Lososinka (jogi)
| Lososinka | |
|---|---|
| карельск. Lohijogi | |
 | |
| Üleižed tedod | |
| Piduz' | 25 km |
| Bassein | 302 km² |
| Vezijoksend | |
| Jogen augotiž | Lososinskoje |
| • Korktuz'[?] | 186[1] м |
| • Geografižed koordinatad | 61°40′54″ с. ш. 34°12′20″ в. д.GЯO |
| Jogensu[?] | Änine |
| • Olendtaho | Petroskoi |
| • Korktuz' | 35 м |
| • Geografižed koordinatad | 61°47′13″ с. ш. 34°23′52″ в. д.GЯO |
| Olendtaho | |
| Vezisistem | Änine → Süvär' → Ladogan järv → Neva → Baltian meri |
|
|
|
| Ma | |
| Valdkund | Karjala |
| Rajon | Änižröun, Petroskoin lidnan ümbrišt |
| Lugu Valdkundaližes geografižiden nimiden lugetišes | 0150521 |
|
|
|
|
|
|
 Mediafailad RUWIKI-tedoiš | |
.svg)
Lososinka (ven.: Лососи́нка, karj.: Lohijogi) — jogi Karjalas. Jogensun korktuz' — 35 m meren pindan al. Üläagjan korktuz' — 186 m meren pindan al. Vezikeradand basseinan pind — 302 km². Om oiged ližajogi — Mašozerka-jogi.
Valdkundaližen vezirejestran tedod
- Veziobjektan kod 01040100612102000013972
- Basseinümbrišt Baltian basseinümbrišt (1)
- Jogibassein Neva (mülütades Änižen da Ladogan järven basseinoiden joged (4)
- Jogialabassein Süvär' (mülütades Änižen basseinan joged) (1)
- Vezielomišton siaj Änižen bassein Šuja-, Suna-, Vodla-, Vitegra-jogita (6)
- Jogen piduz' 25 km
- Vezikeradandpind 302 km²
- Kod gidrologijan oppindan mödhe 102001397
Tedod
P'otr I aigan jogel oli nimi Lososinnica.
Üläagj — Lososinskoje-järv, jogensu — Änine. Jokseb Änižröunadme da Petroskoidme.
XIX voz'sadahasai jogen palad üläagjaspäi Mašezerka-jogen ühtenzoitusehesai nimitadihe Lososinskaja-jogeks, toižel palal nimi oli Lososinka.
29. elokud vodel 1703 Lososinkan jogensus P'otr I käskön mödhe oli augonpandud Änižen traktorzavod (Šuiskii) (vodelpäi 1704 — Änižen traktorzavod (Petrovskii), sen augonpanendaspäi zavodiše Karjalan pälidnan — Petroskoin istorii.
Lososinka-jogen randoil XVIII voz'sadal oli vasksulatezzavod, Barallan da Šannonijan fabrikad. Petroskoiš jogi oli sauptud erasil vedensauboil. Elokus vodel 1800 jogen sur' ližavezi, mitte ozaižihe äipäividen valegiden taguiči, murenzi Petrovskijan zavodan vedensauban da erasid sauvotusid i jäti lidnha suren lakson "Jamka"-nimel[3][4].
Vodel 1858 Lososinka-jogensus oli letud uz' 19-metraine majak vanhan sijas, mitte oli Petroskoin valdmoil. Majakan nimi oli Konstantinovskii, nimi oli anttud kn'az'an Konstantin Nikolajevičan muštoks, kudamb oli Petroskoiš vodel 1844. Majak seižui XX voz'sadan keskehesai[5].
XIX voz'sadal Lososinkan oiktal randal oli Drevl'anskii-puišt — lebusija lidnan eläjiden täht. Rindal oli vezimel'nic, mitte oli general-leitenantan Roman Adamovič Armstrongan omištuses, a vodelpäi 1875 se oli meščaninan Koritovan omištuses. Vodel 1886 Lososinkal kupc A. J. Pimenov tegi vedensauban mel'nican täht[6]. Vodel 1889 läz jogensud letihe mectegeližuden zavod i kupcan M. N. Pikinan mel'nic[7].
Lososinkan vet kävutadihe Aleksandrovskii-zavodan (vodelpäi 1918 — Onežskii) radoiden täht. Vodel 1902 läz mehaništ cehad oli pandud 150-vägen turbin, mitte radoi veden painandan abul Lososinkaspäi. Vozil 1950 zavodal oli tehtud bassein sätud buksiroiden kodvindan täht. Lososinkan jogensu, mitte joksi zavodal sijal, oli kaidud vodel 1961, konz zavodal zavottihe tehta traktoroid[8].
Redukus vodel 1910 Lososinkan jogensus Mark Pimenovan sildan-tahos zavodi rata ezmäine municipaline gidroelektrostancii, gidroladehiden vahvuz' oli 240 kilovatt veden energijaspäi, mitte lanksi letud kahesametran vedensaubalpäi[9]. Se oli sauvotud velgoiden abul, miččid andoi Venäman imperijan rahoitusen ministerstv (30 tuh. rub. 20 vodeks 5 %-alle) i Sijaližiden azjoiden ministerstv požarfondaspäi (20 tuh. rub. 20 vodeks 5 %-alle)[10].
7. kezakud vodel 1915 Imperatoran Venälaižen vezikaičendan sebran Oloncan ümbrišton ohjanduzkund avaiži Lososinka-jogel maksuližen rahvazkundaližen kül'bendrandan. Makstihe viž kopeikad aigvoččes i koume kopeikad lapses[11]. Vozil 1930 Karjalan profsojuzoiden nevondišton likundb'uro pidi läz Sovetskii-sildad kül'bendsijan eriži naižiden da mužikoiden täht, oli hüppindsildaine korktudel koume metrad, a mugažo venehstancijan[12]. Nügüd' Lososinkan jogitazangištos om üks' oficialižetomiš lidnan kül'bendsijoišpäi.
Jogen hural polel Petroskoin keskuses oma stadionad — "Junost'" i "Spartak".
Homaičendad
- ↑ Озеро Лососинное. kartravel.ru. Дата обращения: 16 keväz'kud 2026.
- ↑ Государственный водный реестр: река Лососинка. Государственный водный реестр. Дата обращения: 16 keväz'kud 2026.
- ↑ Река Лососинка и её значение в промышленности // Олонецкие губернские ведомости. 1891. 27 ноября. ogv.karelia.ru. Дата обращения: 16 keväz'kud 2026.
- ↑ А. С. Лантратова, Е. Е. Ициксон, Е. Ф. Марковская, Н. В. Куспак. Сады и парки в истории Петрозаводска. — Петрозаводск: ПетроПресс, 2003. — 160 с.
- ↑ Старый город: интересные факты о петрозаводских маяках. Дата обращения: 16 keväz'kud 2026.
- ↑ Олоненцкие губернские ведомости. 1886. 5 апреля. ogv.karelia.ru. Дата обращения: 16 keväz'kud 2026.
- ↑ Река Лососинка и её значение в промышленности. Продолжение // Олонецкие губернские ведомости. 1891. 30 ноября. ogv.karelia.ru. Дата обращения: 16 keväz'kud 2026.
- ↑ Под редакцией Тетерина Л. М. От Петровского до Онежского. За годом год.. — Петрозаводск, 2004.
- ↑ Как в Петрозаводске появилось электричество, «Официальный интернет-портал Республики Карелия». Дата обращения: 16 keväz'kud 2026.
- ↑ История Петрозаводска: власть и горожане. — Петрозаводск: КарНЦ РАН, 2008. — 375 с. ISBN 978-5-9274-0328-8
- ↑ // Олонецкие губернские ведомости. — 1915. — 9 kezakud.
- ↑ Необитаемый остров на реке Лососинке // Красная Карелия. — 1936. — 6 elokud.
Lähtked
Petroskoin joged da ojad | |
|---|---|
