Hjuston

Hjuston
Флаг[d]
29°45′46″ с. ш. 95°22′59″ з. д.
Valdkund	Amerikan Ühtenzoittud Valdkundad
Глава	Sylvester Turner[d]
Istorii da geografii
Tegemižen päiv	eloku 1836
Pind	1724,544507 (2016)
Высота	13 ± 1
Aigvö	UTC−6:00[d], летом UTC−5:00[d]
Eläjad
Eläjad	▼2 304 580 чел. (1 vilukud 2020)
Lugud
Telefonan kod	281, 832 da 713
Počtan indeksad	77000–77099, 77200–77299, 77000, 77002, 77007, 77009, 77011, 77013, 77015, 77018, 77021, 77024, 77027, 77030, 77034, 77038, 77042, 77045, 77048, 77049, 77052, 77057, 77061, 77065, 77069, 77072, 77075, 77079, 77081, 77083, 77087, 77091, 77094, 77099, 77203, 77206, 77208, 77211, 77216, 77220, 77224, 77228, 77229, 77231, 77233, 77236, 77240, 77243, 77246, 77249, 77250, 77253, 77258, 77260, 77263, 77266, 77268, 77273, 77276, 77279, 77280, 77282, 77285, 77287, 77290, 77291, 77295 da 77298
Официальный сайт (angl.)
Fail:Houston-map.jpg
Mediafailad RUWIKI-tedoiš

Hjuston (angl. i isp.: Houston, virktas: angl. [ˈhjuːstən], isp. ['xjus.ton]) om AÜV:oiden lidn-millioner Tehas-štatan suves, sen kaikiš suremb lidn da AÜV:oiden nellänz' lidn ristitišton lugun mödhe. Lidnan aglomeracii om videnz' surtte AÜV:oiš ristitišton lugun mödhe (6,5 mln vl 2014). Äiluguižed ezilidnad sadas Meksikan lahthesai, kudambaspäi lidnan keskuz sijadase 50 kilometras.

Lidn om aeronaftikan tedoidusiden keskuz, mugažo biotehnologijoiden keskuz. Meriport om kaikiš järedamb AÜV:oiš rahahidenkeskeižiden jüguiden vedandan mödhe. Hjustonas tehtas mašiništ kivivoid samha. Om äi kivivoin ümbriradajid tegimid, AÜV:oiden polimeriden 40% tehtas täs.

Istorii

Vl 1836 Avgust da Džon Allen-vellesed edheotajad paniba lidnan alusen sädamha Tehasan pälidnad. Hjuston-žilo sai lidnan statusad vl 1837. Se om nimitadud Tehasan Tazovaldkundan ezmäižen valitud prezidentan oiktastuseks (Semüel Hjuston).

Vozil 1837−1839 Hjuston oli Tehasan Tazovaldkundan pordaigaižeks pälidnaks.

Geografijan andmused

Lidn sijadase tazangištol 15..38 metrad ü.m.t. korktusil, Buffalo Baju-jogen molembil randoil.

Klimat om subtropine neps. Läm' suvipäivnouzmaine tullei puhub Meksikan lahtespäi vodes läbi, ka om kaikenaigaine upar'. Vilukun kesklämuz om +12 C°, heinkun da elokun — +29 C°. Paneb sadegid 1260 mm vodes, kuidme läz tazomäras, kaikiš enamba — semendkus, kezakus da redukus.

Hjuston om AÜV:oiden kaikiš suremb lidn administrativižeta jagandata, jagase 11 valičemižümbrikoks.

Ižanduz

Suren Hjustonan kogosüdäiprodukt om 449 bln US$ (vl 2012, nellänz' sija valdkundas).

Phillips 66, ConocoPhillips, Sysco, Halliburton, Occidental Petroleum da Apache mail'man kompanijoiden päfaterad sijadasoiš lidnas.

Transport

Avtobusad, kiruhavtobusad da kiruhtramvaid (angl.: METRORail) oma kundaližeks transportaks lidnan südäimes.

Kaks' avtoterenghad oma Sures Hjustonas. Koumanz' rengaz sauvose, 290 km pitte, se linneb vaumiž vl 2019.

Rahvahidenkeskeine civiline Bušan Džordžan nimel nimitadud Hjuston Interkontinental-lendimport (IAH) sijadase 32 kilometras pohjoižhe lidnan keskusespäi. Se om kudenz' lendimport mail'mas lendahtandoiden da ištutandoiden lugun mödhe. Sišpäi tehtas reisid AÜV:oiden südäimes, Meksikha, Amerikan, Evropan da Azijan äjihe maihe.

Tetabad mehed

Bejonse, amerikalaine pajatai, aktris, biznesnaine, fotomodel' om sündunu 4. sügüz'kud 1981 Hjustonas. Sai tetabut voziden 1990 lopus, konz oli R&B-joukun Destiny’s Child päpajatajan. Vodel 2003 pästi ičeze ezmäižen Dangerously in Love-al'boman, miččehe mülüiba «Crazy in Love» da «Baby Boy» hitad. Neciš al'bomas Noulz sai viž rekordišt «Gremmi»-premijad.

Homaičendad

Irdkosketused

• Lidnan e-ohjastusen oficialine sait (houstontx.gov).  (angl.) (isp.)