Anžero-Sudžensk

Anžero-Sudžensk
Флаг[d] Герб
56°05′00″ с. ш. 86°02′00″ в. д.
Valdkund	Venäma
Istorii da geografii
Tegemižen päiv	1897
Pind	119
Высота	230
Aigvö	UTC+7:00[d]
Eläjad
Eläjad	▼66 583 чел. (2021)
Lugud
Telefonan kod	38453
Počtan indeksad	652470
Официальный сайт
Mediafailad RUWIKI-tedoiš

Anžero-Sudžensk (ven.: Анже́ро-Су́дженск) om Venäman lidn da lidnümbrik Kemerovon agjan pohjoižes. Se om agjan ühesanz' lidn eläjiden lugun mödhe.

Istorii

Eländpunktan aluz om pandud radinžiloks vl 1928 Anžerk- (ven.: Анжерка) da Surženk- (ven.: Сурженка) kaivuzžiloišpäi. Anžerk-žilo oli nimitadud Anžer-jogen mödhe, i Surženk-žilon nimi oli anttud tulijoil Kurskan gubernijaspäi, kus Sudž-jogi da Sudž-lidn oma olmas. Anžero-Sudžensk sai lidnan statusad vl 1931.

Lidn om Kuzbassan hilen samižen ühteks keskusišpäi tähäsai.

Geografijan andmused

Lidn sijadase Kuzneckan katl'uses, 230 m ü.m.t. keskmäižel korktusel. Matkad Kemerovospäi om 115 kilometrad pohjoižpolehe. Transsib-raudte läbitab lidnad.

Lidnanvuitte Rudničnii-žilo (3752 rist. vl 2017) da seičeme muite žilod mülüdas lidnümbrikho Anžero-Sudženskan ližaks. Lidnümbrikon pind — 340 km².

Eläjad

Eläjiden lugu

Voz'	1959	1970	1979	1989	2002	2010
Ristitišt, tuh. eläjid	115,6	106,0	105,1	107,9	86,5	76,6

Kaikiš suremb lidnan ristitišt oli 120 tuhad eläjid vl 1962. Lidnümbrikon ristitišt oli 82 497 eläjad vl 2010 i 77 666 eläjad vl 2017.

Professionaližen opendusen aluzkundad: kaivuztehnikum, pedagogine i politehnine kolledžad, Kemerovon agjan medicinižen kolledžan filial.

Edeline lidnümbrikon pämez' om Dmitrii Ažičakov (kül'mku 2016 — reduku 2019).

Galerei

• Здание администрации города Анжеро-Судженска (1).jpg

  Lidnan administracijan sauvuz (2013)

• Парк Победы2.jpg

  Vägestusen puišt i muštnik pölištunuzile sodamehile Suren sodan aigan (2018)

• НМБОУ Гимназия №11.jpg

  Gimnazii nomer 11 (2018, škol om saudud N.K. Krupskajan iniciativan mödhe)

Homaičendad

Irdkosketused

• Anžero-Sudženskan lidnümbrikon tobmuden aluzkundoiden oficialine sait (anzhero.ru). (ven.)
• Anžero-Sudžensk mojgorod.ru-saital. (ven.)
• Anžero-Sudženskan uzištused — lidnan informacine sait (riopress.ru). (ven.)