Bubrih Dmitrii Vladimirovič

Dmitrii Vladimirovič Bubrih
Sündundpäiv	25. heinkud 1890(1890-07-25)
Sündundtaho	Piter, Venäman imperii[d]
Kolendpäiv	30. kül'mkud 1949(1949-11-30) (59 лет)
Kolendtaho	Leningrad, RSFSR[d], Sovetskii Sojuz
Ma	Venäman imperii, Sovetskii Sojuz SSSR
Tedoerišt	kel'tedo, suomalaiž-ugrilaižiden keliden tedo, slavilaižiden rahvahiden oppind, rindatuzkel'tedo
Radsija	Leningradan valdkundaline universitet
Openduz	Piterin valdkundaline universitet[d]
Tedostepen'	filologijan tedodoktor (1937)
Tedonimi	Professor (1925), Sovetskijan Sojuzan Tedoiden akademijan ühtnik-korrespondent (1946)
Tedo-ohjandai	Aleksei Šahmatov
Openikad	Georgii Kert Zinaida Dubrovina
Pauklahjad da premijad
Mediafailad RUWIKI-tedoiš

Dmitrii Vladimirovič Bubrih (ven.: Дми́трий Влади́мирович Бу́брих, 25. heinkud 1890, Piter — 30. kül'mkud 1949, Leningrad) — venälaine i sovetskii filolog, professor (1925), filologijan tedodoktor (1937), Sovetskijan Sojuzan Tedoiden akademijan ühtnik-korrespondent (1946), üks' kodiman tedoškolan sädajišpäi suomalaiž-ugrilaižen filologijas, Leningradan valdkundaližen universitetan filologižen tedokundan suomalaižen kafedran augonpanii (1925) i ezmäine pämez' (vodehesai 1949).

Elostarin

Bubrih sündui Piterin opištoiden venän kelen da čomaliteraturan opendajan Vladimir F'odorovič Bubrihan kanzas.

Vodel 1909 lopi Rigan Nikolai I gimnazijan kuldaižen medalinke i päzui opendamhas Piterin imperatoran universitetan istorijan-filologižen fakul'tetan slavilaiž-venälaižehe erištoho, lopi sen vodel 1913 I stepenin diplomanke. Vodel 1911 Bubrihad pidätadihe i kükstihe Piterišpäi, sikš ku hän ühtni üläopenikoiden mitingoihe. Hän openzihe kel'tedomeheks Aleksei Šahmatovan ohjandusel, 1920-voziden augotišes zavodi oppida suomalaiž-ugrilaižid kelid.

1917. voden jäl'ghe D. V. Bubrih radoi opendajan Moskvan da Piterin korktoiš openduzerištoiš. Vodelpäi 1922 oli opendajan Petrogradan valdkundaližes universitetas. Vodelpäi 1925 i läz surmhasai oli Leningradan valdkundaližen universitetan suomalaiž-ugrilaižiden keliden tedon kafedran pämehen. Vozil 1927—1929 — Moskvan valdkundaližen universitetan etnologižen fakul'tetan ugrilaiž-suomalaižiden keliden kafedran professor.

Vozil 1934—1949 Bubrih ohjanzi suomalaiž-ugrilaižiden keliden tedon erištod Kelen da meletandan institutas Marran nimel. Filologijan tedodoktor (1937).

Vozil 1932—1933 D. V. Bubrihad tahtoitihe türmata kut suomalašt nacionalistad, no händast pästtihe valdale.

Vodelpäi 1937 radoi Petroskoin Karjalan valdkundaližen institutas, oli Karjalan kelen da literaturan kafedran pämez'.

Voden 1938 uhokus oli türmatud "antisovetskijas rahvahaližes rados", kut äjad toižed suomaliž-ugrilaižiden keliden oppijad, no toižel vodel händast pästtihe valdale.

Suren Kodiman voinan vozil radoi Karjalaiž-Suomalaižes valdkundaližes universitetas oldes evakuacijas Siktivkaras.

Vozil 1947—1949 — Venäman tedoakademijan Karjalan tedokeskusen Kelen, literaturan da istorian institutan pämez' Petroskoiš. D. V. Bubrih mahtokahašti voi ühtištada tedo- da sädairadod kahtes lidnas — Leningradas i Petroskoiš. Vozil 1948—1949, konz vedetihe azjtegoid kosmopolitizman vaste, D. V. Bubrih möst putui väritusiden alle "buržuazijan kontrabandas" marristoiden polespäi Fedot Filinan ohjandusel, sihe ühtniba erased enččed-ki openikad, niiden keskes oli Vasilii Alatirev.

Dmitrii Vladimirovič Bubrih koli 30. kül'mkud vodel 1949 59-voččes igäs südäintabadusespäi marin kelen openduzlekcijan aigan Leningradan valdkundaližes universitetas.

Oli pandud maha Serafimovan kaumištol.

D. V. Bubrihan kaum Piteriš

Dmitrii Vladimirovič Bubrihan tradicijoid jatksi hänen openik — Zinaida Mihailovna Dubrovina, filologijan tedodoktor, professor, Leningradan valdkundaližen universitetan suomalaiž-ugrilaižen filologijan kafedran ohjandai vozil 1957—1991. Möhemba Leningradan valdkundaližen universitetan suomalaiž-ugrilaižen filologijan kafedrad ohjanzi Leonid Ivanovič Suviženko (vozil 1991—2007) i Natalja Nikolajevna Kolpakova (vozil 2007—2020). Leningradan valdkundaližen universitetan suomalaiž-ugrilaižen filologijan kafedr, miččen augonpanii om Dmitrii Vladimirovič Bubrih (vodel 1925), tegihe päkeskuseks Sovetskijas Sojuzas, a jäl'ges Venämal suomaliž-ugrilaižen filologijan tedo-oblastiš. Vozil 1945—1946 necil kafedral zavottihe vaumištada tundijoid "Vengrian kel' da literatur"-, "Suomen kel' da literatur"-specialižuziden mödhe. Neciš aigas Leningradan valdkundaližen universitetan suomalaiž-ugrilaižen filologijan kafedral pästtihe äi vengrian da suomen keliden tundijoid. Vodelpäi 2001 kafedral opetas estin kel't, nece om kut eriline openduzkurs vengrian da suomen erištoiden üläopenikoiden täht. A vodelpäi 2007 zavottihe vaumištada tundijoid "Estin kel' da literatur"-specialižuden mödhe. Leningradan valdkundaližen universitetan suomalaiž-ugrilaižen filologijan kafedran opendajiden joukus oma hüväd vengrian, suomen da estin keliden tundijad. Heiden radod korktas arvostadihe Vengrias, Suomes i Estonias.

Panend tedoho

Ezmäižed tedotöd om omištadud venän paginoile, slavilaižiden keliden fonetikale i indojevropalaižele akcentologijale, sidä kesken polestadud dissertacijan sijas ven.: «Севернокашубская система ударения»-kirj (1924), miččen korktas arvosti Antuan Meje. Nikolai Sergejevič Trubeckoi kirjuti, miše nece oppind om "ülilahjakaz, kacmata sihe, miše, voib olda, Bubrihan teorii pidab hül'gäita".

N. N. Kolpakova ezineb "Bubrihan lugendad"-konferencijal Petroskoiš, 2020

G. V. Gordijenko ezineb "Bubrihan lugendad"-konferencijal Petroskoiš, 2020

1920.-voziden keskespäi hän täuzin zavodi oppida suomalaiž-ugrilaižid kelid (hän mahtoi pagišta läz kaikuččel); tegi ekspedicijoid Karjalaha, Mordoviaha i toižihe sijoihe. Tegi suren radon, miše säta suomalaiž-ugrilaižtedon kafedran Venämal i vaumištada neniden keliden tundijoid. Ühtni karjalaižiden, vepsläižiden, ižoralaižiden, mordvalaižiden, udmurtilaižiden, marin, hantin da mansin rahvahiden kirjkelen sündundaha. Necil aigal hän kirjuti karjalan, erz'a-mordovan i komin i toižiden keliden grammatikoid, a mugažo töid "Kalevalan" sündundas.

Pagištes suomalaiž-ugrilaižiden keliden heimos, Dmitrii Vladimirovič Bubrih kingiti hoimaičusen sijaližihe faktoihe.

Pauklahjad

• Radon Rusttan flagan orden (10.06.1945).

Päpainused

• Севернокашубская система ударения  (рус.). feb-web.ru. Дата обращения: 5 elokud 2025.
• Бубрих Д.В. Финно-угорское языкознание в СССР. — Ленинград: Академия наук СССР, 1928.
• Бубрих Д.В. Карелы и карельский язык. — Москва: Мособлисполкома, 1932.
• Бубрих Д.В. Грамматика карельского языка. — Петрозаводск: Б. и., 1937. — 80 с.
• Бубрих Д.В. Эрзя-мордовская грамматика-минимум. — Саранск, 1947.
• Бубрих Д.В. Историческая фонетика удмуртского языка (сравнительно с коми языком). — Ижевск: Удмуртгосиздат, 1948. — 112 с.
• Бубрих Д.В. Историческая фонетика финского-суоми языка. — Петрозаводск, 1948. — 232 с.
• Бубрих Д.В. Грамматика литературного коми языка. — Ленинград, 1949. — 199 с.
• Бубрих Д.В. Историческая грамматика эрзянского языка. — Саранск: Мордовское книжное изд-во, 1953. — 271 с.
• Бубрих Д.В. Историческая морфология финского языка. — Москва, Ленинград: Акад. Наук СССР, 1955. — 187 с.
• Бубрих Д.В., Беляков А.А. , Пунжина А.В. Диалектологический атлас карельского языка. — Хельсинки, 1997.
• Бубрих Д.В. Прибалтийско-финское языкознание: избранные труды. — СПб., 2005. — 380 с.

Homaičendad

Literatur

• Известия Карело-Финского филиала Академии наук СССР. — Петрозаводск: Карело-Фин. филиал Акад. наук СССР, 1890—1949.;
• Хямяляйнен М. М. Дмитрий Владимирович Бубрих. — Петрозаводск, 1961. — 3-9 с.;
• Дубровина З. М. Д. В. Бубрих как исследователь финно-угорских языков (К 70-летию со дня рождения). — 1962.;
• Керт Г. М. Дмитрий Владимирович Бубрих (1890—1949): Очерк жизни и деятельности. — Ленинград: Наука, 1975. — 122 с.;
• К 100-летию со дня рождения Д. В. Бубриха. — СПб.: Наука, 1992. — 128 с.;
• Карелия: энциклопедия: в 3 т. — Петрозаводск: ИД «ПетроПресс», 2007.

Lähtked

• Бубрих Дмитрий Владимирович (1890—1949), языковед, специалист в области финно-угорского языкознания; член-корреспондент АН СССР (1946)  (рус.). Сайт Архивы РАН. Дата обращения: 5 elokud 2025.
• Бубрих, Дмитрий Владимирович  (рус.). Дата обращения: 5 elokud 2025.
• Бубрих, Дмитрий Владимирович  (рус.). Энциклопедия «Кругосвет». Дата обращения: 5 elokud 2025.
• Бубрих Дмитрий Владимирович (1890-1949)  (рус.). Биобиблиографический словарь востоковедов. Дата обращения: 5 elokud 2025.
• Керт Г. М. Величие и трагедия таланта  (рус.). voinitsa.ru. Дата обращения: 5 elokud 2025.
• Бубрих Дмитрий Владимирович  (неопр.). Летопись Московского университета. Дата обращения: 5 elokud 2025.