Školform Venämal

Školform Venämal
Školforman uz' standart Venämal (eloku, 2025)
Kävutand	Openduzorganizacijad
Sündundpäiv	1992
Sündundtaho	Venäma

Školform oli heittud Venämal kevädel vodel 1994 (nece tegihe 1. kezakud vodel 1992, konz azotihe predprijatijoiden rad školformiden omblusen mödhe). 1. sügüz'kud vodel 2013 školform oli pördutadud tagaze, se oli tehtud üleižen sändon mödhe.

Elokus vodel 2025 Tedotelendan ministerstv tariči forman ut standartad venälaižiden školan openikoiden täht. Nenile predprijatijoile, ked ombleba školformad, pidab mušta GOSTan polhe. Pidab, miše školforman stil' oliži azjakaz, a form oliži ombeltud hüvin. Nece om ezmäine mugoine standart Venämal. Se levitoitase školanopenikoiden keskes, ked opendasoiš üleižen, pä- da keskopendusen mödhe. Tedotelendan ministerstv sel'genzoitihe, miše heil ei ole planoiš tehta ühthišt školformad kaikiden täht, openduzorganizacijad voiba iče pätta, miččiš sädoiš heiden openikad voiba tulda školha.

Istorii

Päkirjutez: Školform Venämal

Venämal ei ole ühthišt školformad, mitte oli Sovetskijas Sojuzas, no äjad licejad da gimnazijad tegiba ičeze formad, miše ozutada, miše nene oma heiden openduzorganizacijan openikad. Erasiš školoiš ei ole formad, mitte om vahvištadud oficialižesti, no form voib olda i klassas, no vaiše openikoiden vanhembiden tahton mödhe (tobjimalaz mugošt "klassan formad" tehtas augotižklassoiš). Paiči necidä, openduzorganizacijoiš, kus ei ole školformad, voib olda ičeze dress-kod, toižil sanoil azjakahan stil'an sädod. Sovetskijan aigan školform (libo platjo, mitte nahodib neche sädoho) vauktoiden käzipaikoidenke tradicijan mödhe pandihe päle vaiše školan pästnikad Jäl'gmäižen kelloižen aigan kut simvol, miše openik prostiše školanke, harvemba — toižiden praznikoiden aigan.

Jäl'gmäine kelloine luganskas (voz' 2025)

No školoiš (Naberežnajad Čelnad-lidnan erasiš licejoiš, Prohorovskii gimnazii, Krasnojarskan da Ufan školoiš) platjad da käzipaikad neičukaižiden täht libo kaitihe sovetskijas aigaspäi, libo tulba udeks vozil 2000. Vodel 2022  Sergei Kravcov sanui, miše planiruičeb tehta ühthišt školformad, no openduzorganizacijoiden administracijoil linneb oiktuz valita, mitte nece form linneb. Valdkundaližen Duman openduzkomitetan pämez' ol'ga Kazakova sel'genzoiti, mikš sündui mugoine iniciativ: "Školform tegeb openikoid azjakahikš da keradab heid, sikš lapsile pidab panda päle školformad".

1. heinkud vodel 2025 Venämal tuli eloho školforman GOST. Sen mödhe formal pidab olda svetskii taba, se oliži estetine da hüvä, sil ei voi olda "socialitomiden formalitomiden norišton ühtištusiden simvolikad", mitte "kucud tehta azjoid zakonad vaste". Naku pidab panda valdkundališt da patriotišt simvolikad.

6. elokud vodel 2025 Tedotelendan ministerstv tariči forman ut standartad venälaižiden školan openikoiden täht. Organizacijoile, miččed ombleba školformad, pidab kaiken aigan muštta GOSTan polhe. Uziden sändoiden mödhe pidab, miše školforman stil' oliži azjakaz, a sädo oliži hüvä. Nece om ezmäine mugoine standart Venämal. Se levitoitase openikoiden sädole üleižen, kesk da päopenduzorganizacijoiš.

Tedotelendan ministerstvas sel'genzoitihe, miše heil ei ole planoid tehta ühthišt školformad, openduzorganizacijad voiba iče märitada sändoid, mittušt sobad voib panda päle openik.

Homaičendad