Artöm (lidn)

Artöm
Флаг[d] Герб
43°21′00″ с. ш. 132°11′00″ в. д.
Valdkund	Venäma
Istorii da geografii
Tegemižen päiv	1924
Pind	506
Высота	23
Aigvö	UTC+10:00[d]
Eläjad
Eläjad	▲109 556 чел. (2021)
Lugud
Telefonan kod	42337
Počtan indeksad	692700–692799
Официальный сайт
Mediafailad RUWIKI-tedoiš

Artöm (ven.: Артём) om Venäman lidn Merenrandaližen randan suves, Vladivostokan pohjoižpäivnouzmaine ezilidn.

Istorii

Eländpunktan aluz om pandud vl 1924 radnikžiloks samha burad hil't läz Zibunnii-kaivut. Nimitihe radnikžilod Födor Sergejev-revolücioneran psevdonimal (1883−1921), «Artöm-sebranik». Vl 1938 (26. reduku) žilo sai lidnan statusad.

Geografijan andmused

Reljef om erazvuitte, om järvid, jogid da kukhid lidnas. Artöm sijadase Murav'jov-Amurskijan pol'saren jurel, mägidenkeskeižes katl'uses, 40 m valdmeren pindan päl keskmäižel korktusel, mülütab Japonijan meren Amurskijan i Ussurijskan lahtiden randoid.

Viž žilod mülüdas lidnümbrikho Artöm-lidnan ližaks: Kneviči (4845 rist. vl 2010), Krolevci, Olenii, Suraževk (ven.: Суражевка), Jasnoje.

Eläjad

Vn 2010 Venäman rahvahanlugemižen mödhe eläjiden lugu oli 102 603 ristitud. Vspäi 2005 lidnümbrik om sätud, enččed Artomovskii-, Zavodskoi- da Uglovoje-radnikžilod nügüd' mülüdas lidnan territorijha, i lidnan ristitišt ližadui enamba pol'tošt kerdad. Kaikiš suremb lidnan ristitišt oli 106 732 eläjad vl 2017, lidnümbrikon — 116 284 eläjad sil-žo vodel, mugažo 117 974 ristitud elihe nügüdläižen lidnümbrikon territorijal vl 1979.

Edeline lidnümbrikon pämez' om Aleksandr Avdejev (sügüz'ku 2016 — uhoku 2020).

Ižanduz da transport

Sadas burad hil't lidnümbrikos. Varažomiden zon, mägisuksiden «Sinine kukkaz»-lebutaho (ven.: Синяя сопка) da «Mererand»-azartvändzon (ven.: Приморье) oma läz lidnad.

Vn 2016 sügüz'kuspäi avtoümbärte om olmas Artömas. Avtobusad da raudted oma kundaližeks transportaks lidnas da sen ümbrištos. Rahvahidenkeskeine soda- da civiline Vladivostok (Kneviči)-lendimport (VVO / ВВО) sijadase 3 km pohjoižhe lidnaspäi. Sišpäi tehtas reisid Kitaihe, Pohjoižkorejha da Suvikorejha, čarterreisid Uzbekistanha, mugažo Venämadme. Sodalendimbaz sijadase 9 km suvipäivlaskmha lendimportaspäi.

Galerei

• 

  Artöman LEK vl 2008

• 

  «Venecija»-adivpert' (2001)

• 

  Hilensajiden kul'turkeskuz (2013)

• Light trails from a MiG-31 taking off at Uglovaya airbase.jpg

  Uglovai-sodail'mbaz vl 2015

• Bus station in Artem 10.jpg

  Avtobusstancii vl 2018

• Международный аэропорт г. Владивосток.jpg

  Rahvahidenkeskeižen Vladivostok-lendimportan terminal vl 2014

• 

  Kneviči-päraudtestancijan sauvuz Vladivostok-lendimportas vl 2017

Irdkosketused

• Lidnümbrikon tobmuden aluzkundoiden oficialine sait (artemorkug.ru). (ven.)