Ust'-Ilimsk
| Ust'-Ilimsk | |||||
|---|---|---|---|---|---|
 | |||||
|
|||||
| 58°00′00″ с. ш. 102°40′00″ в. д.GЯO | |||||
| Valdkund | |||||
| Istorii da geografii | |||||
| Tegemižen päiv | 1966 | ||||
| Pind |
|
||||
| Высота | 300 | ||||
| Aigvö | UTC+8:00[d] | ||||
| Eläjad | |||||
| Eläjad |
|
||||
| Lugud | |||||
| Telefonan kod | 39535 | ||||
| Počtan indeksad | 666671 | ||||
|
|
|||||
| Официальный сайт | |||||
 Mediafailad RUWIKI-tedoiš | |||||
![Флаг[d]](/wiki/Fail:Flag_of_Ust-Ilimsk_(Irkutsk_oblast).png)
.png)
Ust'-Ilimsk (ven.: Усть-Или́мск) om Venäman lidn da lidnümbrik Irkutskan agjan lodehes. Se om agjan nellänz' lidn eläjiden lugun mödhe, om Ust'-Ilimskan rajonan administrativižeks keskuseks mugažo, ei mülü sihe.
Istorii
Eländpunktan aluz om pandud vl 1966 kuti Ust'-Ilim sauvomha padoseinäd da gidroelektrostancijad Angar-jogel, mecümbriradajan kompleksan edheotandoid. Eziauguižin planiruihe panda padoseinäd Iliman jogensunno, sid' valitihe sijad 30 kilometras mödvedhe, no nimi jäi enzne. Žilo sai lidnan statusad vl 1973 nügüdläiženke nimenke, vspäi 1974 alištub agjan tobmudele oikti.
Ust'-Ilimsk šingotase järedal GES:al (sadametraine padosein) i lämuzenergetikal, mecan ümbriradmižel pilindmaterialoihe, cellülozbumagaižel tehmižel, kivihilen samižel, mugažo leibtegim radab.
Geografijan andmused
Lidn sijadase Angar-jogen i Ust'-Ilimskan vezivaradimen randoil, 207..320 m korktusil, 300 m ü.m.t. keskmäižel korktusel. Matkad Irkutskhasai om 650 km suvhe orhal, 890 km avtotedme vai 1280 km raudtedme. Ust'-Ilimsk-raudtestancii sijadase rajonan Železnodorožnii-žilos ani suvhe lidnaspäi, vaiše jüguraudted oma saudud lidnas, ühtenzoittas Železnogorskanke Ilimal. Lähembaižed lidnad oma Železnogorsk Ilimal 175 km suvipäivnouzmha orhal, 473 km avtotedme vai 240 km raudtedme, Bratsk 210 km suvhe orhal vai 280 km avtol i Kodinsk (Krasnojarskan rand) 220 km päivlaskmha-lodeheze orhal vai 440 km avtotedme.
Ust'-Ilimsk om lidnümbrikon üks'jäine eländpunkt.
Eläjad
Vn 2010 Venäman rahvahanlugemižen mödhe eläjiden lugu oli 86 610 ristitud. Kaikiš suremb ristitišt oli 114 tuh. eläjid vl 1992.
Ortodoksižen hristanuskondan koume pühäpertid[3] oma avaitud lidnas: kaks' jumalanpertid i časoun'.
Professionaližen opendusen aluzkundad: Ust'-Ilimskan mectegimištoližiden tehnologijoiden tehnikum[4], saraktehnologijoiden tehnikum[5], Baikalan valdkundaližen universitetan (Irkutsk) filial, Irkutskan energetižen kolledžan filial.
Edeline lidnan pämez' om Vakil' Tulubaev (2008−2010, sügüz'ku 2015 — sulaku 2019).
Transport
Avtobusad, kiruhtramvaid da taksid oma kundaližeks transportaks.
Regionaline civiline lendimport (UIK / УТК) sijadase 17 km lodeheze lidnan keskusespäi. Tehtas reisid Irkutskhasai.
Galerei
- Church of the Theotokos Seeker of the Perishing Ust-Ilimsk.JPG
Jumalanmaman «Pölištunuziden aznoičend»-jumalaižen časoun', vn 2007 nägu
Ust'-Ilimskan gidroelektrostancijan padosein vl 2020
Baikalan valdkundaližen universitetan (Irkutsk) filial vl 2009 (vll 2002−2015 üläopendusen aluzkundan nimituz oli Baikalan ekonomikan da oiktusen valdkundaline universitet)
Tramvain jono vl 2020
Ust'-Ilimsk-lendimportan perron vl 2000 vai 2001
Homaičendad
- ↑ OKTMO 179/2016 — 2016.
- ↑ https://rosstat.gov.ru/storage/mediabank/tab-5_VPN-2020.xlsx
- ↑ Ust'-Ilimskan pühäpertid sobory.ru-saital. (ven.)
- ↑ Ust'-Ilimskan mectegimištoližiden tehnologijoiden tehnikuman sait (уитлту38.рф). (ven.)
- ↑ Ust'-Ilimskan saraktehnologijoiden tehnikuman sait (уитот.образование38.рф). (ven.)
Irdkosketused
- Lidnan Duman oficialine sait (duma38.ru). (ven.)
- Lidnan Administracijan oficialine sait (ust-ilimsk.ru). (ven.)
| Irkutskan agjan lidnad | ||
| Alaudinsk | Alzamai | Angarsk | Baikal'sk | Birüsinsk | Bodaibo | Bratsk | Čerömhovo | Irkutsk | Kirensk | Sajansk | Sibirin Usol'je | Slüdänk | Svirsk | Šelehov | Zim | Železnogorsk Ilimal | Taišet | Tulun | Ust'-Ilimsk | Ust'-Kut | Vihorevk | ||