Feodosia

Feodosia
Феодосия (ven.)
Кефе / Kefe (krim.-tat.)

Lidnan znam	Flag
Valdkund	[[Venäma]]
Eläjiden lugu (2021)	66,293 ristitud
Pind	33,3 km²
Telefonkod	+7−36 562
Aigvö	UTC+3

Genujan lid Feodosijas i Ioann Endustajan pühäpert'

Feodosia (ven.: Феодосия, krim.-tat.: Кефе / Kefe) om lidn, meriport da kurort Kriman päivnouzman poles Venämal. Se om pol'saren kudenz' lidn eläjiden lugumäran mödhe, Feodosijan lidnan administrativine keskuz.

Istorii

Eländpunktan aluz om pandud Miletan grekalaižil 6. voz'sadal EME. Nimituz libub grekan kelen Θεοδοσία-sanaspäi «Jumalal anttud». Vll 355 e.m.e. — 5. voz'sada m.e. mülüi Bosporan car'kundha. Lidn oli alištunu Genujan administracijale 14.-15. voz'sadoil, sen nimi oli Kaff (Kaffa). Vspäi 1804 eziauguine amuine nimituz om pördutadud oficialižikš.

Feodosii šingotase meriportal (sidä kesken kalanpüdajiden), istorižel turizmal i lebutahoks, sömtegimištol (vin, südäiveded, tabak), mašinansauvomižel (mehanine, optine i laivanmehanine tegimed), mugažo sauvondmaterialiden kombinat, čulkfabrik i meblin edheotand ratas lidnas.

Geografijan andmused

Lidn sijadase Mustmeren Feodosijan lahten randal, Kriman pol'saren longibokaližel (suvipäivnouzmaižel) randištol, 10 m ü.m.t. keskmäižel korktusel. Kriman mäged röunatadas lidnad päivlaskmaspäi, Tepe-Ob-mägi om niiden lopuks 302 metrad kortte. Matkad Simferopolihesai om 100 km päivlaskmha orhal vai 114 km avtotedme.

Eläjad

Vl 2012 eläjiden lugu oli 69 786 ristitud, vl 2014 — 69 038 ristitud. Kaikiš suremb ristitišt oli 86 400 eläjad vl 1992.

Rahvahad (lidnan eläjad, enamba 0,4 % vl 2014): venänikad — 79,4 %, ukrainalaižed — 11,4 %, krimantatarlaižed — 1,0 %, vaugedvenälaižed — 1,0 %, totarlaižed — 0,8 %, armenijalaižed — 0,7 %, toižed rahvahad — 2,0 %, rahvahuden ozutandata — 3,7 %.

Galerei

• 

  Lidnümbrikon znam Venäman pordol

• Feodosia city flag.gif

  Lidnümbrikon flag Venäman pordol

• 

  Jumalanmaman Kazanin jumalaižen kafedraline päjumalanpert', vn 2012 nägu (om saudud vll 1907−1911)

• Вид на Феодосійський порт з Тепе-Оба.JPG

  Feodosijan meriport vl 2011

• Feolenin2016.jpg

  Feodosii-päraudtestancijan sauvuz vl 2016

Lidnan ühthine nägu Feodosijan lahtenke Tepe-Ob-mägelpäi vn 2008 sügüz'kus

Homaičendad

Irdkosketused

• Lidnan oficialine sait (feo.rk.gov.ru). (ven.)