Spassk Dal'nii

	Spassk Dal'nii
	Герб
	44°36′00″ с. ш. 132°49′00″ в. д.GЯO
Valdkund	Venäma;
Istorii da geografii
Tegemižen päiv	1886
Pind	49;
Высота	100
Ekonomik
Eläjad
Eläjad	▼35 096 чел. (2023);
Lugud
Telefonan kod	42352
Počtan indeksad	692245
-
	Официальный сайт(ven.)
	lugeda • diskussii • redaktiruida

Spassk Dal'nii (Merenrandaližen randan päivlaskmas, lidn randan alištusenke. Om Spasskan rajonan administrativižeks keskuseks, ei mülü rajonha.

Istorii

Vl 1906 saudihe Jevgen'jevk-raudtestancijad «Vladivostok — Habarovsk»-jonol i radnikžilod stancijanno. Sen ližaks, panihe Spasskai-slabadan alust läheli. Vl 1917 ühtištuihe niid, nimitihe Spassk-Primorskii-lidnaks. Vl 1929 udesnimitihe nügüdläižikš. Spasskoje-külä (vspäi 1886, 5778 rist. vl 2010) sijadase lidnan lodehližen röunan taga, no sen da lidnan infrastruktur om ühthine.

Spassk Dal'nijan ižandusen päsarakod oma sömtegimišt i sauvondmaterialiden tehmine (cement).

Geografijan andmused

Lidn sijadase Hankajärven alangištos, peniden Kulešovkan i Spasovkan jogidenkeskeižes. Spassk Dal'nii seižub 100 m keskmäižel korktusel valdmeren pindan päl, Kulešovk-jogen (edel 1972. vot Santahez) oiktal randal tobjimalaz, se lankteb Spasovk-jogehe (edel 1972. vot alajoksmuz nimitihe Santahez:aks, Hankajärven da Ussuri-jogen bassein) huralpäi ani lidnan röunan taga. Matkad Hankajärvhesai om 20 km lodeheze, Vladivostokhasai om 178 km suvipäivlaskmha orhal vai 225 km «Ussuri»-avtotedme. Pöudod oma lodeheze lidnaspäi kazvatamha risad.

Klimat om ven mussonine. Voden keskmäine lämuz om +3,8 C°, kezakun-elokun +18..+21 C°, tal'vkun-uhokun −14..−18 C°. Ekstremumad oma −42 C° i +37 C°. Paneb sadegid 659 mm vodes, enamba kezakus-sügüz'kus (75..131 mm kus), vähemba tal'vkus-uhokus (17..21 mm kus).

Spassk Dal'nii om lidnümbrikon üks'jäine eländpunkt.

Eläjad

Vn 2010 Venäman rahvahanlugemižen mödhe eläjiden lugu oli 44 173 ristitud. Kaikiš suremb ristitišt oli 61 400 eläjad vl 1992.

Ortodoksižen hristanuskondan nell' pühäpertid^[3] om lidnas i rajonan Spasskoje-žilos: Sündun Voznesenjan, Mikulai-čudonsädajan i Spasan Toižetamižen jumalanpertid, Sündun Eläbzdusen Pühäpertin Udištandan časoun'.

Professionaližen opendusen aluzkundad: Spasskan industrialiž-ekonomine kolledž^[4], politehnine kolledž^[5], pedagogine kolledž^[6] (jäl'gmäine sijadase rajonan Spasskoje-žilos ani lidnan röunan taga).

Edeline lidnan pämez' om Väčeslav Kvon (eloku 2016 — uhoku 2020).

Transport

Avtobusad oma kundaližeks transportaks lidnas. Transsiban Spassk Dal'nii-raudtestancii sijadase lidnan pohjoižpalas, ezilidnelektrojonused ajadas Vladivostokan ümbrišthosai.

«Ussuri»-avtote (A-370) ümbärdab lidnad suvipäivnouzmaižeks röunaks. Avtote mäneb Hankajärvhesai, lebubazoidenke teverenno.

Galerei

Torguindkeskused Sovetskai-irdal (2011)
«Avrora»-kinoteatr (2011)
Парадная ОАО "Спасскцемент" - panoramio.jpg

Cementtegim vl 2014
Lotos-adivpert' (2011)
Spassk Dal'nii-päraudtestancijan sauvuz vl 2020

Homaičendad

Irdkosketused

Lidnan tobmuden aluzkundoiden oficialine sait (spasskd.ru). (ven.)

Spassk Dal'nii Vikiaitas

	Merenrandaližen randan lidnad
	Arsen'jev \| Artöm \| Dal'negorsk \| Dal'nerečensk \| Fokino \| Lesozavodsk \| Nahotk \| Partizansk \| Spassk Dal'nii \| Sur' Kivi \| Ussuriisk \| Vladivostok

[_680c7f2894f8399a-1] 1,0 ^1,1 http://www.gks.ru/free_doc/2016/oktmo/tom8_oktmo.rar

[_56c80113ea7652cb-2] 2,0 ^2,1 https://primstat.gks.ru/storage/mediabank/Численность%20ГО,%20МО%20и%20МР%20на%20начало%20года.xlsx

[3] Spassk Dal'nijan pühäpertid sobory.ru-saital. (ven.)

[4] Spasskan industrialiž-ekonomižen kolledžan sait (siek25.ru). (ven.)

[5] Spasskan politehnižen kolledžan sait (spasskprof.ru). (ven.)

[6] Spasskan pedagogižen kolledžan sait (spk3.ru). (ven.)

[1]

[2]

[3]

[4]

[5]

[6]