Borisoglebsk

	Borisoglebsk
Флаг[d]	Герб
	51°22′00″ с. ш. 42°05′00″ в. д.GЯO
Valdkund	Venäma;
Istorii da geografii
Tegemižen päiv	1698
Pind	49;
Высота	100
Aigvö	UTC+3[d]
Ekonomik
Eläjad
Eläjad	▲60 687 чел. (2021);
Lugud
Telefonan kod	47354
Počtan indeksad	397160–397172
-
	Официальный сайт(ven.)
	lugeda • diskussii • redaktiruida

Sil sanal voib olda toižid znamoičendoid; miše nähta niid, tulgat tänna.

Borisoglebsk (ven.: Борисогле́бск) om Venäman lidn da transporttesol'm Voronežan agjan pohjoižpäivnouzmaižes čogas. Se om agjan koumanz' lidn eläjiden lugun mödhe, Borisoglebskan lidnümbrikon administrativine keskuz.

Istorii

Eländpunktan aluz om pandud vl 1698 (vai vl 1646 erasiden purtkiden mödhe) kuti Novopavlovsk (Pavlovsk) kaičemha tahondad kalaidajiden heimoiden londoišpäi. Vspäi 1704 om nügüdläiženke nimenke, šingotihe pumaterialan depoks Venäman laivišton sauvomižen täht Rahvahanikoiden sodan aigan Borisoglebsk oli toran objektaks. Vl 2008 ühtenzoittihe lidnad rajonanke, kätihe lidnümbrikoks.

Borisoglebsk šingotase mašinansauvomižen tegimil (himižen tegimišton täht, katil-mehanine, kivivoin da gazan samižen täht), ladimiden edheotandoil, sauvondmaterialiden pästandal (savič, gazuidud beton), sömtegimištol (amuine oludtegim, leibänproduktoiden kombinat, lihakonservkombinat), mugažo valamižtegim i pul'kiden edheotand ratas lidnas.

Geografijan andmused

Lidn sijadase lidnümbrikon päivlaskmaiženno röunanno, Hopr-jogen oiktal randpolel (Don-jogen hura ližajogi) sen oiktan Voron-ližajogen (ven.: Ворона 454 km pitte) lanktendanno, Voronan hural randal, 100 m ü.m.t. keskmäižel korktusel. Matkad Voronežhasai om 200 km päivlaskmha orhal, 224 km avtotel vai 350 km raudtel. Lähembaine lidn om Povorino 22 km suvhe orhal, 39 km avtotedme vai 26 km raudtedme.

Borisoglebsk-raudtestancii radab lidnan suvipalas «Lipeck — Volgograd»-keskustal. Kaks' avtotekeskust ristikoitas 6 km lodeheze lidnaspäi: «Voronež — Saratov» (läbitab lidnan pohjošt) i «Tambov — Volgograd». Borisoglebsk-sodalendimport sijadase 4 km päivnouzmha lidnaspäi.

Kaik 23 žilod i 1 külä mülüdas lidnümbrikho Borisoglebskan ližaks. Lidnümbrikon pind — 1371 km².

Eläjad

Vl 1939 lidnan ristitišt oli 52 900 eläjad. Vn 2010 Venäman rahvahanlugemižen mödhe lidnan eläjiden lugu oli 62 865 ristitud, lidnümbrikon — 78 721 ristitud. Kaikiš suremb lidnan ristitišt oli 67..72 tuhad eläjid vll 1973−1998 i 2002−2005 (72 338 rist. vl 1989). Vl 2018 73 111 ristitud elihe lidnümbrikos. Ortodoksižen hristanuskondan Jumalanmaman «Znam»-jumalaižen päjumalanpert' (1869) i seičeme jumalanpertid^[3] oma olmas lidnas.

Rahvahad (2010): venälaižed — 97,2%, toižed rahvahad — 2,8%.

Professionaližen opendusen aluzkundad oma Borisoglebskan kaks' kolledžad (medicinine^[4], muzikaline) i nell' tehnikumad (teiden sauvondan, tehmišton i informacijan tehnologijoiden, maižandusen, tehnologiž-ekonomine^[5]), mugažo Voronežan, Krasnodaran i Moskvan üläopendusen aluzkundoiden nell' filialad.

Galerei

Lidnümbrikon ohjastusen pert'
Фасад Здания купеческого клуба.jpg

Voronežan sauvonduniversitetan filial
(torgovanoiden sebran istorine pert')
Картинная галерея им. Петра Шолохова в Борисоглебске.jpg

Kuvagalerei
(vn 2009 nägu)

Homaičendad

Irdkosketused

Lidnankundan tobmuden aluzkundoiden sait (adminborisoglebsk.ru). (ven.)

Borisoglebsk Vikiaitas

	Voronežan agjan lidnad
	Bobrov \| Bogučar \| Borisoglebsk \| Buturlinovk \| Ertil' \| Kalač \| Liski \| Novohopörsk \| Novovoronež \| Ostrogožsk \| Pavlovsk \| Povorino \| Rossoš \| Semiluki \| Voronež

[_72993c059dbea415-1] ¹ ² OKTMO. 179/2016.

[_15bd2465f028e4c3-2] ¹ ² https://rosstat.gov.ru/storage/mediabank/tab-5_VPN-2020.xlsx

[3] Borisoglebskan pühäpertid sobory.ru-saital. (ven.)

[4] Borisoglebskan medicinižen kolledžan sait (bormed.ru). (ven.)

[5] Borisoglebskan tehnologiž-ekonomižen tehnikuman sait (bortet.ru). (ven.)

[1]

[2]

[3]

[4]

[5]