Mariinsk

Mariinsk
Mariinsk
	Герб
	56°13′00″ с. ш. 87°45′00″ в. д.GЯO
Valdkund	Venäma;
Istorii da geografii
Tegemižen päiv	1698
Высота	130
Eläjad
Eläjad	▲40 779 чел. (2021);
Lugud
Telefonan kod	38443
Počtan indeksad	652150
	Официальный сайт
	Mediafailad RUWIKI-tedoiš

Mariinsk (ven.: Марии́нск) om Venäman lidn da lidnankund Kemerovon agjan pohjoižes. Se om Mariinskan rajonan administrativine keskuz.

Istorii

Ende čuliman totarlaižed elihe lidnan sijas. Vl 1698 venälaižed paniba Kijskoje-žilon alust Moskvan počtantraktal. Vl 1856 žilo sai lidnan statusad.

Vl 1857 udesnimitihe Kijskoje-lidnad Aleksandr II-imperatoran Marija Aleksandrovna-akad (1824−1880) oiktastuseks. Transsib läbiti lidnad 19. voz'sadan lopus, saudihe raudtesildad joges päliči vl 1895. Ortodoksižen hristanuskondan ph. Mikulai-čudonsädajan päjumalanpert' (om udessündutadud toižel sijal vodele 2007) i kaumžoman puine časoun', katoline i judaizman pühäpertid oliba lidnas ende. Om kaičenus äi torgovanoiden kivižid pertid.

Mariinsk šingotase raudten edheotandoil i turizmal, etilspirtan tehmine i alkogoližiden jomižiden kaks' tegint ratas. Transsibirin kivivoinveim om saudud lidnanno.

Geografijan andmused

Lidn sijadase Kii-jogen (ven.: Кия) hural randal (Čuliman hura ližajogi), 130 m ü.m.t. keskmäižel korktusel. Reljef om tazo. Matkad Kemerovohosai om 141 km suvipäivlaskmha orhal, 168 km avtol vai 225 km raudtedme. Lähembaine lidn om Anžero-Sudžensk 110 km päivlaskmha orhal, 145 km avtotedme vai Trassibadme.

Mariinsk om lidnankundan üks'jäine eländpunkt.

Eläjad

Vn 2010 Venäman rahvahanlugemižen mödhe eläjiden lugu oli 40 526 ristitud, rajonan seičeme kümnendest. Ristitišton lugu vajehtab 39..43 tuh. eläjid röunoiš vspäi 1959 (43 000 rist. vl 2003).

Mariinskan politehnine tehnikum^[3] om professionaližen opendusen aluzkundaks.

Galerei

Mariinsk Town Museum.jpg

Lidnan muzei vl 2011
Мариинск, Храм Анастасии Узорешительницы.jpg

Anastasija-sol'menpätajan jumalanpert', vn 2017 nägu
Мариинский ЛВЗ, 2.jpg

Mariinskan likörvintegim vl 2017
Poludintsev Shop Mariinsk.jpg

Lauk vl 2011 (ende Poludincev-torgovanan lauk)
Жд вокзал - panoramio (6).jpg

Mariinsk-päraudtestancijan sauvuz vl 2014

Homaičendad

Irdkosketused

Lidnan tobmuden aluzkundoiden oficialine sait (gorod-mariinsk.ru). (ven.)

	Kemerovon agjan lidnad
	Anžero-Sudžensk \| Belovo \| Berözovskii \| Gur'jevsk \| Jurg \| Kaltan \| Kemerovo \| Kiselövsk \| Leninsk Kuzneckii \| Mariinsk \| Meždurečensk \| Miski \| Novokuzneck \| Osinniki \| Polisajevo \| Prokopjevsk \| Salair \| Taig \| Taštagol \| Topki

[_7fdfab61769c2197-1] OKTMO 179/2016 — 2016.

[_15bd2465f028e4c3-2] ttps://rosstat.gov.ru/storage/mediabank/tab-5_VPN-2020.xlsx

[3] Mariinskan politehnižen tehnikuman sait (marptex.ru). (ven.)

[1]

[2]

[3]