Meždurečensk

Meždurečensk
Флаг[d] Герб
53°41′11″ с. ш. 88°04′13″ в. д.
Valdkund	Venäma
Istorii da geografii
Tegemižen päiv	1946
Pind	48
Высота	240
Eläjad
Eläjad	▼96 174 чел. (2021)
Lugud
Telefonan kod	38475
Počtan indeksad	652870, 652873, 652874, 652875, 652877, 652878, 652880, 652881, 652882, 652884, 652887 da 652888
Официальный сайт
Mediafailad RUWIKI-tedoiš

Meždurečensk (ven.: Междуреченск) om Venäman lidn Kemerovon agjan suvipäivnouzmas. Se om agjan nellänz'-videnz' lidn eläjiden lugun mödhe kuti Leninsk Kuzneckii-ki, Meždurečenskan lidnümbrikon administrativine keskuz (vspäi 2005).

Istorii

Eländpunktan aluz om pandud vl 1946 kuti Ol'žeras-žilo (nimitihe jogen mödhe) samha kivihil't. Kätihe žilod da saudud türmatud mehil eländpunktad lidnaks vn 1955 23. päiväl kezakud, nimitihe nügüdläižikš geografižen sijadusen mödhe kahten jogen keskes (ven.: между реками).

Meždurečensk šingotase kivihilen samižel (viž kaivut, sidä kesken järed «Raspadskai», i viž kar'jerad) i videl küllästamižfabrikal, kuldan samižel, kohenduzmehanižel Tomusinskii-tegimel i sömtegimištol (leibänkombinat, oludtegim i jomižed, mineraline vezi), mugažo mägisuksiden turizmal.

Geografijan andmused

Lidn om 25 km pitte, sijadase pidust' Tomin oiktad randad tobjimalaz i sen oiktan Us-ližajogen (ven.: Уса́) hural randal tobjimalaz, 240 m ü.m.t. keskmäižel korktusel, om ümbärtud mägirajonil. Matkad Kemerovohosai om 225 km lodeheze orhal, 300 km avtol vai raudtedme. Meždurečensk mülüb Novokuzneckan lidnaglomeracijha (1,15 mln rist. vl 2010). Lähembaine lidn om Miski 15 km päivlaskmha.

Üks'toštkümne pen't žilod mülüdas lidnümbrikho Meždurečenskan ližaks, alištudas koumele territorialižele ohjandusele. Lidnümbrikon pind — 7322,9 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 101 678 ristitud, lidnümbrikon — 103 946 ristitud. Kaikiš suremb lidnan ristitišt oli 108 tuh. eläjid vll 1991−1993. Vl 2018 kaik 99 025 ristitud elihe lidnümbrikos.

Ortodoksižen hristanuskondan koume jumalanpertid da kaks' časounäd oma olmas lidnas.

Meždurečenskan kaivudensauvondtehnikum om professionaližen opendusen aluzkundaks.

Edeline lidnümbrikon pämez' om Sergei Kislicin (keväz'ku 2015 — sügüz'ku 2018).

Galerei

• Мемориал шахтёрской славы (Междуреченск).jpg

  Kaivajiden hoštusen memorial (2010)

• Часовня (08.2011) - panoramio.jpg

  Ortodoksižen hristanuskondan časoun' lidnümbrikos, vn 2011 nägu

• Mezhdurechensk, Kemerovo Oblast, Russia - panoramio (5).jpg

  Lidnan puišt (2014)

• 

  Raspadskai-kaivuden tulend vl 1984

• Mining equipment in Mezhdurechensk.jpg

  Hilen kar'jer lidnümbrikos vl 2006

• Mezhdurechensk, Kemerovo Oblast, Russia - panoramio.jpg

  Kul'turkeskuz (2014)

• Mezhdurechensk, Kemerovo Oblast, Russia - panoramio (9).jpg

  «Avrora»-torguimižbobuštuzkeskuz (2014)

• Междуреченск 2.jpg

  L-serijan puruvedim-muštnik

• 

  Meždurečensk-raudtestancijan nägu

Homaičendad

Irdkosketused

• Lidnümbrikon Rahvahan Ezitajiden Nevondkundan oficialine sait (sndmo.ru). (ven.)
• Lidnümbrikon Administracijan oficialine sait (mrech.ru). (ven.)