Belojarskii (lidn)

Belojarskii
Belojarskii
	Герб
	63°43′00″ с. ш. 66°40′00″ в. д.GЯO
Valdkund	Venäma;
Istorii da geografii
Tegemižen päiv	1969
Высота	22
Aigvö	UTC+5:00[d]
Eläjad
Eläjad	▲19 994 чел. (2021);
Lugud
Telefonan kod	34670
Počtan indeksad	628160
	Mediafailad RUWIKI-tedoiš

Belojarskii (ven.: Белоя́рский, hant.: Нуви сӑңхум) om Venäman lidn da lidnankund Hantin da Mansin avtonomižen ümbrikon lodehes. Se om Belojarskijan rajonan administrativine keskuz.

Istorii

Eländpunktan aluz om pandud vl 1969 pedroiden paimendusen Huv Sanghum-tahondha («pit'k kall'» hantin kelel) sauvomha da holitamha londuseližen gazan veimen palad kompressorstancijanke sil. Vl 1988 žilo sai lidnan statusad.

Belojarskii šingotase kivivoin da gazan pompandal, sömtegimištol (leibän edheotand i maidtegim), sauvondmaterialiden pästandal (raudbeton, asfal't).

Geografijan andmused

Lidn sijadase Päivlaskmaižen Sibirin tazangištol, 22 m korktusel valdmeren pindan päl, Kazim-jogen (ven.: Казы́м) hural randal (Obin oiged ližajogi). Matkad Obinjogehesai om 60 km päivlaskmha Kazim-laivjogedme, Hanti-Mansiiskhasai om 325 km suvhe-suvipäivnouzmha orhal vai 566 km avtotedme. Lähembaine lidn om Nägan' 186 km suvhe-suvipäivlaskmha orhal vai 280 km avtol. Regionaline civiline lendimport (БЛР) om saudud lidnan suvipäivnouzmas, om reisid Näganihesai.

Klimat om kontinentaline. Voden keskmäine lämuz om −2,0 C°, heinkun +17 C°, kezakun i elokun +12..+13 C°, vilukun −22 C°, tal'vkun i uhokun −16..−17 C°. Paneb sadegid 547 mm vodes.

Belojarskii om lidnankundan üks'jäine eländpunkt.

Eläjad

Vn 2010 kaiken Venäman rahvahanlugemižen mödhe eläjiden lugu oli 20 283 ristitud, rajonan kaks' koumandest. Kaikiš suremb lidnan ristitišt oli 20 tuh. eläjid da sen enamba vll 2007−2017 (20 282 rist. vl 2016). Vl 2017 lidnan ristitišt oli 20 142 eläjad.

Ortodoksižen hristanuskondan kaks' pühäpertid oma avaitud lidnas: ph. Serafim Sarovalaižen^[2] (saudihe vll 2002−2003 voziden 1996−2001 palanuden puižen sijas) i Kaikiden pühämehiden (2017). Islaman pühäpert' om letud vn 2007 jäl'ghe.

Rahvahad (enamba 0,5 % vl 2010): venälaižed — 68,7 %, ukrainalaižed — 8,2 %, totarlaižed — 5,3 %, hantilaižed — 2,7 %, vaugedvenälaižed — 1,8 %, kumikad — 1,7 %, baškiralaižed — 1,6 %, kirgizlaižed — 1,2 %, armenijalaižed — 0,6 %, čuvašalaižed — 0,6 %, tabasaranalaižed — 0,5 %, toižed rahvahad — 4,8 %, rahvahuden ozutandata — 2,3 %.

Belojarskijan politehnine kolledž^[3] om lidnan professionaližen opendusen aluzkundaks.

Lidnankundan pämez' om sen Deputatoiden Nevondkundan ezimez'. Edeline lidnan pämez' om Vladimir Vasik (sügüz'ku 2013 — 2018). Lidnan Administracijan pämez' om Najil' Basirov (Наиль Басыров) vn 2011 uhokuspäi.

Galerei

Beloyarsky (63) 21.jpg

Belojarskijan rajonan administracijan sauvuz (2021)
Храм Серафима Саровского в Белоярском.jpg

Ph. Serafim Sarovalaižen jumalanpert', vn 2010 nägu
Beloyarsky (63) 24.jpg

«Rostelekom:an» Hantin da Mansin filialan palakundan sauvuz (2021)
Beloyarsky (63) 04.jpg

Üks' torguindkeskusišpäi (2021)
Beloyarsky (63) 23.jpg

Kul'turan da lebun «Kamerton»-keskuz (2021)
Belojarskii-aerovagzalan sauvuz, vn 2021 nägu

Homaičendad

Irdkosketused

Belojarskii-lidnan tobmuden sait (admbelgor.ru). (ven.)

	Hantin da Mansin avtonomižen ümbrikon lidnad
	Belojarskii \| Hanti-Mansiisk \| Jugorsk \| Kogalim \| Langepas \| Läntor \| Megion \| Neftejugansk \| Nižnevartovsk \| Nägan' \| Pit' Jah \| Pokači \| Radužnii \| Sovetskii \| Surgut \| Urai

[_15bd2465f028e4c3-1] ttps://rosstat.gov.ru/storage/mediabank/tab-5_VPN-2020.xlsx

[2] Belojarskijan pühäpertid sobory.ru-saital. (ven.)

[3] Belojarskijan politehnižen kolledžan sait (beltek-bpk.ru). (ven.)

[1]

[2]

[3]