Železnogorsk Ilimal
| Železnogorsk Ilimal | |||
|---|---|---|---|
| Fail:Zheleznogorsk-Ilimsky (Железного́рск-Или́мский) - panoramio.jpg | |||
|
|||
| 56°35′00″ с. ш. 104°07′00″ в. д.GЯO | |||
| Valdkund | |||
| Istorii da geografii | |||
| Tegemižen päiv | 1948 | ||
| Pind |
|
||
| Высота | 430 | ||
| Aigvö | UTC+8:00[d] | ||
| Eläjad | |||
| Eläjad |
|
||
| Lugud | |||
| Telefonan kod | 39566 | ||
| Počtan indeksad | 665653 | ||
 Mediafailad RUWIKI-tedoiš | |||
.gif)
_-_panoramio.jpg){kind=link}
Železnogorsk Ilimal (ven.: Железного́рск-Или́мский) om Venäman lidn da lidnankund Irkutskan agjan keskuzpalas. Om Alailiman rajonan administrativine keskuz.
Istorii
Eländpunktan aluz om pandud vl 1948 kuti Koršunih-žilo (ven.: Коршуниха) sauvomha küllästamižfabrikad raudkivendon ühtennimiženno löudmižsijanno, nimi Iliman ližajogespäi. Vl 1958 udesnimitihe žilod Železnogorsk-radnikžiloks. Se sai lidnan statusad vl 1965 udenke nügüdläiženke nimenke erištamha toižiš Železnogorsk-lidnoišpäi.
Istorine Ilimsk-lidn sijazihe 30 kilometras lidnaspäi, amuižel tarabošsijal Angaran i Lenan basseinoiden keskes, se om upotadud Ust'-Ilimskan vezivaradimen täutmižen aigan.
Železnogorsk Ilimal šingotase raudkivendon Koršunihan küllästamižfabrikal, raudten edheotandoil (vedimdepo), lämuzelektrokeskusel (ven.: ИТЭЦ-16) da mecan ümbriradmižel pilindmaterialoihe.
Geografijan andmused
Lidn sijadase Leniž-Angaran mägitazangištol, Koršunih-jogen randal (Iliman oiged ližajogi), 16 kilometras Iliman randaspäi, 430 m ü.m.t. keskmäižel korktusel. Koršuniha-Angarskai-raudtestancii radab vspäi 1958. Matkad Irkutskhasai om 477 km suvhe orhal, 850 km avtotedme vai 1220 km raudtedme. Lähembaine lidn om Ust'-Kut 100 km päivnouzmha orhal, 150 km avtotedme vai raudtedme.
Klimat om terav kontinentaline. Voden keskmäine lämuz om +0,2 C°, heinkun +18,4 C°, vilukun −17,2 C°. Paneb sadegid 500 mm vodes.
Železnogorsk Ilimal om lidnankundan üks'jäine eländpunkt. Lidnankundan pind — 496,89 km².
Eläjad
Vn 2010 Venäman rahvahanlugemižen mödhe lidnan eläjiden lugu oli 26 079 ristitud, rajonan läz pol't. Kaikiš suremb ristitišt oli 33 700 eläjid vl 1996. Kaik 23 643 ristitud elihe lidnas vl 2017.
Ortodoksižen hristanuskondan kaks' pühäpertid[3] oma avaitud lidnas: Jumalanmaman Kazanin jumalaižen jumalanpert' i Eläban Eziauguižen Stroican jumalanpert' (om saudud vll 2001−2007).
Železnogorskan Ilimal professionaline kolledž[4] om lidnan professionaližen opendusen aluzkundaks.
Edeline lidnan pämez' (Administracijan pämez') om Aleksei Kozlov (sügüz'ku 2017 — reduku 2022).
Galerei
- Коршуновский ГОК, карьер - panoramio (1).jpg
Koršunihan kar'jer (2011)
- Рядом с детской больницей - panoramio.jpg
Lapsiden läžundkodinno (2014)
.jpg){kind=link}
Homaičendad
Irdkosketused
| Irkutskan agjan lidnad | ||
| Alaudinsk | Alzamai | Angarsk | Baikal'sk | Birüsinsk | Bodaibo | Bratsk | Čerömhovo | Irkutsk | Kirensk | Sajansk | Sibirin Usol'je | Slüdänk | Svirsk | Šelehov | Zim | Železnogorsk Ilimal | Taišet | Tulun | Ust'-Ilimsk | Ust'-Kut | Vihorevk | ||