Rahvahidenkeskeine linduiden päiv
| Rahvahidenkeskeine linduiden päiv | |
|---|---|
 L. Fedotjeva "Ozan lind" | |
| Znamoičend | Praznikan pätegend om kaita linduiden roduid da lugu. |
| Om tehtud | 1926 |
| Praznuitas | Rahvahidenkeskeine praznik |
| Päiv | 1. sulakud |
| Tradicijad |
Londuzkaičuz-, openduz- da kul'turorganizacijad vedäba mugoižid azjtegoid, kut: akcijoid, konkursoid, flešmoboid, ozutelusid, lekcijoid, ekologižid taughuid i toižid azjtegoid. |
Rahvahidenkeskeine linduiden päiv (ven.: Междунаро́дный де́нь пти́ц) — rahvahidenkeskeine ekologine praznik, mitte praznuitas joga voden Venämal 1. sulakud vodelpäi 1926. Päivmäran valičuz om sidotud kezalinduidenke pördutandanke suvespäi. Praznikan pätegend om linduiden roduiden da lugun kaičend.
Istorii
19. keväz'kud vodel 1902 oli allekirjutadud ezmäine "Rahvahidenkeskeine konvencii tarbhaižiden manelomišton täht linduiden kaičendan mödhe" londusen ümbrišton kaičendan alovehes, se zavodi rata 12. tal'vkud vodel 1905[1][2].
Vodel 1918 Sovetskijas Sojuzas oli allekirjutadud "Rahvahidenkeskeine kožmuz kezalinduiš"[3].
18. redukud vodel 1950 Parižas oli allekirjutadud "Rahvahidenkeskeine konvencii linduiden kaičendas", mitte oli tehtud voden 1902 konvencijan sijas, siš oli kirjutudud kaik linduiden rodud[2].
Amerikas
Vodel 1894 Oil-Siti-školiden inspektor Čarl'z Bebkok tariči tehta openduzorganizacijoiš lapsiden "Linduiden päiv"-praznik, mitte praznuitas 4. semendkud[4].
Idejan tehta praznikad tugezi Viljam Datčer (Amerikan ornitologoiden sebran prezident) i "Pitsburgan Telegrafan hronika"-lehtez, mitte sädi kluban-muzejan openikoiden täht, miše kaita linduid[4].
Necil päiväl lugetihe linduile omištadud starinoid. Muga lopihe openduzvoz', tehtihe linduile i niiden kaičendale omištadud openduzprogramman ühthevedoid[4].
"Konz mö opendam meiden lapsid, zakonoid jo ei tarbiž", — sanui Amerikan ornitologoiden sebran prezident Viljam Datčer[4].
.jpg)
Venäman imperii
Vodel 1865 "Linduiden päiv" zavodiba vedäda školiden londuzkaičuzorganizacijad — "Semendkun sebrad", a mugažo Venäman živatoiden kaičuzkundad[5].
- Professor, živattedomez' Tomskaspäi Nikolai Kaščenko tegi lehtikkirjan Semendkun sebroiš[5].
- Ornitolog Gans fon Berlepšem kirjuti ezmäižen "Ühthine linduiden kaičend"-kirjan [5].
"Idei vedäda "Linduiden päiväd", mitte verhas mas mel'dütoitab kümnid da sadoid linduiden navedijoid, tuli mijale, no ei ole muguine popul'arine…", — sanui linduiden kaičii, živattedomez' Anatolii Silantjev[5].
Sovetskijas Sojuzas
11. i 12. semendkud vodel 1924 vedetihe "Linduiden päiv". Moskvan keskuzbiostancijan nored londusenoppijad opendajiden N. I. Dergunovan da P. P. Smolinan ohjandusel riputiba kodid ven.: Лосиный Остров-rahvahaližes puištos. Mugažo praznik pidetihe Smolenskan agjas Jermolinon školas P. P. Mazurovan nimel. Se mäni kucundanke "Algat amptkoi linduid!" Abutagat niile: tehkat niile kodid da sömlaudoid!"[5].
N. I. Dergunov kirjuti kirjutesen "Linduiden päiväs" "Noriden londusenoppijoiden biostancijan lehtoil K. A. Timir'azevan nimel"[5].
1. sulakud vodel 1926 Moskvas "Linduiden päiv" pranzuitihe oficialižesti. Pandihe linduiden kodid ven.: Воробьёвы горы-tahos[5].
Praznikan tegemižes abuti Vladimir Majakovskii. Hänen kezapertiš pirdihe plakatoid. Hän kirjuti lozungan: "Mö varastam teid, lindud-sebranikad, mikš tö et lekoi?"[5].
Vodel 1927 "Linduiden päiväha", mitte mäni Moskvas, ühtni 5 tuhad last. Hö riputiba 1098 kodad[2][5].
"Vaiše siloi, konz hö ei tekoi, midä tehta joudajal aigal, hö murendaba pezoid. …Linduiden pävihanikoišpäi lapsile pidab tehtas niiden parahimikš sebranikoikš Linduiden päivän abul", — N. I. Dergunov komentirui pahad azjad, mitte tehtihe linduiden kodiden nähte[5].
Vozil 1928 i 1929 praznik pidetihe 24. keväz'kud. Sihe ühtni 65 tuhad entuziastad. Hö riputiba läz 15 tuhad linduiden kodad[5].
Mugoižed joukvestištod, kut Moskvan "Junii naturalist"-,"Listki Biostancii junih naturalistov"-, Piterin "Živaja priroda"-, Har'kovan "Ukrainskii ohotnik i ribolov"-kulehtesed da, "Rad'anskii mislivec ta ribalka"-lehtez kucuiba kaikid tahtnikoid ühtneda "Linduiden päiväha"[5].
Praznikan tegemižehe ühtniba Pioneroiden sebrad i Noriden londusenoppijoiden sebradLapsed tegiba linduiden kodid, kundliba lekcijoid erazvuiččiš linduiden roduiš, ühtniba demonstracijoihe[5].
Voziden 1940 lopus udes pidetihe "Linduiden päiv". Praznikad popul'arizoitiba Viktor Averin (londuzkaičusen radnik) da P'otr Smolin (Ühthižvenälaižen londuzkaičusen sebran pämez')[5].
Vodel 1951 kaikuččele školale pidi tehta 20 kodad[5].
Kaikuččele pionerale vodes pidi tehta üks' koda i kaks' sömlaudašt linduiden täht[5].
Vodel 1953 praznikaha ühtni enamba 5 mln openikad[5].
Vodelpäi 1958 praznik zavottihe pidäda kaks' kerdad vodes (kevädel da sügüzel)[5].
Voziden 1970 lopus "Linduiden päiv"-praznikas unohtadihe[5].
Venämal
Vodel 1999 "Rahvahidenkeskeine linduiden päiv" Venäman linduiden kaičuzsebran ornitologoiden abul zavottihe praznuita udes[5].
Vodel 2000 praznikan tegemižehe ühtni Moskvan valdmehišt[6].
Tradicijad
"Rahvahidenkeskeine linduiden päiv" tehtas JUNESCOn "Ristit da biosfer"-programman todenzoitusen aigan[5].
Londuzkaičuz-, openduz- da kul'turorganizacijad vedäba mugoižid azjtegoid, kut[2]:
- akcijoid,
- konkursoid,
- flešmoboid,
- ozutelusid,
- lekcijoid,
- ekologižid taughuid i toižed.
Joga voden vodelpäi 1996 Venäman Linduiden kaičuzsebr valičeb voden lindun[2]:
- 2023 — kronšep;
- 2024 — čiž;
- 2025 —must variš.
Praznuičendan päiväd
Kaikuččes mas "Rahvahidenkeskeine linduiden päiv" praznuitas erazvuiččil päivil[3]:
- 1. sulakud — Venäma, "Rahvahidenkeskeine linduiden päiv";
- 4. semendkud — Amerika, "Linduiden päiv";
- 5. vilukud — Amerika, "Rahvahaline linduiden päiv";
- 22. vilukud — Velikobritanii "Rahvahaline linduiden päiv";
- Semendkun toine sobat — Velikobritanii "Mail'man kezalinduiden päiv";
- Redukun toine sobat — Latinan Amerikan mad "Kezalinduiden päiv";
- Reduku — Kolumbii;
- Sulaku — Kosta-Rika.
Homaičendad
- ↑ И. И. Лукашук. [http://cawater-info.net/bk/water_law/pdf/lukashuk.pdf Международное право Особенная часть Учебник для студентов юридических факультетов и вузов]. — Изд. 3-е, перераб. и доп. – М.: Волтерс Клувер, 2005. - 517 с., 2005.
- ↑ 1 2 3 4 5 Артемова, Оксана. Международный день птиц в 2025 году: традиции и интересные факты, ВФокусе Mail. Дата обращения: 13 tal'vkud 2025.
- ↑ 1 2 ОГНЕВА, Елена. Happy Bird Day! В Ульяновской области отмечают Международный день птиц, AiF. Дата обращения: 14 tal'vkud 2025.
- ↑ 1 2 3 4 A passion for birds : American ornithology after Audubon : Barrow, Mark V., 1960- : Free Download, Borrow, and Streaming : Internet Archive (англ.). Internet Archive. Дата обращения: 14 tal'vkud 2025.
- ↑ 1 2 3 4 5 6 7 8 9 10 11 12 13 14 15 16 17 18 19 20 21 Черненкова, Марина. Международный день птиц 2024: История и традиции праздника, Общественная служба новостей. Дата обращения: 14 tal'vkud 2025.
- ↑ Международный день птиц, РИА Новости. Дата обращения: 14 tal'vkud 2025.
Literatur
- Н. И. Дергунов. День птиц. — М.: «Молодая гвардия», 1927.
- Н. И. Дергунов. Как организовать «День птиц». — М.: «Центр. бюро юных натуралистов», 1928.
- С И. Антонова. Молодёжные экологические акции. Кузбасс продолжает традицию // Образование. Карьера. Общество. — 2009. — № 2 (24).