Viktor Gudkov
| Viktor Gudkov | |
|---|---|
 | |
| Üleižed tedod | |
| Täuz' nimi | |
| Sündundpäiv | 4. sügüz'kud 1899 |
| Sündundsija | |
| Kolendpäiv | 17. vilukud 1942 (42 года) |
| Kolendsija | |
| Ma | |
| Professijad | muzikantegii, runoilii, toimitai |
| Radon aig | 1932—1942 |
| Muzikvändimed | kantele |
| Žanrad | Fol'klor |
| Pajosebrad | Kantele (ansambl') |
.svg){kind=small}
Viktor Panteleimonovič Gudkov (ven.: Ви́ктор Пантелеймо́нович Гудко́в, 4. sügüz'kud 1899, Voronež — 17. vilukud 1942, Biškek) — sovetskii fol'kloran tundii, muzikantegii, runoilii, Karjalan ASSRan arvostadud taidehradnik[1].
Elostarin
Viktor Gudkov sündui notariusan kanzas. Hänen laps'aig mäni Zeml'ansk-küläs.
Vodel 1917, konz Viktor lopi kuz' klassad Voronežan opištos, hän mamanke da vellenke (tatoi sil aigal jo oli kolnu) läksi elämaha Kola-stancijale, mitte sauvotihe Murmanskan raudtel[2]. Radoi sigä kontoran radnikan, Murmanskan raudten ostandagentan.
Vodel 1919 Viktor Gudkov läksi elole Kurskan gubernijaha, radoi sigä kertläžundan joukun läžujankacujan.
Vodel 1920 läksi elämaha Simbirkskaha, kus händast ottihe Rusttaha armijaha, oli službal Volgan ümbrišton voingarnizonan politikohjanduses, Kazanin vara-armijan politikohjanduses, jäl'ges radoi Tatarstanan ASSRan Politikan-opendusen päkomitetas. Kül'mkus vodel 1921 händast ottihe Kommunistižehe bol'ščevikoiden partijaha.
Vozil 1921—1928 Viktor Gudkov radoi politikan-opendusen komitetan pämehen, Kommunistižen bol'ščevikoiden partijan komitetan istruktoran, ven.: «Полярная правда»lehtesen toimitajan, raudteradnikoiden kluban ohjandajan. Vodel 1922 Murmanskas paindihe hänen "Pohjoižespäi" (ven.: «С севера»)-runokogomuz.
Vozil 1929—1930 Viktor Gudkov radoi Kandalakšas, kus ohjanzi da toimiti ven.: «Кандалакшский коммунист»-lehtest. Necil aigal händast mel'dütoitiba karjalaine muzikfol'klor, rahvahaline kantele-vändim. Hän tegi projektan vändimen endištamižen mödhe.
Sügüz'kus vodel 1932 händast oigetihe opendamhas Petroskoihe, Venäman tedoakademijan Karjalan tedokeskusen aspiranturaha. Sigä hän kerazi ansambl'an, miččehe mülüiba vändajad kantelel. Vodel 1936 ansambl' ühtni Kaiken Sovetskijan Sojuzan radiofestivalihe, kus sai ezmäižen sijan.
Vodel 1936 Viktor Gudkovale anttihe Karjalan ASSRan arvostadud taidehradnikan arvnimi.
Vodel 1936 Viktor Gudkovale käsktihe säta professionaline orkestr. Hän jäti aspiranturan i läksi radole Petroskoin taidehen rahvahan kodihe, oli sigä ezmäižen kantelistoiden professionaližen orkestran ohjandajan. Vodel 1937 orkestrale anttihe nimi Valdkundaline pajon da kargun "Kantele"-ansambl'.
Vodel 1940 Viktor Gudkovad ottihe Sovetskijan Sojuzan kirjutajiden sebraha. Händast valitihe Karjalaiž-Suomalaižen ASSRan Ülembaižen Nevondišton I kucundan deputataks.
Konz zavodihe Sur' Kodiman voin, elokun lopus vodel 1941 ansambl' oli evakuiruitud man süvüdehe. Ansambl' ezini gospitališ, voinopištoiš, tegeližiš radištoiš.
Viktor Gudkov koli evakuacijan aigan Frunze-lidnas 17. vilukud vodel 1942.
Mušt
27. tal'vkud vodel 2018 Petroskoiš ozutihe Gudkovan ird[3]. Mugažo tal'vkus vodel 2006 Petroskoiš pertil № 6, mitte om Karl Marksan prospektal, om pandud muštlaud.
Kanz
- Ak (norudes Prohorova), koume last.
Kirjutesed
- С севера: Стихотворения. — Мурманск, 1922. — 25 с.
- Выбор: По мотивам карельской эпической песни // Карелия. — 1939. — С. 97—99.
- Три брата: Либретто оперы на сюжеты карельских эпических песен // Карелия. — 1939. — С. 95—142.
- Сампо: Драматическая поэма // На рубеже. — 1945. — С. 61—119.
Homaičendad
- ↑ гл. ред. А. Ф. Титов. Карелия: энциклопедия: в 3 т. — Петрозаводск: «ПетроПресс», 2007. — 282 с. — ISBN 978-5-8430-0123-0.
- ↑ Гудков Виктор. ptzgovorit.ru. Дата обращения: 6 kül'mkud 2025.
- ↑ Постановление Администрации Петрозаводского городского округа № 3911 от 27.12.2018 "О присвоении наименований элементам улично-дорожной сети и внесении изменений в постановление Администрации Петрозаводского городского округа от 10.05.2016 № 1900"
Literatur
- Колосенок С., Моносов И. Культура Советской Карелии. — Петрозаводск, 1967. — С. 108—108.
- Лапчинский Г. И. Музыка Советской Карелии. — Петрозаводск, 1970. — С. 45—47.
- Сост. Ю. И. Дюжев. Писатели Карелии: Библиографический словарь. — Петрозаводск: Острова, 2006. — С. 146—148. — 304 с. — ISBN 5-98686-006-3.
- Сост. А. И. Бутвило. Народные избранники Карелии: Депутаты высших представительных органов власти СССР, РСФСР, РФ от Карелии и высших представительных органов власти Карелии, 1923—2006: справочник. — Петрозаводск, 2006. — 320 с.