Lesozavodsk

Lesozavodsk
Lesozavodsk
	Герб
	45°28′00″ с. ш. 133°24′00″ в. д.GЯO
Valdkund	Venäma;
Istorii da geografii
Tegemižen päiv	1932
Pind	71;
Высота	80
Aigvö	VLAT[d] da UTC+10:00[d]
Eläjad
Eläjad	▲35 433 чел. (2021);
Lugud
Telefonan kod	42355
Počtan indeksad	692030–692042
	Mediafailad RUWIKI-tedoiš

Lesozavodsk (ven.: Лесозаво́дск) om Venäman lidn Merenrandaližen randan päivlaskmas. Se om Lesozavodskan lidnümbrikon administrativine keskuz.

Istorii

Vspäi 1894 ristitud tuliba elämhä sihe Venälaižen imperijan Kijevan, Černigovan i Poltavan gubernijoišpäi, paniba stanicoiden alusid. Šingotihe mecan ümbriradmišt, «Ussurin mecanümbriradai kombinat» oli olmas nevondkundaližen aigan. Lesozavodsk-eländpunkt om sätud vl 1932 radnikžiloks nügüdläiženke nimenke Dal'les-žilon, Ussuri-stancijan (nüg. Lesozavodsk-1, om olmas jogen hural randal) da küliden ühtištusel. Žilo sai lidnan statusad vl 1938. Vozil 1963−1992 lidn alištui randan tobmudele oikti.

Lesozavodsk šingotase raudtestancijal, mebel'fabrikal, omblendfabrikal, sömtegimišton edheotandoil.

Geografijan andmused

Lidn sijadase Ussuri-jogen muugotil randoil, 80 m keskmäižel korktusel valdmeren pindan päl. Matkad Vladivostokhasai om 269 km suvipäivlaskmha orhal vai 350 km «Ussuri»-avtotedme. Kitain valdkundröun om 10 km lodeheze. Lähembaižed lidnad oma Dal'nerečensk 57 km pohjoižpäivnouzmha orhal vai 72 km «Ussuri»-avtotedme, i kitajine Hulin'-lidn 63 km lodeheze avtotedme.

Kaik 19 küläd da kaks' raudtestancijad mülüdas lidnümbrikho Lesozavodskan ližaks. Lidnümbrikon pind — 3 063,8 km², se röunatab Kitainke.

Eläjad

Vn 2010 Venäman rahvahanlugemižen mödhe lidnan eläjiden lugu oli 37 034 ristitud, lidnümbrikon ristitišton nell' videndest. Kaikiš suremb ristitišt oli 45..46 tuhad eläjid vozil 1992−2001 (46 800 rist. vl 1996).

Ortodoksižen hristanuskondan Pühän Jumalanmaman Katken jumalanpert'^[3] om saudud lidnas vll 1998-2002, mugažo ph. Mikulai-čudonsädajan jumalanpert' om letud Ružino-stancijal vodele 2002.

Lidnan professionaližen opendusen aluzkundad oma Lesozavodskan industrialine kolledž^[4] i Vladivostokan bazižen medicinižen kolledžan filial^[5]. Mererandaline mectehnologijoiden, ekonomikan i transportan kolledž (ende tehnikum) kändihe industrialižen kolledžan palaks vspäi 2020.

Transport

Ružino-raudtestancii om Transsiban pala, sijadase Habarovsk — Ussuriisk jonol, seižub jogen oiktal randal vspäi 1936. Stancii om kaikiš surembaks radonandajaks: vagondepo, vedimiden depo, raudten elektrovaratoitandan distancii sijadasoiš lidnas.

Avtobusad da taksid oma kundaližeks transportaks lidnas. Kümnekilometrine sarak «Ussuri»-avtotelpäi (A-370) tuleb lidnha päivnouzmpolespäi. Raudtesild i R449-ten avtotesild ristikoitas Ussuri-joged neciš lidnas.

Galerei

На мосту через Уссури Лесозаводск фото 2012 года.JPG

Avtotesild Ussuriš päliči vl 2012
Ružino-päraudtestancijan sauvuz vl 2005

Homaičendad

Irdkosketused

Lesozavodskan lidnümbrikon tobmuden aluzkundoiden oficialine sait (mo-lgo.ru). (ven.)

	Merenrandaližen randan lidnad
	Arsen'jev \| Artöm \| Dal'negorsk \| Dal'nerečensk \| Fokino \| Lesozavodsk \| Nahotk \| Partizansk \| Spassk Dal'nii \| Sur' Kivi \| Ussuriisk \| Vladivostok

[_680c7f2894f8399a-1] ttp://www.gks.ru/free_doc/2016/oktmo/tom8_oktmo.rar

[_15bd2465f028e4c3-2] ttps://rosstat.gov.ru/storage/mediabank/tab-5_VPN-2020.xlsx

[3] Lesozavodskan pühäpertin sait (hram-lesozavodsk.cerkov.ru). (ven.)

[4] Lesozavodskan industrialižen kolledžan sait (les-collegelik.ru). (ven.)

[5] Lesozavodskan filialan lehtpoled Vladivostokan bazižen medicinižen kolledžan vbmk1.ru-saital. (ven.)

[1]

[2]

[3]

[4]

[5]