Pavlova Nadežda Anatoljevna

Рувики-späi
Pavlova Nadežda Anatoljevna
Надежда Павлова 2017.jpg
Üleižed tedod
Täuz' nimi
Sündundpäiv 22. heinkud 1980(1980-07-22) (46 лет)
Sündundsija
Ma
Professijad Operpajanik
Pajoän' soprano[d]
Pauklahjad Заслуженный артист Российской Федерации — 2018 Золотая маска — 2017
Логотип РУВИКИ.Медиа Mediafailad RUWIKI-tedoiš

Nadežda Anatoljevna Pavlova (ven.: Наде́жда Анато́льевна Па́влова, om sündunu 22. heinkud 1980, Vladimir) — operpajanik (soprano), Permin operan solistk, Venäman arvostadud artist, (2018)[1]. Suren teatran kuctud solistk[2].

"Kuldaine mask"-premijan laureat (2017)[3].

Elostarin

Nadežda Pavlova om sündunu 22. heinkud vodel 1980 Vladimiras[3][4].

Vodel 1997 lopi Vladimiran muzikškolan S. I. Tanejevan nimel.

Sil-žo vodel hän sai Ühthižvenälaižen lapsiden sädandradon "Žar-ptica"-konkursan Gran-pri (1997, Ivanovo)[5].

Vodel 2001 lopi Ivanovon muzikopišton vokal'erišton[6]. Opendusen aigan vodel 2000 tegihe Ühthižvenälaižen üläopenikoiden-vokalistoiden konkursan I premijan laureataks (Ivanovo).

Vodel 2003 oldes Petroskoin konservatorijan üläopenikan sai Rahvahidenkeskeižen "XXI voz'sadan taideh"-konkursan II premijan (Kijev).

Vodel 2006 lopi Petroskoin valdkundaližen A. K. Glazunovan konservatorijan, a vodel 2011 — aspiranturan Valerii Dvornikovan ohjandusel[7].

Konservatorijan opendusen jäl'ghe vodel 2006 händast kuctihe Karjalan muzikteatran truppaha (Petroskoi), kus radoi voden 2012 lophusai. Neciš teatras pajati äjak-se partijoid operoiš, operettoiš da m'uzikloiš, sidä kesken Violetta (Džuzeppe Verdin ven.: «Травиата»), Mikaela (Žorž Bizen ven.: «Кармен», Rita (Gaetano Donicettin ven.: «Рита, или побитый муж»), Galateja (Franc fon Zuppen ven.: «Прекрасная Галатея»), Adel' (Iogann Štrausan ven.: «Летучая мышь»), Glorija (Mark Samoilovan ven.: «Ах, как бы нам пришить старушку»-m'uzikl), Marja Antonovna (Viktor Plešakan ven.: «Инкогнито из Петербурга»-m'uzikl).

Kaks' kerdad tegihe Karjalan ülembaižen "Änižen mask"-teatrpremijan laureataks: partijan pajatandas Ritan roliš ven.: «Любовь на четверых»-operas (2007), Galatejan roliš ven.: «Прекрасная Галатея»-operettas (2008).

Vodel 2012 sai Rahvahidenkeskeižen Sobinovan festivalin vokalistoiden konkursan II premijan (Saratov). Dirižoran toižes turas oli Valerii Platonov (ven.) (vep., kudamb homaiči pajanikan i tariči hänele tehtas Permin operan (ven.) (vep. solistkaks.

Vodel 2012 Pavlova ezmäižen kerdan ezini Permin operas Marfan partijas (Rimskii-Korsakovan ven.: «Царская невеста»). Toižiden partijoiden keskes Permiš — Olimpija (Offenbahan ven.: «Сказки Гофмана» Оффенбаха), Feja (Massnen ven.: «Золушка»), S'uzanna (Šostakovičan ven.: «Оранго»), Donna Anna (Mocartan ven.: «Дон Жуан»-oper, "Kuldaine mask"-premijan parahim naižen rol'-nominacijas), Marta (Vainbergan ven.: «Пассажирка»), Adel' (Iogann Štrausan ven.: «Летучая мышь»), Luiza (Prokofjevan ven.: «Обручение в монастыре»).

Vilukus vodel 2013 pajati Violettan partijas Verdin "Traviata"-operas Latvijan Rahvahaližen operan laval (Andreis Žagarsan spektakl').

Vodel 2015 sai Rahvahidenkeskeižen vokalistoiden konkursan Gran-pri Minskas.

Sulakus vodel 2016 pördihe Karjalan muzikteatraha, miše pajatada Violettan partijas Verdin "Traviata"-operas.

Vodel 2016 Nadežda pajati Violettan partijas Verdin "Traviata"-operas Robert Uilsonan spektakl'as Permin operas (dirižor Teodor Kurentzis). Spektakl'an ezmäine ozutez oli D'agilevskijan festivalil. Neciš partijas om pauklahjoitud "Kuldaine mask"-premijal ("Parahim naižen rol'", 2017)[8]. Möhemba spektakl'an videokirjutez ozutadihe kinoteatroiš "TheatreHD"-projektan aigan.

Teodor Kurentzisan ohjandusel Nadežda Pavlova ezini mugoižiš teatr- da koncerttandrehil kut L'uksemburgan Sur' teatr, El'ban filarmonii Gamburgas, K'ol'nan filarmonii, Koncertzal Dortmundas, Venan koncerthaus, Kul'turkeskusen da kongressoiden koncertzal L'ucernas, Moskvan valdkundaližen P. I. Čehovan konservatorijan Sures zalas.

Vodel 2018 ezmäižen kerdan ezini Sures teatras Kunigudan partijas (Leonard Bernstainan "Kandid"-operetta, dirižor Tugan Sohijev)[2]. Sen-žo voden tal'vkus ühtni Kirill Serebrennikovan "Barokko"-spektakl'an ezmäižehe ozutesehe[9].

Vodel 2021 ezmäižen kerdan pajati Zal'cburgan festivalil (Donna Annan partijas Kastelluččin-Kurentzisan "Don Žuan"-operas).

Vodel 2022 — Gamburgan operan teatras (Džil'dan partijas ven.: «Риголетто»-operas i Donna Annan partijas "Don Žuan"-operas), Bavarijan valdkundaližes operas (Konstancan partijas ven.: «Похищение из сераля»-operas) i Cirihan operan teatras (Violetta Valerin partijas "Traviata"-operas).

Vodel 2023 — Florentiiskijas operas (Violetta Valeri; dirižor Zubin Meta).

Kezakus vodel 2023 Nadežda Pavlova ezini koncertanke Rahvahidenkeskeižen taidehen ven.: «Стрелка»-festivalin aigan (Nižnii Novgorod), a elokus ezini Zal'cburgan festivalil (ezmäine soprano Mocartan ven.: Большая месса до минор-tegos; ühtes horanke i Utopia-orkestranke Teodor Kurentzisan ohjandusel) i Musikfest Berlin-festivalil Sergei Rahmaninovan muzikanke (ühtes pianonvändajidenke Aleksandr Mel'nikovanke, Ol'ga Paščenkonke i violončelinvändajanke Aleksandr Rudinanke).

Vodel 2025 udes ezini Gamburgan valdkundaližes operas, kus ühtni ven.: «Ариадна на Наксосе»-operan ezmäižehe ozutesehe (Cerbinetta; ohjandai Dmitrii Čern'akov, dirižor Kent Nagano)[10].

Kaiken aigan ezineb "MusicAeterna"-ansambl'anke Teodor Kurentzisan ohjandusel, barmuzikan "La Voce Strumentale"-ansambl'anke (taidehohjandai Dmitrii Sin'kovskii) i pajoprogrammoidenke. Scenal radoi ohjandajidenke Robert Uilsonanke, Dmitrii Čern'akovanke, Romeo Kastelluččinke i toižidenke.

Repertuar

Repertuar Sures teatras:

  • Kunigunda (L. Bernstainan ven.: «Кандид», teatr- da koncertpajatand);
  • Volhova (N. Rimskii-Korsakovan ven.: «Садко»);
  • Grafin'a Al'maviva (V. A. Mocartan ven.: «Свадьба Фигаро»);
  • Виолетта (Džuzeppe Verdin ven.: «Травиата»);
  • Донна Анна (V. A. Mocartan ven.: «Дон Жуан»);

Repertuar toižiš teatroiš:

  • Violetta (Džuzeppe Verdin ven.: «Травиата») — Latvijan Rahvahaline oper, Permin operan da baletan teatr, L'uksemburgan Sur' teatr, Belorussian Sur' teatr, Karjalan muzikteatr;
  • Donna Anna (V. A. Mocartan ven.: «Дон Жуан») — Permin operan da baletan teatr, festivalid Zal'cburgas, L'ucernas;
  • Marfa (N. Rimskii-Korsakovan ven.: «Царская невеста») — Belorussian Sur' teatr, Permin operan da baletan teatr;
  • L'učija (G. Donicettin ven.: «Лючия ди Ламмермур») — Muzikteatr K. S. Stanislavskijan da V. I. Nemirovičan-Dančenkon nimel, Uz' oper;
  • Olimpija (ven.: «Сказки Гофмана») — Muzikteatr K. S. Stanislavskijan da V. I. Nemirovičan-Dančenkon nimel, Permin operan da baletan teatr;
  • Džil'da (ven.: «Риголетто») — Belorussian Sur' teatr;
  • Marta (M. Vainbergan ven.: «Пассажирка») — Permin operan da baletan teatr;
  • Cerbinetta (R. Štrausan ven.: «Ариадна на Наксосе») — Permin operan da baletan teatr;
  • Luiza (S. Prokofjevan ven.: «Дуэнья») — Permin operan da baletan teatr;
  • Feja (Ž. Massnen ven.: «Синдерелла, или Сказка о Золушке») — Permin operan da baletan teatr;
  • Adel' (I. Štrausan ven.: «Летучая мышь») — Permin operan da baletan teatr;
  • Sizar' Konstans (F. Pulenkan ven.: «Диалоги кармелиток») — Permin operan da baletan teatr;
  • Fjordilidži (V. A. Mocartan ven.: «Так поступают все женщины», koncertpajatand) — Koncerthaus Venas, festival' L'ucernas;

Koncertrepertuaras — K. Orfan ven.: «Кармина Бурана», I. Bramsan ven.: «Немецкий реквием», G. P'orsellan ven.: «Королева фей», I. S. Bahan, D. Pergolezin, A. Vival'din muziktegod, germanialaine Lied.

Videokirjutesed

  • 2016 — D. Verdin "Traviata" (Violetta); ohjandai R. Uilson, dirižor T. Kurentzis (kinos — eloku 2016; ei ole pästtud).

Pauklahjad

  • 2017 — Venälaine rahvahaline "Kuldaine mask"-teatrpremii (Violettan partijas ("Traviata" Permin operan da baletan teatras)[3];
  • 2018 — Venäman arvostadud artist-arvnimi[1];
  • 2003 — Rahvahidenkeskeižen "XXI voz'sadan taideh"-konkursan laureat (Kijev);
  • 2007, 2008 — Kaks' kerdad Karjalan ülembaižen "Änižen mask"-teatrpremijan laureat;
  • 2012 — Rahvahidenkeskeižen Sobinovan festivalin vokalistoiden konkursan laureat (Saratov);
  • 2015 — Minskan Rahvahidenkeskeižen vokalistoiden konkursan Gran-pri;
  • 2015 — Permin A. Nemtinan premijan laureat kul'turan da taidehen alovehes;
  • 2016 — Moskvan muzikarvostelijoiden associacijan lahj;
  • 2019 — IV Rahvahaližen "Onegin"-premijan laureat[11];
  • 2020 — Casta diva-premii "Voden pajanik"-nominacijas Volhovan partijas ("Sadko"-spektakl', Sur' teatr)[12];
  • 2025 — "Onegin"-premijan laureat "Parahim naižen rol'"-nominacijas Olimpijan, Džuljettan, Antonijan partijoiš Žak Offenbahan "Gofmanan sarnad"-operas[13].
  • 2025 — Premii F'odor Volkovan nimel panendas Venäman teatrtaidehen kehitoitandaha[14].

Mel'pidod

Teodor Kurentzis[15]:

Om völ Nadežda Pavlovna... Sinä völ ed kulend händast, sinä mel'düškanded hänehe. Hän linneb "Don Žuanan" ezmäižes kundas. Händast toi Valerii Platonov, kus-se kulišti. Hän om čoma drama-aktris.

G'ul'ara Sadih-Zade, "Vedomosti"[16]:

Om Permin spektakl'an päavaiduz i čududeluz — Nadežda Pavlova Violettan partijas. Hänen hoštai, hüvä soprano kebnas otab ülänotoid pianol — eskai tundub, hän voiži pajatada oktavale korktemba — hänen čudokaz muzikaližuz', tundmusiden riža i uskoližuz' toiba spektakl'ale satusen.

Jekaterina Bir'ukova[17]:

Verdin partituran tetaban dirižoran traktovkan abul sündui uz' tähtaz. Permin operan da baletan teatran solistkad čoman nimenke Nadežda Pavlova homaitihe kaks' vot tagaze Petroskoiš i neižne jo kingiti ičheze homaičust oldes Donna Annan roliš "Don Žuan"-operas, kudamb tuli necil vodel Moskvaha "Kuldaine mask"-festivalile. Hänen kova, puhtaz i rohked än' da Kurentzisan käded ül'dütaba ühtes, a akt'oran lahjavuz' avaidab ustavakast henged.

Homaičendad

  1. ↑ 1 2 Указ Президента Российской Федерации от 2 марта 2018 года № 93 «О награждении государственными наградами Российской Федерации». Дата обращения: 4 keväz'kud 2026.
  2. ↑ 1 2 Надежда Павлова. Большой театр. Дата обращения: 4 keväz'kud 2026.
  3. ↑ 1 2 3 Как наша землячка «Золотую маску» покорила. trc33.ru. Дата обращения: 4 keväz'kud 2026.
  4. ↑ Надежда Павлова (III). Кино-Театр.Ру. Дата обращения: 4 keväz'kud 2026.
  5. ↑ Владимир Мартынов. В большую оперу – из ивановского училища. rk37.ru (5 sulakud 2021). Дата обращения: 4 keväz'kud 2026.
  6. ↑ Сергей Тренин. Надежда Павлова - обладатель премии «Золотая маска». ivmu37.ru. Ивановское музыкальное училище (колледж). Дата обращения: 4 keväz'kud 2026.
  7. ↑ Петрозаводская государственная консерватория Надежда Павлова - обладатель премии «Золотая маска». glazunovcons.ru. Дата обращения: 4 keväz'kud 2026.
  8. ↑ Ирина Муравьева. Надежда Павлова: Я только к 33 годам я поняла, как надо петь, Российская газета (6 sulakud 2017). Дата обращения: 4 keväz'kud 2026.
  9. ↑ Надежда Павлова ▪ Новая Опера / Балет Москва. novayaopera.ru. Дата обращения: 4 keväz'kud 2026.
  10. ↑ Надежда Павлова - Сопрано - Пермский театр оперы и балета. Пермский театр оперы и балета. Дата обращения: 4 keväz'kud 2026.
  11. ↑ 2019. oneginaward.ru. Дата обращения: 4 keväz'kud 2026.
  12. ↑ В большую оперу – из ивановского училища. rk37.ru. Дата обращения: 4 keväz'kud 2026.
  13. ↑ 2025. m.oneginaward.ru. Дата обращения: 4 keväz'kud 2026.
  14. ↑ Ольга Любимова наградила лауреатов премии Федора Волкова. culture.gov.ru. Дата обращения: 4 keväz'kud 2026.
  15. ↑ Лариса Барыкина. Теодор Курентзис: «Опасно, когда непрофессионалы решают судьбы театров». classicalmusicnews.ru (20 sügüz'kud 2014). Дата обращения: 6 keväz'kud 2026.
  16. ↑ Гюляра Садых-Заде: «Травиата» в послановке Роберта Уилсона… Дата обращения: 4 keväz'kud 2026.
  17. ↑ «Травиата» собирает звёзды. Большой театр (24 kül'mkud 2021). Дата обращения: 4 keväz'kud 2026.

Lähtked

Om sadud "https://vep.ruwiki.ru/w/index.php?title=Pavlova_Nadežda_Anatoljevna&oldid=514659"