Rossoš
| Rossoš | |||||
|---|---|---|---|---|---|
 | |||||
|
|||||
| 50°11′54″ с. ш. 39°34′02″ в. д.GЯO | |||||
| Valdkund | |||||
| Istorii da geografii | |||||
| Tegemižen päiv | XVII век | ||||
| Pind |
|
||||
| Высота | 85 | ||||
| Aigvö | UTC+3[d] | ||||
| Eläjad | |||||
| Eläjad |
|
||||
| Lugud | |||||
| Telefonan kod | 47396 | ||||
| Počtan indeksad | 396650 | ||||
|
|
|||||
| Официальный сайт(ven.) | |||||
 Mediafailad RUWIKI-tedoiš | |||||
![Флаг[d]](/wiki/Fail:Flag_of_Rossosh_(Voronezh_oblast).png)
.png)
Rossoš (ven.: Ро́ссошь, ukr.: Розсош) om Venäman lidn, lidnankund da transporttesol'm Voronežan agjan suvipäivlaskmas. Se om agjan kahtenz' lidn eläjiden lugun mödhe, Rossošin rajonan administrativine keskuz.
Istorii
Eländpunktan aluz om pandud kuti slabad 17. voz'sadan keskes. Nimituz libub ukrainan розсоха-sanaspäi «sarak» (kahten jogen ühthejoksmuz), edel Sured sodad ukrainalaižed oliba enambuses Rossošin ristitištos. Raudte tuli sihe vl 1870, päraudtestancijan sauvuz om letud vl 1871. Rossoš sai lidnan statusad vl 1923. Toižen mail'man sodan aigan lidn oli okkupiruidud nacistoil, päzutihe vn 1943 vilukus.
Rossoš šingotase mineraližiden heretusiden tegimel, sauvondmaterialiden pästandal (mouckivi, savič), sömtegimištol (maidkombinat, sömkombinat, voitegim), mugažo vedimdepo radab lidnas. Slobodan ukrainan kul'turan jogavozne festival' oleli lidnas 2000-nzil vozil.
Geografijan andmused
Lidn sijadase rajonan keskuzpalan lodehes, Must Kalitv-jogen hural randal (ven.: Чёрная Калитва 162 km pitte, Don-jogen oiged ližajogi) sen huran Rossoš-ližajogen (70 km pitte) lanktendanno, 85 m ü.m.t. keskmäižel korktusel. Matkad Voronežhasai om 167 km pohjoižhe orhal, 210 km avtotel vai 214 km raudtel. Lähembaine lidn om Pavlovsk 49 km pohjoižpäivnouzmha orhal vai 75 km avtotedme. Rossoš-raudtestancii radab lidnan päivnouzmas «Voronež — Rostov Donal»-keskustal.
Rossoš om lidnankundan üks'jaine eländpunkt. Lidnankundan pind — 59,06 km².
Eläjad
Vl 1939 lidnan ristitišt oli 17 200 eläjad. Vn 2010 Venäman rahvahanlugemižen mödhe eläjiden lugu oli 62 865 ristitud, rajonan kaks' koumandest. Kaikiš suremb lidnan ristitišt om 62..64 tuhad eläjid vspäi 1996 (64 400 rist. vl 2001). Vl 2017 lidnan ristitišt oli 62 884 eläjad.
Rahvahad (2010): venälaižed — 84,6 %, ukrainalaižed — 12,9 %, toižed rahvahad i rahvahuden ozutandata — 2,5 %.
Ortodoksižen hristanuskondan nell' pühäpertid[4] oma olmas lidnas: Ill'a-endustajan päjumalanpert' (om saudud vll 2001−2006) i koume jumalanpertid.
Professionaližen opendusen aluzkundad oma Rossošin kaks' kolledžad (liha- da maidtegimišton[5], medicinine[6]) i kaks' tehnikumad (himiž-mehanine[7], maižanduz- i sauvondtransportan[8]), mugažo Gubernijan pedagogižen kolledžan filial.
Galerei
- Россошь. Привокзальная площадь (2).JPG
Päraudtestancijan torg (2009)
- Церковь-колокольня Россошь.jpg
Ph. Aleksandr Nevalaižen hibjan sirdandan Piterihe jumalanpert'-kellčuhunduz, vn 2016 nägu
- Rossosh Depo.jpg
Vedimdepo vl 2012
Rossoš-päraudtestancii vl 2011
Homaičendad
- ↑ OKTMO. 179/2016.
- ↑ GEOnet Names Server — 2018.
- ↑ https://rosstat.gov.ru/storage/mediabank/tab-5_VPN-2020.xlsx
- ↑ Rossošin pühäpertid sobory.ru-saital. (ven.)
- ↑ Rossošin liha- da maidtegimišton kolledžan sait (rkmmp.ru). (ven.)
- ↑ Rossošin medicinižen kolledžan sait (rossmed.vrn.eduru.ru). (ven.)
- ↑ Rossošin himiž-mehanižen tehnikuman sait (rhmt.ru). (ven.)
- ↑ Rossošin maižanduz- i sauvondtransportan tehnikuman sait (rtsist.ru). (ven.)
Irdkosketused
| Voronežan agjan lidnad | ||
| Bobrov | Bogučar | Borisoglebsk | Buturlinovk | Ertil' | Kalač | Liski | Novohopörsk | Novovoronež | Ostrogožsk | Pavlovsk | Povorino | Rossoš | Semiluki | Voronež | ||