Openduzvoz'
| Openduzvoz' | |
|---|---|
 Praznik "Proton"-školas, 1. sügüz'kud vodel 2017 | |
| Kävutand | Openduz |
Openduzvoz' (ven.: Уче́бный год) — nece aigkeskust, mitte märičeb opendust openduzorganizacijoiš[1].
Znamoičend
"Openduzvoz'" znamoičeb openduzprocessan cikl, mitte jatktase voden.
Openduzvoz' tobjimalaz kirjutadas luguil, miččed mäneba kalendarin voziden jäl'ghe toine tošt, da miččihe putub openduz. Ozutesikš, "openduzvoz' 2025/2026"[2].
Openduzvoden jatkund
Openduzvoden augotiž da lop om erazvuitte mail'man valdkundoiš. Aigkeskust om vahvištadud valdkundoiš zakonoiden mödhe. Urokoiden augotišen da lopun todesine päiväd organizacii paksus märičeb iče[3].
Jevropalaižiš valdkundoiš openduzprocess zavodiše elokus — sügüz'kus da lopiše semendkus — kezakus. Ozutesikš, elokun keskes školad zavodiba rata Danijas, Suomes, Švecijas, sügüz'kun ezmäižes palas — Avstrijas, Francijas, Ispanijas, Italijas. openduzvoz' Germanijas da Šveicarijas rippudes regionaspäi voib zavodida kut elokun keskes, mugažo sügüz'kun lopus[3][4].
Amerikas da Kanadas ei ole ühthišt standartad. Päiväd märičeb štatan/provinzijan zakon, no urokad openduzorganizacijoiš zavodisoiš sügüzen augotišes da lopisoiš kezan augotišes[3].
Latinoamerikalaižiš valdkundoiš ezmäine openduzpäiv zavodiše uhokun augotišes (Argentina, Brazilii, Kosta-Rika). Čiliš openduzvoz' zavodiše 1. keväz'kud, a Kubal da Meksikas — sügüz'kun augotišes.
Avstralijas da Udes Zalandijas lapsed zavodiba opetas vilukun lopus — uhokus[3].
Afrikalaižiš valdkundoiš openduzkalendarid oma erazvuiččed. Ozutesikš, Suvi-Afrikan Valdkundas da Tanzanijas openduzvoz' zavodiše vilukus, Sudanas — keväz'kus, Alžiras, Tunisas, Jegoptas, Marokkos, Efiopijas, Somališ, Nigerijas — sügüz'kus.
Azijas mugažo ei ole ühtejittušt. Ozutesikš, 1. sügüz'kud openduzprocess zavodiše kitajas, Mongolijas, Kazahstanas, Kirgizijas, Tadžikistanas, Turkmenistanas, 2. vilukud — Singapuras, keväz'kun ezmäižil luguil — Suvi-Korejas, 1. sulakud — Korejan Rahvahaližes Demokratižes Valdkundas, semendkus — Tailandas, kezakus — Filippinoiš, heinkus — Indijas da Nepalas da toižiš[3].
Venämal
Openduzvoden aigan openduz mäneb školan ühtes klassas, korktan školan libo keskopendusen openduzorganizacijan ühtel voz'kursal.
Venämal openduzvoz' päivformas zavodiše 1. sügüz'kud, päiv nimitadas "Tedoiden päiv". No openduzorganizacijan pätusen mödhe openduzvoden augotiž voib sirtta, no ei enamba, mi kahteks kuks[5].
Opendusen päiv-ehtforman da ehtforman mödhe openduzvoden augotišen voib märitada iče openduzorganizacii.
openduzvoz' lopiše openduzplanan mödhe, mitte vahvištoitab openduzorganizacii[1]. Lopklassoiš školas openduzprocess lopiše lopattestacijal[6].
Opendusen aigkeskustad
Školoiš
Zakonan mödhe "Openduses Venämal"[7] školad iče voiba märitada opendusen aigkeskustad — openduz nelländesiden mödhe, trimestroiden libo bimestroiden mödhe[8]. Mugoižed-žo openduzvoden jagamižed oma toižiš školoiš mail'man valdkundoiš[9].
Nelländesed
Nelländezsistem jagab openduzvoden nelläha palaha[10]:
- ezmäine pala — sügüz'kuspäi redukun lophusai;
- toine pala — kül'mkuspäi tal'vkun lophusai;
- koumanz' pala — vilukuspäi keväz'kun lophusai;
- nellänz' pala — sulakuspäi semendkun lophusai.
Opendusen nelländezsisteman mödhe školan openikad lähteba pästusile nel'l' kerdad vodes[8].
Trimestrad
Trimestrsisteman mödhe (modulin mödhe) openduzvoz' jagase modulihe "5 + 1"-principal: jäl'ghe vit openduznedalid mäneb pästusiden nedal'[10].
Bimestrad
Openduzvoz' jagase videhe openduzaigkeskustaha (bimestroihe) seičemen nedalin mödhe, niiden kekskes — viž pästusiden aigkeskustad, miččed jatktasoiš kaks' nedalid kaikutte. Kudenz' bimestr — kezapästused, miččed jatktasoiš kaks' kud[8].
Kolledžoiš da korktoiš školoiš
Kesk-eriližiš da korktoiš openduzorganizacijoiš openduzprocess märičese semestroil (päliči franc.: semestre "kuz' kud" latin.: sēmestris (*secsmestris)-sanaspäi). Üleižes variantas üks' semestr — nece pol' vot. Jäl'ghe opendusen aigkeskustad om ekzamenoiden sessii[11].
Pästused
Pästused mülüba openduzvodehe — opendusenprocessas ei ole opendust[2].
Püstusiden aigad märičeb openduzstandart.
Homaičendad
- ↑ 1 2 Вопрос: Что такое календарный год, что такое учебный год? Корректно ли говорить о "полугодиях" учебного года применительно к временным периодам с сентября по декабрь и с января по август и издавать приказы о выплате стипендий учащимся в соответствии с указанными временными рамками? (ответ службы Правового консалтинга ГАРАНТ, декабрь 2013 г.). base.garant.ru. Дата обращения: 20 sügüz'kud 2025.
- ↑ 1 2 Сфера образования — документация. docs.istina.msu.ru. Дата обращения: 20 sügüz'kud 2025.
- ↑ 1 2 3 4 5 По школьному календарю: когда начинается учебный год в разных странах (неопр.). Forbes.ru (3 sügüz'kud 2024). Дата обращения: 20 sügüz'kud 2025.
- ↑ Как устроен учебный год в разных странах мира: где-то начинается в январе, а где-то летние каникулы – всего месяц, gol.ru (31 elokud 2022). Дата обращения: 20 sügüz'kud 2025.
- ↑ Учебный год начинается 1 сентября \ 2025-2024-2023 год \ Акты, образцы, формы, договоры \ КонсультантПлюс. www.consultant.ru. Дата обращения: 21 sügüz'kud 2025.
- ↑ Статья 59. Итоговая аттестация \ КонсультантПлюс (неопр.). www.consultant.ru. Дата обращения: 21 sügüz'kud 2025.
- ↑ Статья 28. Компетенция, права, обязанности и ответственность образовательной организации \ КонсультантПлюс (неопр.). www.consultant.ru. Дата обращения: 21 sügüz'kud 2025.
- ↑ 1 2 3 Ирина Кочковая. Триместры, четверти, модули, биместры в школе. В чем различие?, roditeli.maximumtest.ru (5 elokud 2022). Дата обращения: 21 sügüz'kud 2025.
- ↑ Как устроены школы в разных странах мира, Известия (1 sügüz'kud 2017). Дата обращения: 21 sügüz'kud 2025.
- ↑ 1 2 Школьные каникулы 2025/2026. Расписание по четвертям и триместрам, РБК Life (18 elokud 2025). Дата обращения: 21 sügüz'kud 2025.
- ↑ Семестр: что это такое, сколько месяцев длится в учебном году в колледже, ВУЗе | Университет Синергия. synergy.ru. Дата обращения: 21 sügüz'kud 2025.
 |
|
|---|
Opendusen sistem | |
|---|---|