Krasnii Holm
| Krasnii Holm | |||
|---|---|---|---|
 | |||
|
|||
| 58°03′00″ с. ш. 37°01′00″ в. д.GЯO | |||
| Valdkund | |||
| Istorii da geografii | |||
| Tegemižen päiv | 1518 | ||
| Высота | 150 | ||
| Aigvö | UTC+3[d] | ||
| Eläjad | |||
| Eläjad |
|
||
| Lugud | |||
| Telefonan kod | 48237 | ||
| Počtan indeksad | 171660 | ||
 Mediafailad RUWIKI-tedoiš | |||
.png)
Krasnii Holm (ven.: Кра́сный Холм «čoma kukkaz») om Venäman lidn da lidnankund Tverin agjan pohjoižpäivnouzmas. Se om Krasnii Holman ümbrikon (edel vn 2020 semendkud — rajonan) administrativine keskuz.
Istorii
Eländpunkt mainitase ezmäižen kerdan vl 1518 jumalankodin Spas Holmal-torguindžiloks (ven.: село Спас на Холму). Se sai makundan lidnan statusad vl 1776 udenke nimenke. Vl 1899 saudihe ühtennimišt raudtestancijad žilho, sarakon lopstancijad «Bologoje — Ribinsk»-jonospäi.
Krasnii Holm šingotase elektromehanižel tegimel[3] (seifad i varmitadud škapad oružjan täht, mangalad, ende vezifil'trad armijan täht) i mebel'fabrikal[4] (ištmed).
Geografijan andmused
Lidn sijadase ümbrikon suvipäivlaskmas, Neledin-jogen randoil (ven.: Неледина, Mologan i Volgan bassein), 150 m ü.m.t. keskmäižel korktusel. Neledin lankteb Mogoč-jogehe (ven.: Могоча) ani lidnan röunan taga. Matkad Tverihesai om 176 km suvipäivlaskmha avtotedme. Lähembaine lidn om Bežeck 40 km suvipäivlaskmha avtol.
Neledino-žilo (327 rist. vl 2010) i Gluncovo-külä (167 rist. vl 2010) mülüdas lidnankundha Krasnii Holman ližaks. Lidnankundan pind — 13,93 km².
Eläjad
Vn 2010 Venäman rahvahanlugemižen mödhe lidnan eläjiden lugu oli 5 608 ristitud, lidnankundan — 6 102 ristitud, rajonan viž ühesandest. Kaikiš suremb lidnan ristitišt oli 7 900 eläjad vl 1992. Vl 2017 kaik 5 234 ristitud elihe lidnas i 5 710 ristitud kaikes lidnankundas.
Ortodoksižen hristanuskondan koume pühäpertid[5] oma kaičenus i saudud lidnas: kaks' jumalanpertid i časoun'. Üks' kellčuhunduz (1870) jäi lidnan Stroican päjumalanpertišpäi (rušihe vl 1930). Spasan Toižetamižen päjumalanpert' om pandud mantazole. Ph. Antonii Krasniiholmalaižen mez'jumalankodi (vspäi 1461) om muretud lujas, sijadase ühtes kilometras lidnaspäi, vspäi 2017 puine časoun' radab siš.
Krasnii Holman kolledž[6] om lidnan professionaližen opendusen aluzkundaks.
Lidnankundan pämez' oli Nina Gribova vn 2013 sügüz'kuspäi.
Galerei
- Дом купца Лапшина (ныне располагается отдел полиции).jpg
Policijan palakund (2019, ende Lapšin-torgovanan pert')
Ph. Mikulain päjumalanpertin ruinad vl 2012 (oli saudud vll 1481−1493, kaikiš amuižemb agjas)
- Колонны рядов.jpg
Torguindrived vl 2019
- Дом Ефимова.jpg
Municipaližiden aluzkundoiden pert': ristitišton otmižen keskuz, rajonan prokuratur (2019, ende Jefimov-torgovanan pert')
Krasnii Holm-päraudtestancii vl 2018
Homaičendad
Irdkosketused
- Lidnan i Krasnii Holman ümbrikon tobmuden sait (krholm.ru). (ven.)
- Enččen lidnankundan tobmuden sait (krholm-adm.ru). (ven.)
| Tverin agjan lidnad | ||
| Andreapol' | Belii | Bežeck | Bologoje | Kaläzin | Kašin | Kimri | Konakovo | Krasnii Holm | Kuvšinovo | Lihoslavl' | Nelidovo | Ostaškov | Päivlaskmpol'ne Dvin | Ržev | Staric | Zubcov | Toropec | Toržok | Tver' | Udoml' | Ves'jegonsk | Višnii Voločok | ||