Čerömhovo (lidn)
| Čerömhovo | |||||
|---|---|---|---|---|---|
 | |||||
|
|||||
| 53°09′00″ с. ш. 103°04′00″ в. д.GЯO | |||||
| Valdkund | |||||
| Istorii da geografii | |||||
| Tegemižen päiv | 1772 | ||||
| Pind |
|
||||
| Высота | 560 | ||||
| Aigvö | UTC+8:00[d] | ||||
| Eläjad | |||||
| Eläjad |
|
||||
| Lugud | |||||
| Telefonan kod | 39 546 | ||||
| Počtan indeksad | 665400 | ||||
|
|
|||||
| Официальный сайт | |||||
 Mediafailad RUWIKI-tedoiš | |||||
![Флаг[d]](/wiki/Fail:Flag_of_Cheremkhovo.svg)
.png)
Čerömhovo (ven.: Черемхо́во [tɕɪrʲɪmˈxovə], burät.: Арангата) om Venäman lidn da lidnümbrik Irkutskan agjan suves. Se om agjan kudenz' lidn eläjiden lugun mödhe, mugažo Čerömhovon rajonan administrativižeks keskuseks, ei mülü rajonha.
Istorii
Eländpunktan aluz om pandud vl 1772 kuti Čeremhovskoje-žilo (ven.: село Черемховское) Moskvan traktal. Vspäi 1896 zavottihe kivihilen samišt kaivuzil i Transsib läbiti žilod. Čerömhovo sai lidnan statusad vn 1917 3(16). päiväl kezakud.
Čerömhovo šingotase kivihilen samižel (avoin mahtuz) da küllästamižel, mehanižel tegimel, sauvondmaterialiden edheotandoil (kudomatomad materialad, tal'kan i dolomitan samine, pilindmaterialad), kebnal tegimištol (omblendfabrik i mebel'fabrik), mugažo leibkombinat radab.
Geografijan andmused
Lidn sijadase penen Čeremšank-jogen randoil (ven.: Черемшанка, Angar-jogen hura ližajogi), 560 m ü.m.t. keskmäižel korktusel. Matkad Irkutskhasai om 125 km suvipäivnouzmha orhal vai 145 km «Sibir'»-avtotedme (R-255). Lähembaine lidn om Svirsk 15 km päivnouzmha orhal. «Sibir'»-trass ümbärdab lidnad suvipäivlaskmaspäi vides kilometras.
Klimat om terav kontinentaline. Vilukun lämuz om −19,8 C°. Ekstremum om +36 C°. Paneb sadegid 325..425 mm vodes. Voib olda manrehkaidusid seičemehe..kaheshasai ballad.
Čerömhovo om lidnümbrikon üks'jäine eländpunkt. Ühesa žilod mülüdas lidnha, ned sijadasoiš nelläs..seičemes kilometras.
Eläjad
Vn 2010 Venäman rahvahanlugemižen mödhe lidnan eläjiden lugu oli 52 647 ristitud. Kaikiš suremb lidnan ristitišt oli 124 tuhad eläjid vl 1956. Kaik 51 230 ristitud elihe lidnas vl 2017.
Ortodoksižen hristanuskondan ph. Mikulai-čudonsädajan jumalanpert'[3] (om udessündutadud 2000-nzil vozil) i islaman pühäpert' (vspäi 2008) oma olmas lidnas.
Čerömhovon tegimištoližen industrijan da holitusen tehnikum[4], medicinine kolledž[5], kaivuztehnine kolledž[6] i pedagogine kolledž[7] oma lidnan professionaližen opendusen aluzkundoikš.
Galerei
Korrekcine aluzškol-internat (2013, ende škol nomer 4)
Kivihilen samine Čerömhovonno vl 2001
- Черемхово ул. Некрасова.jpg
Torguindkeskused Nekrasovan irdal (2016)
«Šahtör»-kul'turkeskuz (2018, Kaivai)
Homaičendad
- ↑ OKTMO 179/2016 — 2016.
- ↑ https://rosstat.gov.ru/storage/mediabank/tab-5_VPN-2020.xlsx
- ↑ Čerömhovon pühäpertid sobory.ru-saital. (ven.)
- ↑ Čerömhovon tegimištoližen industrijan da holitusen tehnikuman sait (чтприс38.рф). (ven.)
- ↑ Čerömhovon medkolledžan sait (chermed.ucoz.ru). (ven.)
- ↑ Čerömhovon kaivuztehnižen kolledžan sait (chgtk.ru). (ven.)
- ↑ Čerömhovon pedagogižen kolledžan sait (чпк.образование38.рф). (ven.)
Irdkosketused
- Čerömhovo-lidnan tobmuden oficialine sait (admcher.ru). (ven.)
- Čerömhovo-lidnan informacine portal (chertown.ru). (ven.)
| Irkutskan agjan lidnad | ||
| Alaudinsk | Alzamai | Angarsk | Baikal'sk | Birüsinsk | Bodaibo | Bratsk | Čerömhovo | Irkutsk | Kirensk | Sajansk | Sibirin Usol'je | Slüdänk | Svirsk | Šelehov | Zim | Železnogorsk Ilimal | Taišet | Tulun | Ust'-Ilimsk | Ust'-Kut | Vihorevk | ||