Čekunkov Aleksei Olegovič

Рувики-späi
В Рувики есть статьи о других людях с фамилией Čekunkov.
Aleksei Olegovič Čekunkov
А.Чекунков.png
Флаг
Venäman Edahaižen Pohjoižen da Arktikan kehitoitusen ministr
Флаг
 10. kül'mkud vodel 2020
(a. p. 7—13. semendkud 2024)
Valdmehišton pämez' Mihail Mišustin
Ken oli ende Aleksandr Kozlov
Sündundpäiv 3. redukud 1980(1980-10-03) (45 лет)
Openduz
Rad valdmez'
Pauklahjad Знак отличия «За заслуги в развитии Дальнего Востока»
Логотип РУВИКИ.Медиа Mediafailad RUWIKI-tedoiš

Aleksei OLegovič Čekunkov (ven.: Алексе́й Оле́гович Чекунко́в, om sündunu 3. redukud 1980, Minsk) — venälaine valdmez'. Venäman Edahaižen Pohjoižen da Arktikan kehitoitusen minist voden 2020 kül'mkun 10. päiväspäi, udes vahvištoitud 14. semendkud vodel 2024[1].

25. süguz'kuspäi vodel 2014 vodehesai 2020 — Venäman Edahaižen Pohjoižen da Arktikan kehitoitusen fondan pämez', miččen sädi Vnešekonombank Edahaižen Päivnouzman da Baikalan regionoiden kehitoitusen täht.

Elostarin

Aleksei Čekunkov sündui 3. redukud vodel 1980 Minsk-lidnas. Hänen tat Oleg F'odorovič Čekunkov oli Belorussian irdpoližiden ekonomikan kožmusiden ministran varapämez' (1997—1998), a jäl'ges oli Belorussian äkkiližen da täuz'valdaližen poslan Vjetnamas (1998—2001).

Openduz

Lopi Moskvan valdkundaližen rahvahidenkeskeižiden kosketusiden institutan (MGIMO) ekonomikan kožmusiden tedokundan da Edahaižen Päivnouzman federaližen universitetan magistraturan «valdkundaline da municipaline ohjanduz» special'nostin mödhe[2].

Rad

Vodelpäi 2001 vodehesai 2011 Čekunkov radoi Venäman oiktoiden investicijoiden erištos päradsijoil. Ohjanzi surid rahvahidenkeskeižid da venälaižid rahoituzorganizacijoid (Alrosa, Delta Private Equity, Al'fa-grupp), sen lugus Edahaižen Päivlaskman tahol — Saha Valdkundas (Jakutii) da Habarovskan agjas[3]. Ohjanzi ičeze investicionižen New Nations Capital-kompanijad (venčurnijad investicijad, bank-investicionižed holitesed)[4].

Vozil 2011—2013 Čekunkov oli Venäman oiktoiden investicijoiden fondan tegijan, oldes pämehen, pämehišton da investicionižen komitetan ühtnikan (RFPI). Oli vastusenpidäjan tervhuz'kaičendan, energijkaičendan da man tarbhaižiden kaivatesiden sektoran investicijoiš da Venä-kitajalaižen investicionižen fondan ühthes Kitajan investicionižen korparacijanke (SIS) tegendas[5].

Vozil 2014—2020 — Edahaižen Päivnouzman da Arktikan kehitoituzfondan pämez' (VEB.RF).

10. kül'mkud vodel 2020 Čekunkov om pandud Venäman Edahaižen Päivnouzman da Arktikan kehitoitusen ministran radsijale[6].

14. semendkud vodel 2024 Valdkundaline Duma udes pani Čekunkovad Venäman Edahaižen Päivnouzman da Arktikan kehitoitusen ministran radsijale[7], sidä päiväl Venäman prezident allekirjuti käskon hänen panendas radsijale[8].

Erazvuiččil vozil mülüi Alrosa-kompanijan tarkištelendan nevondištoho, ven.: ПАО «РусГидро»-kompanijan pämehiden nevondištoho da toižihe kompanijoihe.

Edahaižen Päivnouman social'no-ekonomikan kehitoitusen Valdkundaližen komissijan ühtnik[9] da Arktikan kehitoitusen laudkundan ühtnik[10].

Dorogoiden kehitoituz

Valdkundaližen Duman ištundal, edehko tošt Päivnouzmkehitoituzministerstvan pämeheks panendad, Čekunov sanui Edahaižen Päivnouzman da Arktikan täht 10 päezisijad vodehesai 2030. Planiruičese tehta läz 1 tuhad ut objektad; tehta dorogoiden kehitoitusen — Pohjoižen merimatkan vedändmäran 150 millionad tonn vodeks 2030, Päivnouzman Venäman raudten poligonadme — 270 millionahasai tonn vodeks 2032[11].

Kanz

Aleksei Čekunkov om nainu, on kaks' tütärt[12].

Homaičendad

  1. ↑ Энциклопедия ТАСС, 2024. Чекунков, Алексей Олегович. Министр РФ по развитию Дальнего Востока и Арктики
  2. ↑ Биография Алексея Чекункова
  3. ↑ Биография Алексея Чекункова, выдвинутого на пост министра по развитию Дальнего Востока и Арктики
  4. ↑ Дальневосточные новации оценили в Белом доме
  5. ↑ «Сейчас нужно пройти через геополитическую ломку»
  6. ↑ Алексей Чекунков назначен Министром по развитию Дальнего Востока и Арктики // kremlin.ru
  7. ↑ Госдума утвердила Чекункова министром развития Дальнего Востока и Арктики. РИА "Новости" (14 semendkud 2024). Дата обращения: 14 semendkud 2024.
  8. ↑ Президент подписал указы о назначении членов Правительства Российской Федерации и директоров служб. kremlin.ru (14 semendkud 2024). Дата обращения: 14 semendkud 2024.
  9. ↑ Правительственная комиссия по вопросам социально-экономического развития Дальнего Востока
  10. ↑ Состав президиума Государственной комиссии по вопросам развития Арктики
  11. ↑ Алексей Чекунков перечислил 10 ключевых приоритетов для Дальнего Востока и Арктики. Журнал "Эксперт" (14 semendkud 2024).
  12. ↑ Чекунков, Алексей Олегович. ТАСС (9 kül'mkud 2020). Дата обращения: 28 redukud 2021.

Lähtked

Om sadud "https://vep.ruwiki.ru/w/index.php?title=Čekunkov_Aleksei_Olegovič&oldid=528208"