Sovetskii (Hantin da Mansin avtonomine ümbrik)

	Sovetskii
Флаг[d]	Герб
	61°22′00″ с. ш. 63°34′00″ в. д.GЯO
Valdkund	Venäma;
Istorii da geografii
Tegemižen päiv	1963
Pind	383,255;
Высота	112
Ekonomik
Eläjad
Eläjad	▲31 138 чел. (2021);
Lugud
Telefonan kod	34675
Počtan indeksad	628240–628242
-
	Официальный сайт
	lugeda • diskussii • redaktiruida

Sovetskii (Sovetskijan rajonan administrativine keskuz.

Istorii

Eländpunktan aluz om pandud vl 1962 kuti ižanduz varhapanemha Priobje»-raudtekeskustal. Vll 1984−1987 regionaližen lendimportan (OVS / СОЙ) lendahtamižsarg om saudud. Vn 1996 23. päiväl tal'vkud žilo sai lidnan statusad.

Sovetskii šingotase mecan varhapanendal da sen ümbriradmižel sauvondmaterialikš (komplektad sauvomha pertid, kleidüd puižed lehtesed da plitud), meblin tehmižel, mugažo raudbetonkonstrukcijoiden tegim radab.

Geografijan andmused

Lidn sijadase Obin hurapol'žes basseinas, 112 m keskmäižel korktusel valdmeren pindan päl. Matkad Hanti-Mansiiskhasai om 295 km päivnouzmha orhal vai 365 km avtotedme. Lähembaine lidn om Jugorsk 10 km päivlaskmha orhal, raudtel vai avtotedme.

Klimat om ven kontinentaline. Se voib vajehtuda teravas päivesen aigan, sügüzel i kevädel eriližešti. Lidnan tahond om Edahaižen Pohjoižen rajonha tazostadud. Tal'vkun-uhokun keskmäine lämuz om −13..−15 C°, kezakun-uhokun +18..+22 C°. Ekstremumad oma −48 C° i +38 C°.

Sovetskii om lidnankundan üks'jäine eländpunkt. Lidnankundan pind — 388,90 km².

Eläjad

Vn 2010 kaiken Venäman rahvahanlugemižen mödhe eläjiden lugu oli 26 495 ristitud, rajonan koume videndest. Kaikiš suremb lidnan ristitišt oli 29 624 eläjad vl 2019.

Rahvahad (enamba 1,3% vl 2010, ozutadud rahvahudenke): azerbaidžanlaižed — 1,6%, baškiralaižed — 1,3%, toižed rahvahad — 7,4%.

Ortodoksižen hristanuskondan koume jumalanpertid^[2] oma saudud lidnas: Sündun Voznesen'jan (om saudud vll 2014−2019), Mikulai-čudonsädajan (vll 1990−1997) i ph. Ksenija Piterilaižen (letihe vl 2015). Islaman «Nur»-pühäpert' (2015) oma olmas lidnas.

Sovetskijan politehnine kolledž^[3] om lidnan professionaližen opendusen aluzkundaks.

Edeline lidnan pämez' om Aleksandr Žukov (reduku 2016 — sügüz'ku 2020).

Galerei

Первые дома п. Советский, ХМАО.png

Ezmäižed pertid (istorine fotokuva)
Первая "брендовая" АЗС после Ханты-Мансийска. Советский. - panoramio.jpg

Benzintäutandstancii (2014)
Sovetskii-lendimportan sauvused vl 2012

Homaičendad

Irdkosketused

Sovetskii-lidnan administracijan oficialine sait (sovinet.ru). (ven.)

Sovetskii (Hantin da Mansin avtonomine ümbrik) Vikiaitas

	Hantin da Mansin avtonomižen ümbrikon lidnad
	Belojarskii \| Hanti-Mansiisk \| Jugorsk \| Kogalim \| Langepas \| Läntor \| Megion \| Neftejugansk \| Nižnevartovsk \| Nägan' \| Pit' Jah \| Pokači \| Radužnii \| Sovetskii \| Surgut \| Urai

[_f203ce0d1e1f626f-1] 1,0 ^1,1 https://web.archive.org/web/20220901194902/https://rosstat.gov.ru/storage/mediabank/tab-5_VPN-2020.xlsx

[2] Sovetskijan pühäpertid sobory.ru-saital. (ven.)

[3] Sovetskijan politehnižen kolledžan sait (sovprocollege.ru). (ven.)

[1]

[2]

[3]