Pästused

Рувики-späi
Pästused
Pästused. Taidehpirdai Anatolii Janev. Voded 1980
Pästused. Taidehpirdai Anatolii Janev. Voded 1980
Kävutand Openduz
Sündundpäiv XIX voz'sadan toine pol' (Venäma)

Pästused (ven.: Кани́кулы) — lebuaig planan mödhe opendusen aigan, mitte om tarbhaine azj zakonan, openduzkalendarin da openduzorganizacijoiden sijaližiden aktoiden mödhe.

Etimologii

Amuižes Rimas (ven.) (vep. kezan räk aig oli ühtel aigal Sirius-homendeztähthaižen ozutamiženke, sen nimi oli Canicula ("pen' koiraine"). Nene päiväd nimitadihe "dies caniculares"[1] — "koiran päiväd" (22. heinkuspäi 23. elokuhusai). Naku muga nimitadihe kezan lebuaig, konz om lujas räk[2][3][4].

Venämal

Venämal vodhesai 1917 pästused-sanal nimitadihe kezan lebuaig. Vladimir Dal'an (ven.) (vep. sel'genzoituzvajehnikaz voib löuta mugoižed tedod: "Pästused — räk lebuaig, da gul'indad, vessel aig openduzorganizacijoiš; täuded pästused 1. heinkuspäi 15. elokuhusai; erašti lugetas kezakuspäi, erašti semendkuspäi"[5].

Edel revol'ucijad augotižškoloiš da prihodskijoiš učiliščoiš pästused jätksihe kuz' libo seičeme kud — "pöudradoiden lopemižespäi uziden radoiden zavodimižehesai udel vodel". Rippudes regionaspäi ned zavodihe redukus-tal'vkus, lopihe keväz'kus-semendkus[6].

Korktan ekonomikan školan Tedouniversitetan Opendusen kehitoitusen institutan pätedoradnik, professor irina Abankina homaiči[7]:

Školpästused meil oli sidotud libo praznikoidenke, libo londusen primetoidenke. Tarbhatomad pästused keväz'kun lopus — sulakun augotišes oli sidotud keväz'vedenke, konz oli lujas jüged tulda školha äjiš regionoiš. Openduzvoden augotiž 1. sügüz'kud — nece tradicionaline venälaine uz' voz' edel Petran aigad. Sügüz'pästused — kül'mkun praznikad.

Vodel 1803 läksiba "Rahvahaližen tedotelusen edelpäi tehtud sändod", kus oli skeratud openduzreforman pohj. Niiš, ozutesikš, oli sanutud, miše openduzvoz' voib zavodida 1. elokud da loptas 1. heinkud udel vodel[8].

Sovetskijan valdkundan openduzvoz' zavodihe erazvuiččel aigal. Äjiš školoiš — 14. elokud.

Vodel 1935 läksi eloho Rahvahaližiden komissaroiden nevondišton da VKP(b)n keskuzkomitetan käsk "Openduzradon tegemižes augotiž-, keskškoloiš". Azjbumagan mödhe openduzvoz' zavodihe 1. sügüz'kud. Oli märitadud pästused: sügüzel — 5.-9. kül'mkud, tal'vel — 30. tal'vkuspäi 10. vilukuhusai, kevädel — 24.-31. keväz'kud, kezal — openduzvoden lopuspäi 31. elokuhusai[8].

Külälaižiš školoiš keväz'pästused ripputades sijaližiš oloišpäi Raddeputatoiden nevondišton radkomitetoiden pätusiden mödhe voi sirtta toižhe aigaha.

Sovetskijan Sojuzan ministroiden nevondišton käskön № 749 mödhe 8. sügüz'kud vodel 1970[9] oli pättud, miše urokad školoiš zavodisoiš 1. sügüz'kud da lopisoiš, siš lugus oma ekzamenad da praktik, 1.-7. klassoiš — 30. semendkud, 8. klassas — 10. kezakud, 9.-10. (11.) klassoiš — 25. kezakud.

Tulin pästusile. Taidehpirdai F'odor Rešetnikov. Voz' 1948

Nügüdläižiš školoiš pästusiden aig märitadas Federaližen zakonan abul, mitte oli vahvištadud 29. tal'vkud vodel 2012 № 273-FZ "openduses Venämal"[10].

Venälaižiden üläopenikoiden täht ühthišt pästusiden aigad ei ole. Korktoiden školoiden pämehed iče vaumičeba aigmärad, kacuba openduzplanad, kursad, openduzformad da praktikad tegeližudes. Üläopenikad tobjimalaz lähteba pästusile jäl'ghe ekzamenoiden sessijad. Pästusiden piduz' rippub openduzpäividen lugumäraspäi vodes. Universitetoiš, kus openduzvoz' jagase koumehe libo nel'l'aha semestraha, voiba olda ližapästused openduzmoduliden keskes[11].

Kolledžoiš da radmahttehnikumoiš kezalebunaig om tehtud necen-žo sändon mödhe, kut universitetoiš-ki: ezmäks sessii, sid' praktik tegeližudes da pästused. Üläopenikoiden täht, kel ei ole praktikad, pästused tobjimalaz zavodisoiš kezakun keskes — lopus, jäl'ghe ekzamenoid. Üläopenikoiden täht, kudambad lähteba praktikale, — heinkun lopus — elokun augotišes[11].

Pästusiden aigmäras openikad voiba sada tedoid dekanatas, openduzorganizacijan saital libo personaližes honuses.

Toižiš maiš

Pästusiden aig školoiš mail'man erazvuiččiš valdkundoiš om ičeze. Germanijas openduzvoz' om tobjimalaz 24. elokuspäi 15. sügüz'kuhusai[7]. Tal'vpüstused oma vilukun lopuspäi uhokun vajehtadud püivähasai. Sügüzel školan openikad lebaidasoiš redukun lopus kaks' nedalid. Raštvoiden pästused oma 20.-23. tal'vkuspäi 3.-11. vilukuhusai.

Suomes kezapästused jatktasoiš 1 kezakuspäi kesk elokuhusai. Raštvoiden pästused — 22. tal'vkuspäi 8. vilukuhusai. Äipäivän pästusile openikad lähteba keväz'kun lopus libo sulakun augotišes[12].

Amerikas pästusiden aig eroneb ripputades štataspäi, školümbrusespäi, openduzorganizacijaspäi da openikoiden igäspäi. Sügüzel openikad lebaidasoiš sügüz'kus libo redukus, tal'vel — uhokus libo keväz'kus, kevädel — keväz'kus libo sulakus, kezal — kezakuspäi elokun lophusai[13].

Kitajas openduzvoz' jagase kahthe semestraha, sikš oma vaiše tal'v- da kezapästused. Kezal — heinkus da elokus, tal'vel — vilukun keskespäi uhokun keskhesai.

Japonijas openduzvoz' zavodiše sulakun toižes nedališpäi. Kezapästused — heinkun lopuspäi elokuhusai, tal'vel — tal'vkun lopuspäi vilukun ezmäižehe nedalihesai, kevädel — keväz'kun keskhesai.

Filippinoiš pästusiden aigad märičeb Openduzministerstv. Openduzvoz' zavodiše elokus da lopiše kezakus. Kevädel openikad lebaidasoiš nedalin sulakus. Raštvoiden pästused zavodisoiš 24. tal'vkuspäi da lopisoiš ezmäižel ezmärgel jäl'ghe 6. vilukud. Školoiden pämehed voiba iče ližata koume päivähasai lebud openduzvoden aigan[14].

Suvi-Afrikan Valdkundas openduzvoz' zavodiše vilukun keskespäi da jagase nelläha palaha: viluku-keväz'ku, sulaku-kezaku, heinku-sügüz'ku da reduku-tal'vkun augotiž. Tal'vkus zavodisoiš kezapästused, miččed jatktasoiš pol'tošt kud, uden openduzvoden augotižehesai.

Tanzanijas uz' openduzvoz' zavodiše jäl'ghe uz'vozližid praznikoid. kaikid pidembad kezapüstused oma tal'vkus. uded püstused oma Ramadan (ven.) (vep.-pühäkus. Один месяц школьники отдыхают в июле[15].

Tervhen, pioneroiden keza! Taidehpirdai German Bezukladnikov. Voz' 1992

Školpästusiden aigleht

Kaikutte venälaine openduzorganizacii voib märitada iče pästusiden aigad kactes Venäman tedotelendan ministerstvan taričendoid.

Taričendoiden mödhe nelländesen openduzsisteman täht openduzvozil 2025/2026 om mugoine pästusiden aig[16]:

  • sügüzel — 25. redukuspäi 2. kül'mkuhusai;
  • tal'vel — 31. tal'vkuspäi 11. vilukuhusai;
  • kevädel — 28. keväzkuspäi 5. sulakuhusai;
  • kezal — 27. semenkuspäi 31. elokuhusai.

Ezmäižen klassan openikoiden täht pidab tehta ližalebupäiväd koumandes openduzpalas — 16.-22. uhokud.

Koumen trimestran sistemas openduzvoz' jagase koumehe palaha, kaikutte miččespäi jagase kahthe ühtejiččehe modulihe. openikad opendasoiš viž nedalid, a sid' nedalile lähteba püstusile.

Trimestran sisteman pästusiden täht Venäman tedotelendan ministerstv märiči mugošt aigad[16]:

  • ezmäižed — 4.-12. redukud;
  • toižed — 15.-23. kül'mkud;
  • koumanded — 31. tal'vkuspäi 11. vilukuhusai;
  • nelländed — 21. uhokuspäi 1. keväz'kuhusai;
  • vidended — 28. keväz'kuspäi 4. sulakuhusai.

Paiči pästusid om märitadud ližalebupäiväd valdkundaližiden praznikoiden aigan, niiden keskes oma Rahvahiden ühtmuden päiv, Kodiman kaičijan päiv, Vägestusen päiv da toižed praznikad.

Ozutamine kul'turas

Kinematografas:

  • ven.: «Добро пожаловать, или Посторонним вход воспрещён» (1964);
  • ven.: «Каникулы Бонифация» (1965);
  • ven.: «Сто дней после детства» (1975);
  • ven.: «Каникулы в Простоквашино» (1980);
  • ven.: «Каникулы Петрова и Васечкина, обыкновенные и невероятные» (1984);
  • ven.: «Королевство полной луны» (2012);
  • ven.: «Camp Rock: Музыкальные каникулы» (2008).

Literaturas:

  • Nikolai Nosov ven.: «Шурик у дедушки» (1956);
  • Jurii Nagibin ven.: «Эхо» (1960);
  • Rene Gossini, Žak-Žak Sampe ven.: «Каникулы малыша Николя» (1962);
  • Anatolii Aleksin ven.: «В Стране Вечных Каникул» (1966);
  • L'ubov' Voronkova ven.: «Гуси-лебеди» (1966);
  • Jevgenii Nosov ven.: «Варька» (1967);
  • Vladislav Krapivin ven.: «Бегство рогатых викингов» (1975);
  • Anatolii Gladilin ven.: «Секрет Жени Сидорова» (1975);
  • juz Aleškovskii ven.: «Кыш и я в Крыму» (1975);
  • Sil'vija Truu ven.: «Месяц как взрослая» (1978);
  • Jevgenii Veltistov ven.: «Миллион и один день каникул» (1979);
  • Kir Buličov ven.: «Гостья из будущего. Каникулы в космосе или планета Пять-Четыре» (1986);
  • Anatolii Ribakov ven.: «Каникулы Кроша» (1998);
  • Tamara Mihejeva ven.: «Асино лето» (2008);
  • Narine Abgar'an ven.: «Манюня пишет фантастичЫскЫй роман» (2011);
  • David Grossman ven.: «С кем бы побегать» (2011);
  • Tinatin Mžavanadze ven.: «Лето, бабушка и я» (2022)[17];
  • Natalja jevdokimova ven.: «Лето пахнет солью» (2023);
  • Ol'ga Bočkova ven.: «Правдивые истории из жизни Никиты» (2024).

Homaičendad

  1. ↑ Holberg J. B. Sirius: Brightest Diamond in the Night Sky. — Chichester, UK: Praxis Publishing, 2007. — С. 22. — ISBN 0-387-48941-X.
  2. ↑ Каникула // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  3. ↑ Вакация. — Толковый словарь живого великорусского языка : в 4 т. / авт.-сост. В. И. Даль. — 2-е изд.. — СПб., 1880—1882 гг..
  4. ↑ Зигель Ф. Ю. Сокровищница звёздного неба — путеводитель по созвездиям и Луне / Под ред. Г. С. Куликова. — 5-е изд.. — M.: Наука, 1986. — С. 126.
  5. ↑ Каникула. — Толковый словарь живого великорусского языка : в 4 т. / авт.-сост. В. И. Даль. — 2-е изд.. — СПб., 1880—1882 гг..
  6. ↑ Воронцова, Ю.. Школы в дореволюционной России: гимназия, реальное училище, земское училище…, sibmama.ru (25 sügüz'kud 2023). Дата обращения: 16 sügüz'kud 2025.
  7. ↑ 1 2 Борта, Юлия. Школа выживания. Какие каникулы есть у учеников разных стран, AiF. Дата обращения: 16 sügüz'kud 2025.
  8. ↑ 1 2 Бурт, В.. «Девочки могли отвлекать мальчиков от учебы, но об этом не говорили». Как начинали учебный год при царе и в СССР, Мослента (27 elokud 2023). Дата обращения: 16 sügüz'kud 2025.
  9. ↑ Об Уставе средней общеобразовательной школы (не действует на территории РФ 22.07.16 на основании постановления Правительства Российской Федерации от 11.07.2016 N 656) от 08 сентября 1970. docs.cntd.ru. Дата обращения: 16 sügüz'kud 2025.
  10. ↑ Федеральный закон "Об образовании в Российской Федерации" от 29.12.2012 N 273-ФЗ (неопр.). КонсультантПлюс. Дата обращения: 16 sügüz'kud 2025.
  11. ↑ 1 2 Платят ли стипендию студентам во время летних каникул, Банки.ру. Дата обращения: 16 sügüz'kud 2025.
  12. ↑ Школьные каникулы и отпуск учителей в разных странах, Repit Блог (4 kezakud 2023). Дата обращения: 16 sügüz'kud 2025.
  13. ↑ School Holidays in the US 2024-2025 (англ.). www.tutorchase.com. Дата обращения: 16 sügüz'kud 2025.
  14. ↑ Каникулы в филиппинских школах (неопр.). TravelAsk. Дата обращения: 16 sügüz'kud 2025.
  15. ↑ Как работает система образования в Танзании? (неопр.). Forbes.ru. Дата обращения: 16 sügüz'kud 2025.
  16. ↑ 1 2 График школьных каникул в 2025/26 учебном году, Известия (19 elokud 2025). Дата обращения: 16 sügüz'kud 2025.
  17. ↑ Книги о лете и о летних каникулах, рекомендуемые для чтения детям и подросткам. VK. Дата обращения: 16 sügüz'kud 2025.

Literatur

  • Барканов С. В. Социальные и педагогические условия развития системы каникулярного отдыха и оздоровления детей: Дис. … канд. пед. наук (13.00.02). — Кострома: КГПУ им. Некрасова, 2004. — 247 с.
  • Ишимова А. И. Каникулы 1844 года, или Поездка в Москву / Соч. Александры Ишимовой. — Санкт-Петербург: Имп. Акад. наук, 1846.
  • Кижаева Д. В. Школьные каникулы в сети или онлайн лагерь как альтернатива классической смене детского отдыха и оздоровления //Аспирант. — Санкт-Петербург: Имп. Акад. наук, 2021. — С. 87-89.
  • Мирон Н. И. Лаконично о студенческих каникулах // Мир науки, культуры, образования. — 2015. — № 1 (50).
  • Платонова Р. И., Иванова Я. Н., Михина Г. Б. На пути к новой модели организации школьных каникул // Азимут научных исследований: педагогика и психология. — 2020. — № 1 (30).
  • Циркуляры и приказы Министерства народного просвещения Российской империи. — М., 1878.
  • Шмаков С. А. Летний лагерь: вчера и сегодня. Методическое пособие. — Липецк: ИГ «Инфол», 2002. — 384 с.

Lähtked

Om sadud "https://vep.ruwiki.ru/w/index.php?title=Pästused&oldid=528148"