Jalta

Jalta
Ялта (ven., ukr., krim.-tat.)

Lidnan znam	Flag
Valdkund	[[Venäma]]
Eläjiden lugu (2021)	74,652 ristitud
Pind	18,2 km²
Telefonkod	+7−3654
Aigvö	UTC+3

Jalta (ven. i ukr.: Ялта; krim.-tat.: Ялта / Yalta) om lidn-kurort Kriman suvel Venämal. Se om Jaltan lidnan administrativine keskuz.

Istorii

Eländtaho mainitase vspäi 1154, i 15. voz'sadahasai sen nimitused oliba Džalit, Jalit, Kaulit. Jalit oli muretud manrehkaidusel 15. voz'sadan kahtendes poles, udessündutihe 70 vodes päliči. Sai lidnan statusad vl 1838. Toižen mail'man voinan aigan oli okkupiruidud nacistoil (7. kül'mku 1941 — 16. sulaku 1944). Vn 1945 4.-11. päivil uhokud lidn vastsi Jaltan konferencijad, se pani sodanjäl'ghišt mail'man jagod.

Jalta om tutabkurortal, meriportal i sömtegimištol (vin, kalanümbriradmine).

Geografii

Lidn sijadase 54 m ü.m.t. keskmäižel korktusel. Lidnümbrik vedase 70 km pidust' Mustmeren randad.

Kaik 32 eländpunktad mülüdas lidnümbrikho: 2 lidnad (toine om Alupk), 21 lidnanvuittušt žilod (järedad oma Gaspr, Gurzuf, Koreiz, Massandr) i 9 žilod.

Eläjad

Vl 2014 Jaltan eläjiden lugu oli 76 746 ristitud, lidnümbrikon — 141 365 ristitud 282,9 km² pindal. Kaikiš suremb lidnan ristitišt oli 89 tuhad eläjid vl 1987, lidnümbrikon territorijan — 163 230 eläjad vl 1989. Turistižel sezonal (keväz'ku-sügüz'ku) lidnan ristitišt ližadub 500 tuhazesai tulnuzidenke turistoideke.

Rahvahad (lidnan eläjad, 2001): venänikad — 67%, ukrainalaižed — 27%, vaugedvenälaižed — 2%, krimantatarlaižed — 1%, toižed rahvahad — 3%.

Transport

Avtobusad, trolleibusad i funikulörad oma kundaližeks transportaks lidnas. Torguindmeriport radab. Lähembaižed raudtestancii i lendimport sijadasoiš Simferopoliš 90 km pohjoižhe avtotedme (trolleibusjono) i Sevastopoliš 85 km päivlaskmha avtotedme.

Homaičendad

Irdkosketused

• Lidnan da sen ümbrikon oficialine sait (yalta.rk.gov.ru). (ven.)