Lososinskoje (järv)
| Järv | |
| Lososinskoje | |
|---|---|
| карельск. Lohijärvi | |
 Lososinskoje-järv | |
| Morfometrii | |
| Meren pindan päl | 183 m |
| Suruz' | 6,7 × 2,9 km |
| Pind | 8,1[1] km² |
| Mär | 0,0462 km³ |
| Randišt | 22,1 km |
| Kaikid suremb süvüz'; | 8,5[1] m |
| Kesksüvüz' | 5,7[1] m |
| Gidrologii | |
| Mieralizacijan tip | resk |
| Sel'ktuz' | 1,4[1] m |
| Vezikeradusen basseinan pind | |
| Basseinan pind | 101 km² |
| Järvehe lankteba | Ilaksa-jogi |
| Järvespäi jokseba | Lososinka-jogi |
| Vezisistem | Lososinka → Änine → Süvär' → Ladogan järv → Neva-jogi → Baltian meri |
| Sijaduz | |
| Identifikatorad | |
| Код в ГВР: 01040100611102000016356[2] | |
| Регистрационный номер в Государственный каталог географических названий: 0150524 | |
 Mediafailad RUWIKI-tedoiš | |
Lososinskoje (ven.: Лососи́нское)[3][4][5] ('Lososinnoje[1]; vanh. Lasasinskoje[6]; om järv (vedenkaičuzsija) Änižröunas Karjalas.
Üleižed tedod
Järv sijadase Karjalan suvipoles, 18 kilometras ehtbokan polhe Petroskoišpäi. Veden mülündmär om 0,0462 km³[1]. Vedenpind om 8,1 km²[7]. Vezikeradusen basseinan pind om 101 km²[1]. Järven korktuz' meren pindan päl om 183 m[1]. Järvel om 17 sar't, miččiden ühthine pind om läz 0,3 km²[1].
Istorii
Lososinskoje-järv om kaikid vanhemb Venäman vedenkaičuzsija. Vedenkaičuzsija om tehtud voz'sadan XVIII augotišes P'otran čugunvaladuzzavodan täht.
Vedentacind om Lososinka-jogehe. Päližajogi om Ilaksa-jogi, penembad ližaojad oma Perti-, Kül'mei-, Persi-, Gabojad. Randoil kazvab kavagpuiden mec. Järven randal sijadase Lososinnoje-külä.
Gidrosisteman udištusen aigan ei üht kerdad libui veden korktuz'; ühthine korktuz' om läz 3,5 m, а veziuiton pind kazvoi kahthe kerdha. Nügüd'läižel aigal Lososinskoje om ičenaine järv-vedenkaičuzsija vajehtamatomanke gidrologižen aigmäričesenke[8].
Gidrografii
Järv vedase pohjoižespäi suvipol'he da sidä voib jagada kahteks palaks:
- pohjoine — leved da süvä;
- suvi — kaid, mitte tegihe upotadud Ilaksa-jogen tazangištol.
Päližajogi om Ilaksa-jogi, mitte lankteb veziuiton suvipolhe. Völ järvehe lankteba pened ojad Perti, Kül'mei, Persi, Gaboja da toižed. Vedentacind om Lososinka-jogi, mitte otan augon järven pohjoižpolespäi da jokseb Änižehe.
Järven keskmäine süvüz' om läz 5,7 m, maksimaline — läz 8,5 m. Süvüz' peneneb pohjoižespäi suvipolhe. Veden korktuz' vajehtase voz'aigan tagut: tal'veližen da keväz'ližen maksimuiden elo om läz 2,4 m.
Järven vezi om vähämineraline, sen sel'ktuz' om 1-1,8 m pakuine-muzavan mujunke. Kezal vedenpindan temperatur om 20-23 °C[6].
Geografii da randad
Järven radad om kattud kavagpuiden mecal. Pohjoižes poles enamba oma letkesižed da kivisižed korktad randad, a suvipoles oma madalad, paksus sokahad randad. Vastasoiš kal'l'oikahad randad da sured vezisokahiden kazvmusiden tahod.
Sariden pala ühtenzoitase randanke kazvahtudud vezikazvmusil, miččed kazvahtuiba toine toižhe juril da lehtesil da tehtas kazvmuden pövun veden päl. Järves om kuverz'-se avoin lahtid.
Randal sijadase Lososinnoje-külä[8].
Gidrobiologii
Lososinskoje-järves om bohat bioäjuz'. Veziuitos om enamba 18 ülämbaižid vezikazvmusiden rodud, sen lugus levenzoitase hvoščid, osoka, rdestad, ežegolovnik da koumelehtesine vahta.
Järvenpohjas eläb enamba 100 živatoiden rodud, sen enambišt om hironomidad da moll'uskad. Zooplanktonan joukus oma kladocerad, ciklopad, diaptomusad da kolovratkad.
Kezal nägub aktivine fitoplanktonan kehitoituz, erasti sen täht zavodib "anikoita" vezi.
Järves eläba mugomad kalarodud: haug', särg, madeh, jelec, lahn, ahven da jorš.
Londuzkaičendan status
Pohjoižen järven randal om sätud erilaine londuzkaičendsija "Lososinnoje-järven randišt", miččel om regionaline londuzkaičendtahon kategorii[9].
Galerei
Järven pohjoine rand — londuzkaičendtaho
Vedensaub, mitte reguliruib veden laskendan järvespäi Lososinka-jogehe
Lososinka-jogen augoriž, Černii Omut-lamb
Lososinnoje-külän nemenkesk
Perti-ojan su
Järven nem’ da sared (Gaigač, Keskmäine, Sur’)
.jpg)
.jpg)
Homaičendad
- ↑ 1 2 3 4 5 6 7 8 9 Озера Карелии : Справочник / под ред. Н. Н. Филатова, В. И. Кухарева. — Petroskoi: КарНЦ РАН, 2013. — С. 232—233. — 500 экз. — ISBN 987-5-9274-0450-6.
- ↑ Ресурсы поверхностных вод СССР: Гидрологическая изученность. Т. 2. Карелия и Северо-Запад / под ред. Е. Н. Таракановой. — Л.: Гидрометеоиздат, 1965. — 700 с.
- ↑ Лососинское (№ 0150524) / Реестр наименований географических объектов на территорию Республики Карелия по состоянию на 16.12.2021 // Государственный каталог географических названий / rosreestr.ru.
- ↑ Лист карты P-36-81,82 Петрозаводск. Масштаб: 1 : 100 000. Состояние местности на 1989 год. Издание 1992 г.
- ↑ Лист карты P-36-XXIII,XXIV Петрозаводск. Масштаб: 1 : 200 000. Указать дату выпуска/состояния местности.
- ↑ 1 2 № 1635. Озеро Лососинское (Лососинное, Ласасинское) // Гидрологическая изученность. Том 2. Карелия и Северо-Запад / под ред. Е. Н. Таракановой. — Л.: Гидрометеоиздат, 1965. — 700 с. — (Ресурсы поверхностных вод СССР).
- ↑ Озеро Лососинское (Лососинное, Ласасинское) : [рус.] / verum.wiki // Государственный водный реестр : [арх. 15 октября 2013] / Министерство природных ресурсов и экологии Российской Федерации. — 2009. — 29 марта.
- ↑ 1 2 Лососинское озеро в Карелии - Привет, Карелия!, Привет, Карелия!. Дата обращения: 1 semendkud 2026.
- ↑ Побережье озера Лососинного. — Информация об ООПТ на сайте информационно-аналитической системы «Особо охраняемые природные территории России» (ИАС «ООПТ РФ»): oopt.aari.ru.
Literatur
- Озёра Карелии / Александров Б. М., Зыцарь Н. А., Новиков П. И. и др. — Петрозаводск: Госиздат Карельской АССР, 1959. — 618 с.
- Герд С. В. Озёра Карелии и их рыбные богатства / А. Иванова. — Петрозаводск: Госиздат Карело-Финской ССР, 1944. — 88 с.