Baikal'sk

Baikal'sk
Baikal'sk
	Флаг
	51°31′02″ с. ш. 104°09′22″ в. д.GЯO
Valdkund	Venäma;
Istorii da geografii
Tegemižen päiv	1961
Pind	819,25;
Высота	460
Aigvö	UTC+8:00[d]
Eläjad
Eläjad	▲13 199 чел. (2021);
Lugud
Telefonan kod	39542
Počtan indeksad	665930 da 665932
	Mediafailad RUWIKI-tedoiš

Baikal'sk (ven.: Байка́льск) om Venäman lidn da lidnankund Irkutskan agjan suves. Se om Slüdänkan rajonan kahtenz' lidn da eländpunkt eläjiden lugun mödhe.

Istorii

Eländpunktan aluz om pandud Transsiban penen stancijanno, cellülozbumagaižen kombinatan sauvojiden radnikžiloks senno vl 1961, nimitihe Baikal-järven mödhe. Vl 1966 kombinat radaškanzi, i radnikžilo sai lidnan statusad. Cellüloz i bumag oliba produkcijaks. Redusti järved lujas, i vspäi 2013 likvidiruidas kombinatad da sen jändusid.

Lidn šingotase Baikal'skan lämuzelektrokeskusel, lebun edheotandoil da turizmal.

Geografijan andmused

Lidn sijadase Baikal-järven suvirandal, 460 m ü.m.t. keskmäižel korktusel, korktan Hamar-Daban-mägisel'ganno. Pened Solzan-jogi (ven.: Солзан, 34 km pitte) i Harlaht-jogi (ven.: Харлахта kümnen kilometran pitte) lanktas järvhe lidnan röunoiš. Matkad Irkutskhasai om 86 km pohjoižhe orhal, 147 km «Baikal»-trassadme (R-258) vai Transsib-raudtedme. Lähembaine lidn om Slüdänk 33 km lodeheze orhal, 38 km «Baikal»-avtotel vai Transsibal.

Klimat om ven. Voden keskmäine lämuz om +0,9 C°, heinkun +16 C°, vilukun i uhokun −14,4..−14,8 C°. Paneb sadegid 778 mm vodes, enamba kezakus-elokus (119..168 mm kus), vähemba uhokus-keväz'kus (13..16 mm kus). Voib olda lujid manrehkaidusid (10 ballhasai 12:späi).

Solzan-žilo (602 rist. vl 2012) i Osinovk-žilo (kaikenaigaižeta ristitištota vl 2012) mülüdas lidnankundha Baikal'skan ližaks. Lidnankundan pind — 819,25 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 13 583 ristitud, vl 2017 — 12 738 ristitud. Kaikiš suremb lidnan ristitišt oli 17 200 eläjad vl 1998.

Ortodoksižen hristanuskondan Eläban Eziauguižen Stroican jumalanpert' om olmas vspäi 1778.

Baikal'skan saraktehnologijoiden da holitusen tehnikum^[3] om lidnan professionaližen opendusen aluzkundaks.

Galerei

Museum of Baikalsk.jpg

Lidnan istoriž-čomamahtoine muzei (2011)
Baikalsk Church.jpg

Pühän Stroican jumalanpert', vn 2011 nägu
Клубника - один из символов Байкальска.jpg

Sadmanzikaižen festival' oleskeleb lidnas heinkun lopus
Mägisuks'bazan adivpertiden kompleks (2018)
Baykalsk station.jpg

Baikal'sk-päraudtestancijan sauvuz vl 2011

Homaičendad

Irdkosketused

Lidnan municipaližen ühtnikan oficialine sait (gorod-baikalsk.ru). (ven.)

	Irkutskan agjan lidnad
	Alaudinsk \| Alzamai \| Angarsk \| Baikal'sk \| Birüsinsk \| Bodaibo \| Bratsk \| Čerömhovo \| Irkutsk \| Kirensk \| Sajansk \| Sibirin Usol'je \| Slüdänk \| Svirsk \| Šelehov \| Zim \| Železnogorsk Ilimal \| Taišet \| Tulun \| Ust'-Ilimsk \| Ust'-Kut \| Vihorevk

[_7fdfab61769c2197-1] OKTMO 179/2016 — 2016.

[_15bd2465f028e4c3-2] ttps://rosstat.gov.ru/storage/mediabank/tab-5_VPN-2020.xlsx

[3] Baikal'skan tehnikuman oficialine sait (btotis.ru).

[1]

[2]

[3]