Sosenskii
| Sosenskii | |||||
|---|---|---|---|---|---|
|
|||||
| 54°03′00″ с. ш. 35°58′00″ в. д.GЯO | |||||
| Valdkund | |||||
| Istorii da geografii | |||||
| Tegemižen päiv | 1952 | ||||
| Eläjad | |||||
| Eläjad |
|
||||
| Lugud | |||||
| Telefonan kod | 48442 | ||||
| Počtan indeksad | 249710 | ||||
|
|
|||||
| Официальный сайт | |||||
 Mediafailad RUWIKI-tedoiš | |||||
![Флаг[d]](/wiki/Fail:Flag_of_Sosensky_(Kaluga_oblast).png)
.png)
Sosenskii (ven.: Со́сенский) om Venäman lidn da lidnankund Kalugan agjan päivnouzmas. Se om Kozel'skan rajonan kahtenz' surtte lidn kahtespäi.
Istorii
Eländpunktan aluz om pandud vl 1952 kuti kaivuzžilo otmaha kävutamižhe buran hilen basseinad. Registriruihe Sosnovskii-žilod oficialižikš vl 1954, taritihe toižid-ki nimitusid (Oktäbr'skii, Leninskii, Šepelevskii). Saihe kaiked kebnad hil't 1980-nzil vozil, no šingotez jätktsihe sodategimištol. Vs 1991 tal'vkun 16. päiväspäi om lidnan statusanke.
Sosenskii šingotase ladimensauvomižen tegimel, specialiždetaliden valamižtegimel, sauvondmaterialiden pästandal (pezatäudui), mugažo üks' edheotand tegeb sädatust, sobid i avtoid specialižiden radnikoičendoiden täht.
Geografijan andmused
Lidn sijadase rajonan päivnouzmas, sijaližel ülüdel, 220 m ü.m.t. keskmäižel korktusel. Matkad Kalughasai om 60 km pohjoižpäivnouzmha-pohjoižhe orhal vai 80 km avtotel. Lähembaižed lidnad oma Kozel'sk-rajonkeskuz 12 km päivlaskmha orhal vai avtotedme, i Čekalin (Tulan agj) 19 km päivnouzmha orhal vai 69 km avtotedme. Lähembaine raudtestancii om Šepelevo «Suhiniči — Tul»-keskustal, 5 kilometras suvipäivnouzmha lidnaspäi avtotedme.
Šepelevo-raudtestancii (83 rist. vl 2010) i kaks' küläd mülüdas lidnankundha Sosenskijan ližaks. Lidnankundan pind — 4,12 km².
Eläjad
Vl 1959 lidnan ristitišt oli 7 034 eläjad. Vn 2010 Venäman rahvahanlugemižen mödhe lidnan eläjiden lugu oli 12 392 ristitud, rajonan koume kümnendest. Kaikiš suremb lidnan ristitišt oli 14 700 eläjad vll 1998−2000. Ortodoksižen hristanuskondan ph. Serafim Sarovalaižen jumalanpert'[4] om olmas lidnas vspäi 2002.
Rahvahad (2010): venälaižed — 94,7%, ukrainalaižed — 1,9%, armenijalaižed — 1,3%, toižed rahvahad — 2,1%.
Professionaližen opendusen aluzkund om Sosenskijan politehnine tehnikum.[5]
Homaičendad
Irdkosketused
- Lidnan tobmuden aluzkundoiden sait (sosensky-adm.ru). (ven.)
- Lidnan informacine sait (sosensky.info). (ven.)
| Kalugan agjan lidnad | ||
| Balabanovo | Belousovo | Borovsk | Jermolino | Juhnov | Kalug | Kirov | Kondrovo | Kozel'sk | Kremönki | Lüdinovo | Malojaroslavec | Medin' | Meščovsk | Mosal'sk | Obninsk | Sosenskii | Spas-Demensk | Suhiniči | Žizdr | Žukov | Tarus | ||