Krasnoperekopsk

Krasnoperekopsk
Красноперекопск (ven.)
Красноперекопск / Krasnoperekopsk (krim.-tat.)

Lidnan znam	Flag
Valdkund	[[Venäma]]
Eläjiden lugu (2021)	25,569 ristitud
Pind	22,4198 km²
Aigvö	UTC+3

Krasnoperekopsk (ven.: Красноперекопск, krim.-tat.: Красноперекопск / Krasnoperekopsk) om lidn Kriman pohjoižes Venämal. Se om Krasnoperekopskan rajonan administrativine keskuz.

Istorii

Krasnoperekopsk oli pandud vodel 1932 sauvomha bromtegint sijaližel torhudel. Nimitadas nügüdläižikš vodelpäi 1938. Radnikkülä sai lidnan statusad vl 1966. Vn 2016 semendkus Ukrainan parlament udesnimiti lidnad, sen uz' nimituz linneb Jani Kapu tobmuden pördumižen jäl'ghe Ukrainale.

Krasnoperekopsk om tutab himižel tegimištol (bromtegim i kal'ciniruidud sodan tegim), sauvondmaterialiden pästandal (plastiktorved) i mašinansauvomižel (vilugoitimed, sidä kesken oludtegimiden täht).

Geografii

Lidn sijadase Perekopan kaglhan suves, «Džankoi — Herson»-raudtekeskustal, 5 m ü.m.t. keskmäižel korktusel. Pohjoižkriman kanal om lidnan päivnouzmaižeks röunaks. Matkad Simferopolihesai om 114 km suvhe orhal vai 124 km avtotedme, 155 km raudtedme. Lähembaine lidn om Arm'ansk 20 km pohjoižhe-lodeheze.

Krasnoperekopsk om lidnümbrikon üksjäine eländpunkt.

Eläjad

Vl 2013 lidnan eläjiden lugu oli 29 564 ristitud, se poleni vl 2014 (26 268 ristitud) ukrainalaižiden palan sirdandan tagut Ukrainan toižihe agjoihe. Kaikiš suremb ristitišt oli läz 30 tuhad eläjid vll 1989−2013 (31 143 rist. vl 1989).

Rahvahad (enamba 0,4% vl 2014): venänikad — 57,3%, ukrainalaižed — 28,9%, totarlaižed — 2,5%, krimantatarlaižed — 1,8%, korejalaižed — 1,5%, vaugedvenälaižed — 0,9%, toižed rahvahad — 1,8%, rahvahuden ozutandata — 5,3%.

Homaičendad

Irdkosketused

• Lidnan oficialine sait (krp.rk.gov.ru) (ven.) da sen vanh versii (krp-rk.ru) (ven.).