- (10 km²) i Pes'vo- (6,6 km²) järviden randoil, sokahas tahondas, 165 m ü.m.t. keskmäižel korktusel. Matkad Tverihesai om 176 km suvipäivnouzmha avtotedme. Lähembaižed lidnad oma Višnii Voločok 50 km suvipäivlaskmha avtotedme i Bologoje 60 km päivlaskmha raudtedme.

Eläjad

Vn 2010 Venäman rahvahanlugemižen mödhe lidnan eläjiden lugu oli 31 061 ristitud, rajonan (nüg. lidnümbrik) — 40 292 ristitud. Kaikiš suremb lidnan ristitišt oli 33 500 eläjad vll 1998−2000. Kaik 28 669 eläjad oli lidnas vl 2017.

Ortodoksižen hristanuskondan nell' pühäpertid^[2] oma avaitud lidnas: ph. Vladimir-ruhtinasen päjumalanpert' (om saudud vodele 2003), koume časounäd.

Udomlin kolledž^[3] (edel vn 2014 vilukud informatikan i lugendtehnikan tehnikum) om lidnan professionaližen opendusen aluzkundaks.

Galerei

Центр общественной информации Калининской АЭС.jpg

Kalininan AES:an kundaližen informacijan keskuz (2012)
Vladimir-ruhtinasen päjumalanpert', vn 2010 nägu
Kalinin site view 2013-cut.jpg

Kalininan AES vl 2013
«Rosatom»-kompanijan andmusiden ümbriradmižen «Kalininskii»-keskuz (2019)
Udomlya Railstation.jpg

Udoml' -päraudtestancijan sauvuz vl 2010

Homaičendad

Irdkosketused

Lidnümbrikon tobmuden aluzkundoiden oficialine sait (udomelskij-okrug.ru). (ven.)

	Tverin agjan lidnad
	Andreapol' \| Belii \| Bežeck \| Bologoje \| Kaläzin \| Kašin \| Kimri \| Konakovo \| Krasnii Holm \| Kuvšinovo \| Lihoslavl' \| Nelidovo \| Ostaškov \| Päivlaskmpol'ne Dvin \| Ržev \| Staric \| Zubcov \| Toropec \| Toržok \| Tver' \| Udoml' \| Ves'jegonsk \| Višnii Voločok

[_15bd2465f028e4c3-1] ttps://rosstat.gov.ru/storage/mediabank/tab-5_VPN-2020.xlsx

[2] Udomlin pühäpertid sobory.ru-saital. (ven.)

[3] Udomlin kolledžan sait (ud-college.ru). (ven.)

[1]

[2]

[3]