Arm'ansk

Arm'ansk
Istorii da geografii
Ekonomik
Eläjad
Lugud
-

Arm'ansk (krim.-tat.: Эрмени Базар / Ermeni Bazar) om lidn Venämal. Se om Arm'anskan lidnan administrativine keskuz.

Istorii

Eländtahon augotiž om pandud vl 1736 pagenuzil Ottomanan imperijaspäi grekalaižil i armenijalaižil. Oli olmas Armänskii Bazar-nimitusenke, vl 1921 udesnimitihe venäks nügüdläižikš. Sai lidnan statusad vl 1993.

Arm'ansk om tutab himižel tegimel, se pästab nenid substancijoid: titanan hapanduz, rikmuiktuz, mineraližed heretused, rusked raudpigment, nozol natriistökol.

Geografii

Lidn sijadase Perekopan kaglhal, Krim-regionan röunanno, 5 m ü.m.t. keskmäižel korktusel. Pohjoižkriman kanalan ojandeh läbitab lidnan keskust. Matkad Simferopolihesai om 133 km suvhe orhal, 143 km avtotedme vai raudtel. Lähembaine lidn om Krasnoperekopsk 20 km suvhe-suvipäivnouzmha orhal da kaikil teil.

Koume žilod mülüdas lidnümbrikho Armänskan ližaks. Lidnümbrikon pind — 162,4 km², se röunatab Krasnoperekopskan rajonanke suves i päivnouzmas.

Eläjad

Vl 2014 lidnan eläjiden lugu oli 21 987 ristitud, lidnümbrikon — 24 415 ristitud. Kaikiš suremb lidnan ristitišt oli 24 833 eläjad vl 1989. Vodel 2021 eläjiden lugu om 20 692 ristitud.

Rahvahad (lidnan eläjad, enamba 0,4% vl 2014): azerbaidžanlaižed — 0,5%, korejalaižed — 0,4%, toižed rahvahad — 2,0%, rahvahuden ozutandata — 8,8%.

Irdkosketused

• Armänskan lidnümbrikon oficialine sait (armgov.ru). (ven.)
• Lidnümbrikon lehtpoled Kriman oficialižel portalal (armyansk.rk.gov.ru). (ven.)