Ščolkino

Ščolkino
Щёлкино (ven.)
Щолкіне (ukr.)
Şçolkino (krim.-tat.)

Flag
Valdkund	Ukrain - de jure]]
Eläjiden lugu (2021)	10 131 ristitud
Pind	34,2 km²
Ščolkino Щёлкино (ven.) Щолкіне (ukr.) Şçolkino (krim.-tat.)
Telefonkod	+7−36 567
Aigvö	UTC+3

Ščolkino (krim.-tat.: Щёлкино / Şçolkino) om lidn Leninan rajonan lidn.

Istorii

Lidn om pandud vn 1978 redukus Kriman atomelektrostancijan sauvojiden žiloks. Nimitihe sidä nevondkundaližen Kirill Ščelkin-atomfizikantedomehen (1911−1968) muštho vn 1982 16. päiväl sulakud. Vl 1981 AES:an sauvomine oli zavottüd läz žilod, vl 1987 azotihe sauvondad tahondan geologižen stabilitomuden tagut. Vn 1992 18. päiväl tal'vkud lidnanvuitte žilo sai lidnan statusad. Vn 2016 uhokuspäi atomstancijan jändusiden panend mantazole tegese.

Ščelkino šingotase merikurortaks, sörfingan tahoks. Ei ole tegimištod lidnas, planiruitas industriališt parkad enččen AES:an territorijal. Jogavozne «Respublika KaZantip»-danspopmuzikfestival' oigendase Ščelkinos.

Geografii

Lidn sijadase Azovmeren randal, 20 m ü.m.t. keskmäižel korktusel, om ümbärtud meren lahtil koumes polespäi. Kazantip-nem' om pohjoižhe, solakaz Aktaš-järv levigandeb suvhe lidnaspäi. Matkad Feodosii 55 km suvipäivlaskmha orhal vai 65 km avtotedme i Kerč 50 km päivnouzmha orhal vai 80 km avtotedme.

Ščolkino om lidnankundan üks'jäine eländpunkt.

Eläjad

Vl 2012 Ščelkinon eläjiden lugu oli 11 194 ristitud, vl 2014 — 10 620 ristitud. Kaikiš suremb ristitišt oli 14 659 eläjad vl 1989.

Rahvahad (enamba 0,4% vl 2014): venänikad — 72,3%, ukrainalaižed — 21,2%, totarlaižed — 0,8%, vaugedvenälaižed — 0,8%, toižed rahvahad — 2,0%, rahvahuden ozutandata — 2,9%.

Irdkosketused

• Lidnankundan sijaližen ičeohjastusen aluzkundoiden oficialine sait (горсовет.щелкино-рк.рф). (ven.)